Middlmea

Aus Wikipedia
Wexln zua: Navigation, Suach
s Mittlmea

As Middlmea (Mittelmeer) (lateinisch Mare Mediterraneum), is a Mea zwischn Eiropa, Afrika und Asien. Im Arabischn und Tiakischn weads aa ois „s weiße Mea“ (البحر الأبيض‎ / al-baḥr al-abyaḍ bzw. tiak. Akdeniz ) gnennt.

Zamm mit de drin liegandn Insln und de Uafaregiona vo Sideiropa, Vordaasien und Nordafrika buidd as Middlmea an Middlmearaum, dea wo a oagnas Klima hod und vo oana oagnan Flora und Fauna pregt is.

Eadkund[VE | Weakln]

As Middlmea hod a Fläch vo 2,5 Mio. km², da Rauminhoid is 4,3 Mio. km³. Im Calypsotiaf hods a maximale Tiafn vo 5.267 m.

Geologie[VE | Weakln]

As Middlmea is a Ibarest vo da Tethys, am Urozian wo iba de ganze Wäid greicht hod und uaspringle an Urkontinent Pangäa umschlossn hod. Wias Pangäa ausanandagrissn hod und drauf de Afrikanische Plottn af Nordn gwandat is, is so s Middlmea buidd worn.

Vor eppa 7 Milliona Joar is s Middlmea voistendi ausdrickat, wei da Mearesspiagl wegn ana Eiszeit um eppa 50 Meta gsunkn is.[1] Dees Gebiet is za ana Soizwiastn worn (riesigs Soizlogastettn liegn heit no am Mearesgrund vom Middlmea). Eascht a poa tausend Joar spada is s Middlmea duachn Atlantik wieda afgfiit worn.

Klimawandl[VE | Weakln]

As Middlmea is vo da globaln Eaweamung stoark betroffa. So hom Forscha seit Mitte vom 20. Joarhundat an Ostieg vom Mearesspiagl festgstejt. Dea Ostieg hod si ob de 1970a Joar weida beschleinigt und liegt zua Zeit ba 2,5 bis 10 mm pro Joar. De Wossatemperatur is ebmfois signifikant ogstiegn.[2]

Beleg[VE | Weakln]

  1. FAQ zur Geographie Europas
  2. „Warning on rising Med Sea levels“ (BBC-News am 19. Jenna 2007, englisch)

Literadua[VE | Weakln]

  • Robert Hofrichter: Das Mittelmeer, Bd. 1: Allgemeiner Teil. Spektrum Akademischer Verlag, 2002, ISBN 3-8274-1050-9.
  • Robert Hofrichter: Das Mittelmeer, Bd. 2/2: Bestimmungsführer. Spektrum Akademischer Verlag, März 2006, ISBN 3-8274-1170-X.
  • Manfred Leier: Weltatlas der Ozeane – mit den Tiefenkarten der Weltmeere. Frederking und Thaler, Minga 2001, ISBN 3-89405-441-7, S. 226–241.

Im Netz[VE | Weakln]

 Commons: Middlmea – Sammlung vo Buidl, Videos und Audiodateien

3518Koordinaten: 35° N, 18° O