Punschkropfn
| Der Artikl is im Dialekt Weanarisch gschrim worn. |
Punschkropfn, aa Punschkrapferl (Punschkrapfen) san a klassische Weana Möhspeis mit an feinen Rumaroma. Punschkrapferl san ähnlich wia de kloanan fraunzesischn Petit Four.
Punschkrapfal kriagt ma heit in ana jedn Weana Bäckarei oda Konditorei.
Inhoitsvazeichnis |
Zaumsetzung [dro werkln]
Punschkrapfal san Wiafen aus an lockan Biskwitdag, de wos a Füllung aus oidn Biskwitbreckal (Restln), Marünmarmelad und Nougat Schoklad hom, de mid vü Rum vuigsaugt is. Des gaunze wiad daun mid ana rosarotn Punschglasua iwazogn. Gnau gnumman san Punschkropfn a Punschduatn de voam Glasian in Wiafen gschnittn wuan san.[1][2] De klassischn Punschkrapfal san deswegn eckad, heit gibts owa a zylindrische.
Gschicht [dro werkln]
Wea in easchtn Punschkropfn gmocht hod und wo a heakummt is umstrittn. Es kennt sein, dass a im Middl Oita vo de Awaren noch Wean brocht wuan is oda vo de Ottomanen bei da zwatn Tiaknbelogarung oda dass a vo an kuk Hofzuckabäcka eafundn wuan is.[3]
Rednsoat [dro werkln]
A Weana Rednsoat iwa Punschkrapfal und iwan ewig gestrign Charakta vo de Esterreicha geht so: "Aussn rosa, innen braun und imma besoffn."[4] Des is a oida Kalaua iwa Punschkrapferl und iwan ewig gestrign esterreichischn Charakta. In dem Zaumanhaung hod da Robert Menasse ironischaweis voagschlogn, s Punschkrapfal zum esterreichischn Nationalsymboi z mochn.[5]
Beleg [dro werkln]
- ↑ with the ideal dimensions 4×4×4 cm (www.wieninternational.at)
- ↑ The Original (www.wienerpunschkrapfen.com)
- ↑ A delicious bright pink cube (www.wieninternational.at)
- ↑ Ein Punschkrapfen zu viel (www.standard.at)
- ↑ Menasse, Robert: Das Land ohne Eigenschaften. Essay zur österreichischen Identität. Suhrkamp. Frankfurt/M. 1995, p. 37
