Rohrnudln
Aus Wikipedia
Rohrnudln, in Östareich Buchtln gnannt, san siaße Knedln, de gfuit oda ungfuit in am Reindl im Ofa bacha wern.
De Rohrnudln san aus Böhmen noch Baiern und Österreich kumma und san a festa Bestandteil vo da boarischn und östareichischn Küch.
Rohrnudln wern im Grunde gnomma ausm säim Doag gmacht wia Dampfnudln, am Hepfadoag, nua werns ned zuadeckt in da Milli odam Rahm kocht/bacha, sondan offn im Bachrohr und guad mit Butta b'stricha. Manche fuin de Rohrnudln aa mit am Zwetschgnmuas (Powidl) oda direkt mit am Obst wia Kirschn, Marilln oda Zwetschgn. De Rohrnudln wean fast imma warm gessn und mit Vannuisoß seawiert.
Recht bekannt san de Rohrnudln im Weana Café Hawelka. Des is do de Hausspezialitet, de noch an oiden, geheimen Rezept gmocht wiad. Do muaß mas alladings ois Buchtln bstäin.
