SK Rapid Wien

Aus Wikipedia

Da Spuatklub Rapid, kuaz SCR (1899 - 1978 Spuatclub „Rapid“) is a österreichischa Fuaßboiklub, dea in da Bundesliga spüd. Rapid is im Gerhard-Hanappi-Stadion im Weana Stodtdeu Hittldoaf daham und trogt de Foam grea-weiß.

Dea Spuatklub Rapid is 1898 ois „1. Weana Oabata Fuaßboiklub“ ins Lebm gruafn wuan. Den Nauman „Rapid“ hot da Klub scho am 8. Jänner 1899 aungnumma, de uaspringlich blau-rodn Foabm san durch de heitign Foabm seks Johr speda easetzt wuan. Mit da Zeit vo da Gschicht is da Verein mit da Rekoadzoi von 32 gewunanan östarreichischn Mastaschåftn Rekoadmasta und kau international mitn Sieg im Mitropapokal 1930 und 1951 sowia mitm zwamolign Dareichn vom Finale im Europapokal da Pokalsieger 1985 und 1996 bedeitende Eafoig feian. Domit is Rapid mitanaunda mit dem grooßn Rivoin FK Austria Wean (schau Weana Daby) da erfoigreichste östarreichische Fuaßboiklub. Oba net nur de Fuaßbolla, a de heid ned mea bestehende Haundboisektion hot si mit via östarreichischen Mastaschoftn an Naum mochn kena.

[dro werkln] Rapid-Viatlstund

Zua gaunz bsondan Fuaßboi-Klubkultua ghead de Rapid-Viatlstund. Damid san de letztn fuffzen Minutn von an Spü gmant. Seid 1919 tuan die Aunhänga von Rapid genau in da 75. Minuten zum Klatschn aunfaunga. Gaunz laut und ritmisch, 1-2 Minutn laung. Danoch wiad nomoi gschrian Hopp auf Hittldoaf. De Stärkn von Rapid worn scho imma de Kaumpfkråft und de Kondi. Duach des Klatschen wern de Spüla nomoi richtig aungspornt. Daduach das Rapid wichtige Spü oft in da letztn Viertlstund umdraht hot, is des zua Tradizion wurn. 1921 woa Rapid gegn den WAC (Weana AC) voa da Rapid-Viatlstund 3:5 zruck und hot daun no 7:5 gwunna. Im deitschen Pokalfinale 1939 is noch 75 Minutn no 0:1 fia den FSV Fraunkfuat gstaundn, oba zum Schluss woas daun a 3:1 Sieg fia Rapid.

[dro werkln] Erfoige

• Der SK Rapid Wien is mid 32 Mastatitln der erfoigreichste Fuaßboiclub von Östarreich: 1912, 1913, 1916, 1917, 1919, 1920, 1921, 1923, 1929, 1930, 1935, 1938, 1940, 1941, 1946, 1948, 1951, 1952, 1954, 1956, 1957, 1960, 1964, 1967, 1968, 1982, 1983, 1987, 1988, 1996, 2005, 2008
• Deitscha Masta: 1941
• 14 moi Österreichischa Kapsiega: 1919, 1920, 1927, 1946, 1961, 1968, 1969, 1972, 1976, 1983, 1984, 1985, 1987, 1995
• Deitscha Kapsiega: 1938

[dro werkln] Netzbandln

• Offiziölle Seitn vum SK Rapid Wien
• Offiziölles Vereinsarchiv
• Ultras Rapid 1988