UEFA Champions League

Aus Wikipedia

De UEFA Champions League is a eiropeischer Fuaßboibeweab fia Vareinsmonschoftn. De Champions League gibts oba a in ondare Kontinente und fia ondare Spuioatn. Se wiad vo da UEFA vaonstoitet. Da kloane Bruada vo da Champions League is da UEFA-Cup. Durt spuin di Monschoftn, dis net in de Champions League gschoft hom.

Gschicht[Werkeln | Am Gwëntext werkeln]

De Champions League haaßt eascht seit 1992/93 so, davua hots Eiropapokal vo de Londesmasta ghasn. De Idee fia den Beweab is Onfong da 50er entstondn und suit den Mitropapokal dasetzn. S easchte Mol is a im Joa 1955 austrogn wurn. Seit domois hot Real Madrid nein Moi gwunna, da FC Bayern Minga via Moi. De sponendstn Endspü aus jingara Vagongenhet san de vo 1999 und vo 2005. 1999 hot Menschester Juneited den FC Bayern Minga duach zwa Diadln in da Nochspuizeit 2:1 besiegt. 2005 hot da AC Mailand scho 3:0 gfiat, oba da FC Liverpool hot a no drei Diadln gmocht und se donn im Öfmetaschiassn duachgsetzt.

Spümodus[Werkeln | Am Gwëntext werkeln]

da Pokal vo da Champions League

Es gibt zeascht amol a Qualifikatioun im KO-Sistem. Donn san no 32 Monschoftn übrig de se in ocht Viaragruppn auftön. In dera Gruppnfasn spüt jede Monschoft sechs Spüle: Zwa Spüle gegn jedn vo di ondan drei aus ira Gruppn. De bestn zwa aus jeda Gruppn kumman donn weita in de KO-Rundn. Duat gibts donn imma a Hin- und a Rückspü. Es güt de Ausweatstoaregl. Wonns noch de 180 Minutn no unentschidn is, gibts a Valengarung (zwa Moi 15 Minutn) und wonns sei muass a Öfmetaschiassn. S Finale is nua a Spü und wiad of neitralem Bodn gspüt.

Endspüle[Werkeln | Am Gwëntext werkeln]

In dera Taböön siacht ma olle Finalspüle von da Champions League ob da Säson 1992/93.

Säson Stadion, Oat Gwinna Eagebnis Zwoata Plotz
1992/93 GERGER Olympiastadion, Minga FRAFRA Olympique Marseille 1:0 ITAITA AC Mailand
1993/94 GREGRE Spyridon Louis, Athen ITAITA AC Mailand 4:0 ESPESP FC Barcelona
1994/95 AUTAUT Ernst-Happel-Stadion, Wean NEDNED Ajax Amsterdam 1:0 ITAITA AC Mailand
1995/96 ITAITA Olympiastadion, Rom ITAITA Juventus Turin 1:1 n. V., 4:2 i. Ö. NEDNED Ajax Amsterdam
1996/97 GERGER Olympiastadion, Minga GERGER Borussia Dortmund 3:1 ITAITA Juventus Turin
1997/98 NEDNED Amsterdam Arena, Amsterdam ESPESP Real Madrid 1:0 ITAITA Juventus Turin
1998/99 ESPESP Camp Nou, Baßelona ENGENG Manchester United 2:1 GERGER FC Bayern München
1999/00 FRAFRA Stade de France, Paris ESPESP Real Madrid 3:0 ESPESP FC Valencia
2000/01 ITAITA Giuseppe-Meazza-Stadion, Mäland GERGER FC Bayern München 1:1 n. V., 5:4 i. Ö. ESPESP FC Valencia
2001/02 SCOSCO Hampden Park, Glasgo ESPESP Real Madrid 2:1 GERGER Bayer 04 Leverkusen
2002/03 ENGENG Old Trafford, Menschesta ITAITA AC Mailand 0:0 n. V., 3:2 i. Ö. ITAITA Juventus Turin
2003/04 GERGER Arena AufSchalke, Gösnkiachn PORPOR FC Porto 3:0 FRAFRA AS Monaco
2004/05 TURTUR Atatürk-Olympiastadion, Istanbul ENGENG FC Liverpool 3:3 n. V., 3:2 i. Ö. ITAITA AC Mailand
2005/06 FRAFRA Stade de France, Paris ESPESP FC Barcelona 2:1 ENGENG FC Arsenal
2006/07 GREGRE Spyridon Louis, Athen ITAITA AC Mailand 2:1 ENGENG FC Liverpool
2007/08 RUSRUS Olympiastadion Luschniki, Moskau ENGENG Manchester United 1:1 n. V., 6:5 i. Ö. ENGENG FC Chelsea
2008/09 ITAITA Olympiastadion, Rom ESPESP FC Barcelona 2:0 ENGENG Manchester United
2009/10 ESPESP Estadio Santiago Bernabéu, Madrid ITAITA Inter Mailand 2:0 GERGER FC Bayern München
2010/11 ENGENG Wembley Stadion, London ESPESP FC Barcelona 3:1 ENGENG Manchester United
2011/12 GERGER Allianz Arena, Minga ENGENG FC Chelsea 1:1 n. V., 4:3 i. Ö. GERGER FC Bayern München
2012/13 ENGENG Wembley Stadion, London GERGER FC Bayern München 2:1 GERGER Borussia Dortmund
2013/14 PORPOR Estadio da Luz, Lissabon ESPESP Real Madrid 4:1 n. V. ESPESP Atletico Madrid
2014/15 GERGER Olympiastadion, Berlin ESPESP FC Barcelona 3:1 ITAITA Juventus Turin
2015/16 ITAITA Giuseppe-Meazza-Stadion, Mäland ESPESP Real Madrid 1:1 n. V., 5:3 i. Ö. ESPESP Atletico Madrid
2016/17 WALWAL Millenium Stadium, Cardiff ? ?

Außadem[Werkeln | Am Gwëntext werkeln]

De Trofee um dis geht is egantlich a Wandapokal. Eascht wemmas dreimol nochanonda oda fümfmol insgesomt gwunna hot deaf ma sis ghoitn. Jetzan homs scho des sechste Trofee. Se is 62 cm groß. De Monschoftn de in da Champions League mitspün kriagn olle an Haufn Göd. Alanich fias dabeisein in da Grupnfase gibts 4,4 Mijona Euro. Zu de Premien dazua gibts a no a Fernsegöd. Es gibt a a Himne zua Champions League. Se wiad imma am Ofong von an jedn Spü im Stadion gspüt. Bei dem Liadl singans auf Englisch, Franzesisch und Deitsch. Se is an Stickl vom Geoag Friedrich Händl nochempfundn.

Im Netz[Werkeln | Am Gwëntext werkeln]