Schuah

Der Artikl is im Dialekt Obaboarisch gschrim worn.

Boarische Haferlschuah mit seitlicha Schniarung, Soin mit Krampn und Soinnogl-Beschlog.

A Schuah, aa Schuach (vom oidhochd. scuoh) is a Fuassgwand, des wo in easchda Linie zum Schutz vo de Fiass und in zwoata Linie zua Dekoration (Mode und Status) deant.

Gschicht [dro werkln]

Iwa de Fruahzeit vo de Schuah is nua a wengal bekonnt. An „Urschuah“ hods ned gebm. Je noch Klima hom si untaschiedliche Urformen entwicklt. In kuin Regionen worn vamutli Tiafej um de Fiass und Wadln gwicklt (draus san de Stiefe entstandn). Andare hom de Fej nua um de Fiass glegt (draus hom se de Mokassin entwicklt). In woarmen Regionen san oft Poimbladdln um de Soin bundn worn (da Voalaifa vo Sandaln).

Oartn vo Schuah [dro werkln]

Gebraichle san beispuisweis foigande Kategorien:

Vawendung: Strossnschuah, Sportschuah, Tanzschuah, Hausschuah, Wandaschuah
Mochoart: klebta Schuah, vulkanisiata Schuah, duachgnahta Schuah, California Schuah, rahmengnahta Schuah
Schuahform: Hoibschuah, Stiefe, Schoftstiefe, Sandaln, Pantolettn und Pantoffen
Schuahmodell: (Pumps, Brogue, Bootschuah, Sneaker, Gummistiefe, Haferlschuah
Schuahvaschluss: Spangenschuah, Reißvaschlussschuah, Monkstrap, Schniaschuah, Schlupfschuah/Loafal
Schoftschnitt: (Oxford, Derby, Kreizsandaln, Kropfschnitt)
Bodn- oder Schoftmaterial: Hoizschuah, Ledarschuah, Gummischuah
Funktion: Sommaschuah, Wintaschuah, Abendschuah
Geschlecht vom Träga: Damenschuah, Herrnschuah und Kindaschuah
Spezialschuah wia Orbatssschutzschuah und Sicherheitsschuh noch EN (imma mit Stoikappn)