Stargate – Kommando SG-1

Aus Wikipedia
Seriendatn
Deitscha Titl: Stargate – Kommando SG-1
Originaltitel: Stargate SG-1
Produktionslaund: Kanada, USA
Produktionsjoar(e): 1997–2006
Produzent(n):

Brad Wright
Richard Dean Anderson
Robert C. Cooper

Läng pro Foig: etwa 42 Minutn
Anzoi vo Foign: 214 in 10 Staffeln
Originoisproch: Englisch
Muse: Joel Goldsmith
Idee: Jonathan Glassner
Brad Wright
Genre: Science Fiction
Erschtausstroiung: 27. Juli 1997 (USA)
auf Showtime / SciFi-Channel / SkyOne
Erschtausstroiung (de): 6. Jenna 1999
auf RTL 2, ATV
Bsetzung


As Sternentor: 1 = Chevrons; 2 = Anwoiring; 3 = Glyphen; 4 = Ereignishorizont

Stargate – Kommando SG-1 oda a Stargate SG-1 is a Science-Fiction-Fernsehserie de aufm Kinofilm Stargate vo 1994 basiad. In da Seria geds um a Netz vo rechd vui Sternentore, de wo vaschiedene Planeten midananda vabindn.

Am 21. August 2006 hod da SciFi-Channel gsogd, dass noch 10 Staffen de Serie nimma weida produziad wead.

Staffen[Werkeln | Am Gwëntext werkeln]

Staffe 1 (1997–1998, #1-21)[Werkeln | Am Gwëntext werkeln]

In da erschdn Staffe wean de Grundlagn füa de Seria glegt. Da erschde groaße Feind (de Goa'uld) wean eigfüad, und a scho a red ho endwickede Rassn, de Nox. Fosd olle Foign san obschloßene Obenteia, aba fui Leid und Planeten wean a in spädane Staffen imma wieda voakemma. De letztn 3 Foign san Zsamma as Staffefinale, wobei as Eagebnis vo dem Ogriff erschd in da nächsdn Staffe aufkläad wead.

Staffe 2 (1998–1999, #22-43)[Werkeln | Am Gwëntext werkeln]

De erschde Foign is as Finale vom ogfangan Ogriff in da 1. Staffe. Es wean a boa vabündete gega de Goa'uld gfunden, unta andam de Tok'ra. Duach eana vastengan de Erdmenschn de Goa'uld vui bessa. Man kriagd Hinweis üba de Antika, und da Jack schaffds dassa de Asgardwejd bsucha ko.

Insgesamd ändat se a bissl as Musta vo de Foign, und es wean mera Handlungsfädn erstejd.

Staffe 3 (1999–2000, #44-65)[Werkeln | Am Gwëntext werkeln]

In dea Staffe kemman nu a boa Handlungen dazua, wia zum Beispui Daniels Kind mid da Sha're und de Replikatoren wo de Asgard bedrohn. Bsundas Spezialeffekte wean jetz efta benutzt.

Staffe 4 (2000–2001, #66-87)[Werkeln | Am Gwëntext werkeln]

Es wean nu amoi neie Rassn eigfüad und da Kontakt mid de Tok'ra wead vabessad. Außadem wead a erschde moi, a vo de Menschn umbauda Gleita(X-301), zoagt um im bessa im Wejdraum zum kämpfa.

Des soiad eigentlich de letzte Staffe sei, aba da TV-Senda Showtime hods so späd gsogd, dass de Drabiache nimma ändan ham kinna. Deswegn stiabd da Apophis am Ende da Staffe, obwoisn eigentlich nu brauchd hän.

Staffe 5 (2001–2002, #88-109)[Werkeln | Am Gwëntext werkeln]

Es kemman de Goa'uld Osiris und Anubis ois neie (oide) Gegner, und de Jaffa-Rebellion schaffd neie Ziele. In dea Staffe is a s wahrscheinliche Ende vo de Tollana, und in da voaletzn Foign "stiabt" da Daniel Jackson. Da Daniel sogd am O'Neill im Untabewusstsein, dass eam d' Oma Desala, a Antikarin, s aufsteign in a häane Ebene da Existenz hejfd.

Da Grund füas Aufsteign vom Daniel woa, dassa mid da Entwicklung seina Roin ned zfrien woa und es a Spannungen mid de andan Schauspuia gem hod. Deswegn hoda zum Ende da Staffe kündigt. Desmoi was eigentlich de letzte Staffe gwen, aba de Serie is dann zum SciFi-Channel gwechsed und do foatgesetzt woan.

Staffe 6 (2002–2003, #110-131)[Werkeln | Am Gwëntext werkeln]

Da Konflikt mim Anubis wead schärfa und de Suach nach de Antika findt se in da ganzn Staffe. SG-1 entdeckt de Kenigin vo de Tok'ra (Egeria) und in dea Staffe wead zoagt, dass zuanehmend Firmen Intaresse an de Technologien ham. Zuasätzlich hod da Daniel a boa Gastauftritte.

In dea Staffe wead sei Stammbloz bei SG-1 ois Wissnschaftla vo Jonas Quinn übanumma. Am End vo da Staffe wead da Daniel vo da Oma Desala zruck gschickt, wei a se ned an de Regeln ghoidn hod.

Staffe 7 (2003–2004, #132-153)[Werkeln | Am Gwëntext werkeln]

Am Ofang da 7. Staffe findns an Daniel auf am Planeten, aba nu mid Gedächnisvalust. Während da Staffe erinnada se langsam wieda an ois. De Foign san ingesamt auf de Suach noch Atlantis ausgrichd, wos bsundas in de letzten 2 Foign zoagt wead. Des is a zuagleich de Vorbereitung füa Stargate Atlantis.

Mim zruck kemma vom Daniel gehd da Jonas wieda, weia auf seim Heimatplaneten brauchd wead. Außadem valossd a d' Dr. Fraiser de Serie indems bei am Oasatz stiabt. Zuasätzlich wead da Hammond seim Kommando im SGC noch sim Joa enthom, weia in Washington a neie Aufgab hod.

Des is de erschde Staffe wo zeascht in Ästareich (beim Senda ATV) statt in Deitschland ausgstroid woan is.

Staffe 8 (2004–2005, #155-174)[Werkeln | Am Gwëntext werkeln]

De Staffe lafd parallej zua 1. Staffe Atlantis, wovo aba de erschdn 2 Foign de Voagschichd san.

Glei am Ofang wead da Jack zum Brigadier General eanannt und leit ob dann as SGC. In dea Staffe wean glei de zwoa groaßen Feind, de Goa'uld und de Replikatoren, bsiegt. De letzten zwoa Foign Möbius I und II san in Deitschland zu oana zamgschnien. Des in dea Foign gfundne ZPM liegt zeitlich genau beim Staffefinale vo Atlantis, so dass dene Vastäakung schicka kinnan.

De Staffe is wiedea in Ästareich (13. Juni 2005) zeascht ausgstroid woan. Da RTL 2 hods abm 31. August 2005 zoagt.

Staffe 9 (2005–2006, #175-194)[Werkeln | Am Gwëntext werkeln]

De Staffe valaft parallej zu 2. Staffe Atlantis

Do de Goa'uld weitgehend bsiegt san, wead mit de Ori a neie groaßa Gegner eigfüad. Des san wia de Antika aufgstinge Wesen, de aba im Gegensatz zua de Antika obet wean woin. Duach de Gleibigen erhoidns Energie um eana Macht zum stärken. Wei in da Muichstroß aba nu koana an se glabt startens a Invasion midhuif da Prior.

In da Bsetzung gibts a fui Ändarungen:

  • Da Jack kead nimma zua Stammbsetzung und hod nua nu Gostauftritt.
  • Major General Hank Landry (gspuid vom Beau Bridges) wead da neie Leita vom SGC.
  • Lieutenant Colonel Mitchell (Ben Browder) übanimmd de Leitung vo SG-1
  • D' Sam tauchd eascht mid da 6. Foign wieda auf, weiß davoa wega ihra Schwangaschafd koa Zeit kobd hod. An Easatz hod de Vala (Claudia Black) mid da Suach nach am Schatz gmachd.
  • Neie Chefärztin wead Dr. Carolyn Lam (Lexa Doig, de Ehefrau vom Michael Shanks (Daniel Jackson)). In da Serie iss de Dochda vom General Landry.

Wia seid da 7. Staffe hods da ATV am 8. Mai 2006 zeascht zoagt. Da RTL 2 is am 1. November 2006 mid dea Foign gstartet.

Staffe 10 (2006–2007, #195-214)[Werkeln | Am Gwëntext werkeln]

De 10. Staffe valaft chronologisch zeitgleich zua 3. Staffe Stargate Atlantis.

SG-1 entwicked mid da Huif vom Antika Merlin a Anti-Ori-Waffn und da Daniel wead zu am Prior. Da Goa'uld Ba'al wead in dea Staffe nu amoi zu a Bedrohung, stiabt dann aba Endguitig. In da ganzen Staffe gehds hauptsächlich um an Kampf gega de Ori.

Mid dea Staffe is de Serie de am längstn lafade Science-Fiction-Serie im US-amerikanischen Fernsehn.

A Ändarungen in da Bsetzung gibts wieda:

  • Vala kead zua Stammbsetzung.
  • Daniel is nua in 16 vo 20 Foign dabei.
  • Da Jack hod zwoa Gastauftritt.
  • Es gibt oa Crossover-Foign mid Atlantis.
  • De 200. Foign is am 18. August 2006 in de USA, am 2. Juli 2007 in Ästareich auf ATV und am 15. August 2007 in Deitschland aufm RTL 2.

De deitsche Erschtausstroiung woa am 11. Juni 2007 beim ATV.

Besetzung[Werkeln | Am Gwëntext werkeln]

Schauspuia Roin Heakunft da Roin deitsche Stimm Staffe
1 2 3 4 5 6 7 8 9 10
Richard Dean Anderson Colonel/Brigadier General/Major General Jack O’Neill USA Erich Räuker HR HR HR HR HR HR HR HR GA GA
Ben Browder Lieutenant Colonel Cameron Mitchell USA Charles Rettinghaus HR HR
Amanda Tapping Captain/Major/Lieutenant Colonel/Colonel Dr. Samantha Carter USA Christin Marquitan HR HR HR HR HR HR HR HR HR HR
Christopher Judge Teal’c Chulak Tilo Schmitz HR HR HR HR HR HR HR HR HR HR
Michael Shanks Dr. Daniel Jackson USA Klaus-Peter Grap HR HR HR HR HR GA HR HR HR HR
Tony Amendola Bra’tac Chulak Reinhard Kuhnert GA GA GA GA NR NR NR NR NR
Corin Nemec Jonas Quinn Kelowna Matthias Deutelmoser GA HR GA
Don S. Davis Major General/Lieutenant General George Hammond USA Gerhard Paul HR HR HR HR HR HR HR GA GA GA
Beau Bridges Major General Hank Landry USA Norbert Gescher HR HR
Gary Jones Chief Master Sgt. Walter Harriman USA Hans-Helmut Müller/Andreas Hosang NR NR NR NR NR NR NR NR NR NR
Teryl Rothery Dr. Janet Fraiser † USA Arianne Borbach NR NR NR NR NR NR NR GA
Lexa Doig Dr. Carolyn Lam USA Silvia Mißbach NR NR
Claudia Black Vala Mal Doran außerirdisch Katrin Zimmermann GA NR HR
Carmen Argenziano Major General Jacob Carter/Selmak † USA Ernst Meincke GA NR NR NR NR NR NR

(HR: Hauptroin, NR: Nebenroin, GA: Gastauftritt)

Hauptcharaktere[Werkeln | Am Gwëntext werkeln]

Jack O’Neill[Werkeln | Am Gwëntext werkeln]

Jack-O’Neill-Dosteja Richard Dean Anderson

Richard Dean Anderson spuit de Rolle vom Kommandanten vo Stargate–SG-1–Team und spädan Leita vom Stargate-Center. Sein Charakter Jonathan „Jack“ O’Neill hod ma im Vagleich zum Kinofilm Stargate a wengal umbenannt. Desweng hod ma eam a zwoats „l“ an sein Nochnam onekengt.

Jack O’Neill is in Chicago/Illinois geboren, aber in Minneapolis/Minnesota aufgwachsen. Er hod bei da US Airforce gedient, is füa spezielle Operationen ausgebildet worn und war vier Monat in irakischer Gfangenschaft. Er hod Sarah geheiratet und mit dera an Sohn namens Charlie griagt. Da Charlie hod si aus Versehen mit am Jack seina Dienstwaffn daschossn, wos da Jack si selber nie hod verzeihen kinna. Daraufhi hod Jack den Dienst quittiert und is in den vorzeitigen Ruhestand ganga. Fünf Joar späda is a gebeten worn, den easchtn Einsatz noch Abydos zu übernehma (Kinofilm Stargate). Bei seina Rückkehr hodn Sarah verlossn. Deshoib is a in den Ruhestand zruckganga, bis Apophis a Jahr spada durchs Stargate auf d'Erde kimmt.

O’Neill hod an eigenen Humor, wos vor allem vom Dr. Jackson und Teal’c nur seltn ois „witzig“ empfunden werd. Er empfindet fui für d'Samantha Carter, ko aba wegn seiner und ihrer Zughörigkeit beim Militär koa Beziehung mit ihra eigeh.

Glei am Anfang vo da 8. Staffel werd O’Neill zum Brigadier General und zum kommandierenden Offizier vom Stargate-Center und Nachfolger vo General Hammond befördert.

Mit da 9. Staffel werd O’Neill zum Major General befördert und übernimmt de Leitung vom neu gegründeten Federal Department of Homeworld Security. Er hod zudem in weiteren SG-1 und „Stargate: Atlantis“-Episoden no a paar Gastauftritte.

A a kleananen Aftritt hoda in Stargate: Continuum

Im Netz[Werkeln | Am Gwëntext werkeln]

Spruch: Stargate_SG1 – Zitat af Boarisch
 Commons: Stargate – Sammlung vo Buidl, Videos und Audiodateien