Wearung

A Wearung (Standarddeitsch Währung vom mittlhochdeitschn Wort werunge, des hàßt Gewährleistung) is normàlaweis des stååtliche Göidsystem in an Lånd, kã åwa in Ausnåhman à des Göidsystem vo Privàte seî. Im Spezielln gehd's dabei um d'Féstlégung, wås fir Münzn und Scheine vawendt wern. Mid de meistn Wearungen håndln s'an de intanazionàln Devisnmärkte. Wearungen bestengan imma aus ana Haupteinheid (zum Beipüi Euro) und ana Untaeinheid (zum Beispüi Cent). Af da Wöid gibt's derzeid üwa 160 offizielle Wearungen, åwa nur zwà davo, da US-Dollar und da Euro, göitn åis intanazionàle Leitwearungen.

De offizielle Wearung in Deitschland, Östareich und in a bo anderen EU-Ländern hoaßt Euro. A in Südtiroi, des jo zu Italien gheat, zoiht ma mitm Euro. Aundare bekaunte Wearungen san da US-Dollar, de Pfund Sterling und da Schweiza Fraunkn.

Seit 2002 gibt's an Euro jetz scho als Wearung, davor war in Deitschlaund de D-Mark und no friaha war de Reichsmark. In Östareich hot ma friaha da Reih noch mit Guidn, Kronen und Schilling zoiht, kurz ah mit de Reichsmark. Italien hot de Lire ghobt.

Vaschiedene Wearungen hom untaschiedliche Werte, untaschiadliche Münzn und/oder Scheine und an Kurs zuanaunda. Des hoaßt um anadhoib Euro griagt ma zum Beispü ca. 1 britischn Pfund, oba hundatmoi so vü Yen aus Japan.