Wer ko, der ko
| Der Artikl is im Dialekt Obaboarisch gschrim worn. |
Wer ko, der ko oda Wea ko, dea ko is a bekannte boarische Rednsoat.
Des is a hintakimftiga Spruch, wo fir obaboarische Zivuicourage, Respektlosigkeit und anarchistische Lebmsoat stehd. Es hoasst sovui wia: „wer meara leistet, ko si aa meara leistn“.
Da Ausdruck stammt vo Franz Xaver Krenkl (1780 - 1860), vo am obaboarischn Original, Lohnkutscha, Rosshändla und Rennmoasta vo de Oktobafestrenna z Minga.
Da Krenkl hod amoi mit seina Kutschn im Englischn Goartn an Kronprinz Ludwig (spada Kini Ludwig I.) iwahoid. Des wor unta strenga Strof vabotn, wei neamd bessare Pferdln ois de Herrscha hom derfn hod. Wiar da Prinz eam zuagruafa hod: „Er weiß wohl nicht, dass das Vorfahren verboten ist!“ hod da Krenkl an Kronprinzn schneidig zruckgschrian: „Majestät, wer ko, der ko!“
[drå werkln] Variantn
- Wer ko, der ko; wer ned ko, mechat aa ganz gern.
- Wer ko, der ko; wer ned ko, red davo.
- Wer ko, der ko; wer ned is bläd dro! (Lisa Fitz im am Schloga aus de 79er Joa: „wer ko, der ko“)
- Wer ko, der ko und wer nimma ko, is a arma Mo!
