Zwetschgn

Aus Wikipedia

(vu Zwetschge weida gschickt)
Wexln zua: Navigazion, Suach
Der Artikl is im Dialekt Weanarisch gschrim worn.
Zwetschgn

De Zwetschgn (aa Zwetschke, Zwetschge, Zwetsche, Zweschbm, Zwetschga, Zweschn) is a Obstoat und a Untaoat vo da Pflauman.

Im Untaschied zua Pflauman is de Zwetschgn ned so rund und dunkelblaua. De Frucht losst se a vü leichta vom Kern trennan.

In a poa Laundstrichn in Östarreich wean olle Pflaumanoatn Zwetschkn gnennt. Aa in Oidbayern sogtma gean Zwetschgn usw. aa fir Pflauman. Es gibt aa no a klane Oat, de wos Kriachal hoasst.

Inhoitsvazeichnis

[dro werkln] Botanische Ordnung

  • Name: Prunus domestica subsp. domestica
  • Unterklasse: Rosenähnliche (Rosidae)
  • Ordnung: Rosenartige (Rosales)
  • Familie: Rosengewächse (Rosaceae)
  • Gattung: Prunus
  • Art: Pflaume
  • Unterart: Zwetschge

[dro werkln] Zwetschgn Kuchl

Die Zwetschgn ist in da boarischn Kuchl sea beliabt; des trifft gaunz bsundas auf Österreich zua. Ohne Zwetschgn wa de bähmisch-östarreichische Kuchl schwaa voastöboa. Wäu de Zwetschgen so a siasses und stoakes Aroma hod, schmeckn siasse Speisn besondas guad: Zwetschgenknädl, Zweschgendatscherl oder Powidldatscherl, Zwetschenkuchen, Germknädl mit Powidl, Zwetschenkompott usw. [1]

Oba de meistn Zwetschgen wean woascheinlich zu Zwetschgenwossa brennt.

[dro werkln] Zwetschgn und Gsundheit

Zwetschgn schmeckn ned nua guad, se san a gsund. Dass de Zwetschgen de Verdauung ealeichtat is seit Joahundaten bekaunt (hüft bei Appetitlosigkeit, Vastopfung und Nierenleidn). [2]

Buidl von am Zwetschgnfurnia und am kloana Kantl

[dro werkln] Zwetschgn-Hoiz

Beim Hoiz wiad zwischn Zwetschgn und Pflauman ned untaschiedn. Da Zwetschgenbam hod an Drehwuchs und wiad deswegn ois Bau- und Möbelholz wenig vawendt, hächstns ois Furnia. Des Hoiz is oba hoat und hot a wundaschäne Foab (dunkelrotbraun bis violett) und wiad deshoib sea gean fia klanere Werkstickln gnumma. Zan Beispü in da Büdhauerei, zan Schnitzn, Drexln und a fia klane Musikinstrumente (Flötn).[3]

[dro werkln] Belege

Fuaßnotn
  1. ↑ Sievers: "Genussland Österreich". Graz, Stuttgart, 2007
  2. ↑ Zwetschgen und Gsundheit
  3. ↑ Zwetschgn-Hoiz
Biachl
  • Gerd Wolfgang Sievers: "Genussland Österreich - Was Küche und Keller zu bieten haben". Leopold Stocker Verlag: Graz, Stuttgart, 2007
Netzseitn
Vu „http://bar.wikipedia.org/wiki/Zwetschgn“
Peasönliche Weakzeig