Égetmånn

Aus Wikipedia
Zur Navigation springen Zur Suche springen

Der Égetmånn (lokale Ausspråch: Ejgetmoun) isch a Gestålt aus der Traminer Fåsnåcht. In der sel Zeit wert der Égetmånnumzug verånståltet, der Hóchzeitszug van Égetmånn (oder Égetmånnhansl). Er isch mit seiner Praut (a Månn in an Prautkleid) af a Gutschn unt derhinter sein die Råtsherrn. Pa die Dórfprunnen wert ausn Protokóll as Eheaufgepót van Égetmånn verlésn. Dés Aufgebót isch in Verse gschriem.

In Umzug kémmen nåchn Égetmånn weitere Gståltn unt Fuahrwerker: die Schnåppviecher (Wudelen), dé an Dråchnkópf håm, der Wilde Månn, die Waschweiber, Goaßlschnéller, Fischer, Pinter (Fassbinder), die Purgl mit die Purgltreiber, die Åltweibermihl.

Égetmånn wert - obwóhl Éget in der lokaln Muntårt „Egge“, (Gerät fir der Peårbeitung van Åcker) pedaitet - va „Egart“ hergleitet; dés isch der als Åcker ausgwiesne Toal in der Dreifelderwirtschåft. Forscher ségn in dén Prauch Spurn aus der vórchristlichn Zeit.