Ödögidöki

Aus Wikipedia
(Weidagloadt vo Ödögidöggi)
Der Artikl is im Dialekt Hausrukfiatlarisch gschriem worn.
A Ödögi mid Döki

A Ödögidöki (hochdeitsch: Öltiegeldeckel) is a obaösterreichischs Schibboleth. Gmoant is dodamid da Döki fu am Ödögi, oiso ana Dosn oda am Kandl wo Schmiaö oda a Schmiafetn drin is. In da ostmitlboarischn Ausschbroch is des Woat woaschainli s'besde Baischbü fia s'linguisdische Fenomen fu da L-Vokalisazion. Dabai wiad da Bugschdob "L" am End fu ana Süm und am End fu am Woat zu am Vokal. Im Ostmitlboarischn wiad in dem Foi em a "Ö" draus.

Des Woat is a Schibboleth mid dem ma schnö aussa hean kau, ob wea an westmitlboarischn (dò hòassad des Ejdègaldeggl) oda ostmitlboarischn Dialekt ret und aussadem a Bewais dafia, das ned neta im Diakischn fü Umlaut fia keman.