Dischkrian:Ödögidöki

Aus Wikipedia
Zur Navigation springen Zur Suche springen
Fairytale Trash Questionmark No.png Die Leschung vo dera Seitn is schoo am 9. Juno 2008 dischkriert und und ååglehnt worn. Füa an neicha Leschantrag miassn noch de Leschregeln neiche Argument aufgfiahrt wern.

Dischkuas[Weakln]

Liawe Leid, des mog ja scho rechtintressant sei, awa des is doch koa Artikl füa a Wiki??? Des midm "Beweis" ghead begründt und mit Quäijn belegt, sunst gheads ausse. D Wiki is koa Spuiwiesn füa oogähade Sprachfoascha sondan a Lexikon. (obgseng davo stäid se de Frog ja a ned im ganz boarischn Sprachraum. Bei uns is des a Deckl von am Öihafal. Und säibst des a weng unhandliche Vitrioijöij lasst se no guad schreim) Aussadem stäit se de Frog noch da Relevanz. Oda so ma jetzt nacha füa a jedn Blechdosndeckl an eigna Artikl einedoa? Hennadiab 11:27, 3. Jun. 2008 (CEST)

Na, d'WP is ka Lexikon sondan a Enzyklopädie ;)
Åwa i håb ma då aa schãu Gedãnkn gmåcht. Wãun dea Döcki (so schreibat's i) ned in iagndana Litaratua åis Paradebeispüi fia'd L-Vokalisazion ãugfüahd wiad, dãun is dea Artikl quasi "original research" und somit leida ned bleibbåa, aa wãun fia si a guada Artikl warat. Ödögitöki ghearat, find i, eha in a Wiktionary, außa es låsst si nu meara drüwa schreim. Zu Wuaschtradl hãm ma åwa leida aa an Artikl, und zwåa nu an grausigan. Åwa i wüi ned in El_bes aa nu vatreim… --i bin da Man77 und do kaunst mit mia redn 11:39, 3. Jun. 2008 (CEST)

A ja. Host recht. A Enzyklopädie. Des Woat Lexikon lasst se leichta tibbn.;-) Do vabiagts ma oiwe de Tastn, ganau wia bei original research. Moanst nacha, daß da ElBes grod a so empfindle is? I moan, des soit n eha osporna, daß a Beweis, richtige Beweis aus da Litaratua bringt. Do hob i nemle scho bessane glesn vo dem Mannde. Hennadiab 12:16, 3. Jun. 2008 (CEST)

Na, i wüad in El_bes ned so empfindli eischätzn, åwa nåchdem uns gråd a ãndara davãgrennd is, bei dem i's aa ned glaubt häd, bin i ma då niangs mea sicha.
Da Artikl zoagt jå nix fåisches. Nua stöid si d'Fråg, ob dea Artikl an Plåtz in ana Enzyklopädie vadeand håd und des wüad i eha mid am "Na" beãntwoatn. Außa es låsst si nu wås schreim, wia zB a eigene EU-Vaoadnung üwa Mindestdickn oda a Rechtsstreit oda wås Historisches. In dea Foam is des a guade Eintråg, åwa em fia a Wiktionary, dat i moana. Es wiad jå eigntli nua s'Woat und seine Laute eakläad. Ma kinnt, find i, des gãnze nu äaga schreim, nämli (ungefäa) Ötögüdöckü, des kãu dãun ned amåi a Tüak nu entziffan ;)
Nu wås, bitte tråg deine LAs zukümpftig söiwa auf da WP:LK-Seitn ei. --i bin da Man77 und do kaunst mit mia redn 13:57, 3. Jun. 2008 (CEST)


Dés håb I ma glai dåcht, das bai dem Artikl de Emozionen hochgê wean. Aigentli håb I dén gschrim, wai I demnegst amåi wås lengas iwa dé L-Vokalisazion schraim mecht und dés so a klõana Ãnfãng dazua is. A bissl wås fint ma schã im Artikl Gschicht fum Boarischn, åwa dés is nu recht wéng. Wãn aich da Ödögidöki z'wéng enziklopedisch is, dãn bau I de Info håid schbéda in dem Artikl zu da L-Vokalisazion âi. An aiganen Artikl muas a néd umbedingt hãm. Obwoi's gnua ãndane soiche Artikl gibt, wia Brezn, fei, griawig, Habedére und so waida. I find in ana Dialektwikipedia kina ma schã a weng ãndas weakn wia in da hochdaidschn. --El bes 15:13, 3. Jun. 2008 (CEST)

Des soit ma se wiakle a moi oschaung. Weil, do gibe da scho recht. Mia miassn ja ned christlich wia da Pabst sei. Awa an Sinn sois scho macha, sunst brauch ma wida a "Qualitätsoffensive" weils Projekt in Frog stähd. Wann e moi wieda Zeid hob, schauge ma de Artikl moiin Ruah o. Hennadiab 16:06, 3. Jun. 2008 (CEST)
Mia brauchan kõa Qualitätsoffensive, sondan mea Laid. Wai so lãng si oiwai neta õana oda õane fia a bschdimte Såch intressiad, hengt ois fu deara õan Peason åb, wås då hearin schded und wås néd. Zu maim Artikl Gschicht fum Boarischn håd zan Baischbü dawai neamt iagend a Kritik oda an Fabéssarungsfoaschlåg gmåcht, obwoi dea Artikl so wiar a is, sicha nu néd dés Göbe fum Oa is. Dawai sama õafåch z'weng das ois dopit beoawatn wean kant und ma filaicht sogoa so Untaschdãmdisch zu bschdimte Themen wia Gschicht, Dialektologi, Geografi und so waida gründn. Ois klõane Reakzion auf dé Kritik in dé Zaidungen håb I dawai amåi a boa Artikl gschrim iwa dé Dialektologn, dé bis jéz öfentlich Statements zu da boarischn Wikipedia ågém hãm, wia in Anthony Rowley und in Manfred Glauninger. Filaicht schdoipans bai ana Google-Suach amåi driwa und schdaing dãn bai uns âi oda schikn eanare Schdudentn los ;-) --El bes 16:23, 3. Jun. 2008 (CEST)

So, i hob den Artikl jetzad erschdamoi zum blaim vadonnad, do siag i dasszes do herinad an Oblega vo da Leschdiskussion ogfangd hobts ;-) I find den Artikl duachaus intressant wos es Schiboleth ogehd, i hob's nemli ned kennt ois Schiboleth und Schiboleth ois Ausdruck aa ned und dodafia soiad a Enzydingends jo do sei oda ned, dass ma wos nochschaung ko :-) Wos de Original Research ogehd, ko ma's noudfois jo a bissal entscheafn? --Libellulia 08:49, 9. Jun. 2008 (CEST)

i & Kunstwuat[Weakln]

Dabai wiad da Bugschdob "L" am End fu ana Süm und am End fu am Woat zu am Vokal. Im Ostmitlboarischn wiad in dem Foi em a "Ö" draus.

Muass do ..."i"... hassn oda? Wann nämli ausm "L" (zwamoi) a no a "ö" wurd, dann hätt des Wuat ja nua laute gleiche Vokale.

Is natirli a a Variante: Ödögödökö. - Ja kamma a sogn. Bleibt aba ohne praktische Bedeutung, denn:

Eigentli is a Ödögidöki a Kunstwuat, sozusagn a Woatspü. Denn a Ö kaufst in ana Dosn oda Floschn, aba ned in an Tiegl (Dögi), von wo das net aussalahn kannst ohne dos d Hälftn obitrenzt. Und einfün tuastas in a Kann, also a Ökann. Döki hat nur di blecherne Ökann für 5 Lita Heizö. Di fia Nuikommazwa Lita dicks Schmiaöl, eppa fia die Radlkettn, waast eh mitn Henkel (Henki? Henkö? - kemmi scho nimma aus ...), und em Hebi obm fian Daumen, jo di hod zwoa a Gwind zum Ausanondaschraubm, oba den Obetei mitn Röhrl und da ganzen Pumpmechanik kannst ned guat Döki nennan.

Tschuldigst mei unregimässige Schreibe, wei i bin scho a Zeitl ausgwandat ins Steirische. Und i spar mas scharfe-s wie die Schweiza.

Da Posch Harald (Österreich, *1981) fahrt übrigens bei da In Velo Veritas, a Radrennen in Retz in Weinfiadl Mai 2015, auf (Francesco) Moser Sprint 1981 fian Verein Ögögidöggi. So schreibt ea zumindest duat. --Helium4 (dischkrian) 03:58, 28. Mea. 2015 (CET)