ORF

ORF
Sendalogo
bzw.
Oigmoane Info
Empfang:	Kabel, DVB-S, DVB-C, DVB-T, DVB-H, IPTV, P2PTV, Internetfeansen
Sendeostoit:	ORF
Intendant:	Alexander Wrabetz EAS = 1. August 1955
Sendebeginn:
Rechtsform:	Effentlich-rechtlich
Programmtyp:	Voiprogramm IM = Österreichischer Rundfunk 1136 Wien Würzburggasse
Hoamseitn:	www.ORF.at

ORF-Generäudirektor Alexander Wrabetz

Da ORF (Oh-er-eff), Österreichische Rundfunk, is a Stiftung vom effantlichn Recht. Da ORF is da greßte Medienaubiata in Östareich und is in da Haptstod Wean dahaam. Landesstudios gibt's aa, und zwoa in ana jedn Laundeshaptstod vo de Bundeslenda. Betreim duat da ORF via Fernsehprogramm (in Ansa, in Zwara, in Dreia und in Sport Plus) owar aa drei bundesweite Radiosenda und jewäus aan Sender fiar a jeds Bundeslaund.

Gschicht

Entstaunden is da ORF aum 30. Septemba 1924, do is nemlich de Radio Verkehrs AG, kurz RAVAG, gründt wuan. A boa Joahr speda is des gaunze Projekt zum Reichssender Wean vaendat wuan. Noch'n Kriag san in jeda Besotzungszone eigane Programm grennt, und eascht im 58er-Joa is de Östarreichische Rundfunk Ges. m. b. H. gründ wuan.

De Grundlogn fia de Gründung vom ORF woar a Voiksbegeahn im Vierasechzga Joah, wöches a Rundfunkrefoam gfoadat hod. Siemasechzg is a entsprechads Gsetz in Kroft dredn. Im Rahman vom Vasuagungsauftrog siacht des ORF-Gsetz sowos wiar an Büdungsauftrog vua. Finanzian tuad si da effantlich-rechtliche ORF zum Täu iwa a Programmentgöd, owar a iwa de sognaunnte Rundfunkgebüa, wöchane ma olle zwaa Monat zoit, damit ma gaunz legal fernschaun und Radio huachn derf.

Seitn easchten Jenna zwa-zwa is es in ORF vabotn, de eiganen Radioprogramme im Fernseha zum beweam und umgekeahrt.

Literatua

• Gerhard Freund: Fernsehen, nah gesehen. Europa-Verlag, Wean 1961
• Viktor Ergert, Hellmut Andics, Robert Kriechbaumer: Die Geschichte des Österreichischen Rundfunks. (4 Bde.), Hg. vom Österreichischen Rundfunk
• Thaddäus Podgorski: Die große Illusion. Bibliophile Edition, Wean 2005
• Alfred Treiber: Ö1 gehört gehört. Böhlau Verlag, Wean 2007, ISBN 978-3-205-77495-2

Im Netz

• Dahaamseitn vom ORF
• Österreichische Rundfunksender (ORS) – Zuaständig fia de Iwatrogung vom Radio und Fernsegn in Österreich