Antonija Šola

Aus Wikipedia
Antonija Šola

De Antonija Šola (geboan am 5. Juni 1979 z Agram/Zagreb, Jugoslawien, heid Krowozien) is a krowodische Schauspuiarin, Pop-Sängarin und Liedamacharin.

Leem und Karrier[Werkeln | Am Gwëntext werkeln]

De Antonija Šola is 1979 z'Agram[1] ajs Dochda vu da Kaja vum Marko gebohrn worn. Sie houd ihr Kindhaid z'Pula (Polei) und Bjelovar (Bellowar) vabrouchd. Z Agram houd s' erfoigraich Soziologie und Krowodisdik[2] schdudiat. 1998 houd s' an da Wajh zur Miss Kroatien teilgnumma. Sait 2004 schbüüd s' in da kroatischn Saifnoper Zabranjena Ljubav (Verbotene Liebe) d'Roin vu da Tina Bauer-Fijan[3]. 2007 houd s' ajs Sängarin a Gastroin in da kroatischn Fernsehserie Nad Lipom 35[3] ghabd. Obwoi d'Antonija eiha a Schauschbielarin is, houd s' bis ajz ziemle erfoigraich Liedtexte fir insgesamt zwööf Aim gschriem, und fir dreizeah Lieda, daj wou af kroatische Musiggfestivöüs gschüd worn han. Ajs Liedermacharind und Sängarin houd s' zum Baischbü meija Kompositiona fir'n Toše Proeski[4] vafassd, mid deam wou s' a boar Maj im Duett[2] aftretn is.

Außadem is d'Antonija 2008 baim kroatischn Musiggfestivöü Dora aftretn, wos glaichzaitig aa da krowodische Vorentschaid fir'n Eurovision Song Contest is. Mid ihrm Lied Gdje je srce, tu je dom („Dou wou as Herz is, is aa a Hoam“) houd s' die glaiche Punkzajh grajgd, waj aa d'Sieger Kraljevi ulice & 75 Cents. Kraljevi ulice & 75 Cents hom owa gwunna, wais vu da Schüri meija Schdimma grajgd hom waj d'Antonija. Und wenn bai am Glaichschdand san d'Schürischdimma entschaidnd.

2008 houd d'Antonija mid'm Lied Božji pat (Божји пат, „Pfad vu Gott“) as jehrliche mazedonische Ohrid Fest gwunna. Božji pat is di mazedonische Version vu ihrm kroatischn Hit Nebu pod oblak.

De Antonija arwad aa mid kroatische, slowenische, bosnisch-herzegowinische Liadamacha, Musika und Produzentn zamm.

Diskografie[Werkeln | Am Gwëntext werkeln]

Singles[Werkeln | Am Gwëntext werkeln]

  • 2006 - Zovem da ti čujem glas (I ruaf oo, um dei Stimm zum hearn)

Oim[Werkeln | Am Gwëntext werkeln]

  • 2007 - Anđele (Engl)

Sunstige Liada[Werkeln | Am Gwëntext werkeln]

  • „Anđele“ (Engl), ajs „Angelu“ af mazedonisch
  • „Dođi najbrže“ (Kumm schnöü)
  • „Eldorado“
  • „Nek ti bude bolje bez mene“ (Ohne mir sois Da bessa gajh)
  • „Neka bude zauvijek“ (Es soi fir imma sai)
  • „Što mi radiš to“ (Warum doust Du mir des oo)
  • „Zovem da ti čujem glas“ (I rouf oo, um Dai Stimm zum hern)
  • „Gdje je srce tu je dom“ (Dou wou as Herz is, is aa a Hoam)
  • „Nebu pod oblak“, ajs „Božji pat“ af mazedonisch

Beleg[Werkeln | Am Gwëntext werkeln]

  1. vgl. https://web.archive.org/web/20090525224620/http://www.hrt.hr/dora/dora2003/biografije/tonka.html
  2. 2,0 2,1 vgl. Archivierte Kopie (Memento des Originals [1] vom 6. Dezémber 2008 im Internet Archive) i Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/www.antonijasola.info
  3. 3,0 3,1 vgl. https://www.imdb.com/name/nm1787631/
  4. vgl. http://www.diskografija.com/umjetnik/antonija-s@1@2Vorlage:Toter Link/www.diskografija.com (Seite nicht mehr abrufbar; Suche in Webarchiven)ola.htm

Im Netz[Werkeln | Am Gwëntext werkeln]