Krowozien

Aus Wikipedia
Zur Navigation springen Zur Suche springen
Der Artikl is im Dialekt Weanarisch gschrim worn.
Flag of Croatia.svg
Coat of arms of Croatia.svg
Amtssproch Krowodisch (regioneu aa:
Mindaheitnsprochn)
Haptstod Agram (Zagreb)
Stootsform Parlamentarische Republik
Regiarungssystem Parlamentarische Demokratie
Stootsobahapt Presidentin
Kolinda Grabar-Kitarović
Regiarungschef Premierminista
Andrej Plenković
Flächn 56.594[1][2] km²
Eihwohne 4.190.669 (Stond: 2016)[3]
Dichtn 74 Einwohner pro km²
Beväikarungs­entwicklung −0,144 %[4] pro Jahr
Brutto­inlands­produkt pro Eihwohna 8.675 $ (2005)[5]
Währung Kuna (HRK)
Unabhängigkeit 25. Juni 1991
Nationaihymne Lijepa naša domovino
Zeidzone MEZ (UTC+1)
Kfz-Kennzoachn HR
Internet-TLD .hr
Telefonvoawoi +385
Croatia in European Union.svg
Hr-map.png

Vorlage:Infobox Staat/Wartung/NAMEVorlage:Infobox Staat/Wartung/BILD-WAPPEN-BREITE

Kolinda Grabar-Kitarović (2017)
Andrej Plenković (2015)

Krowozien oda Republik Krowozien (amtle af krowodisch: Hrvatska oda Republika Hrvatska, dt.: Kroatien oda Republik Kroatien), is a Stoot in Eiropa. Ea hod a Grenz mid: Slowenien und Ungarn im Noadn, Serbien und Bosnien-Herzegowina im Ostn sowia Montenegro im aissasdn Sidn. Im Westn und Sidwestn buidd s Adriatische Meea de natialiche Stootsgrenz.

Haptstod und Regiarungssiez is mid uma oana Million Eihwohna Agram (Zagreb), des wos a bedeitenda Vakeasknotnpunkt, s wiatschoftlichs- sowia akademische Zentrum van Stoot is.

Krowozien is unta aundam Midglied vo da Wöidhaundlsorganisazion (WTO) und van Zentroieiropäischn Freihaundlsobkommen (CEFTA). Da Stoot is 2009 da NATO und Middn vo 2013 da Eiropäischn Union beitredn.

Krowozien, a oids Kenigreich, des wos in Peasonoiunion mid Ungarn gwesn is, hod noch'm Easchtn Wödkriag za Jugoslawien ghead und is im Juni 1991 untam Franjo Tuđman vo Jugoslawien unobhengig worn.

Eadkunde[VE | Weakln]

Log[VE | Weakln]

Krowozien liegd aun da Ostgstod vo da Adria. Za da Laundfläch gehad a Tei vo de Dinaridn und vo da Pannonischn Diafebane.

S Laund liegd im geografischn Grenzraum zwischn Middl- und Siidosteiropa. Da gressde Tei vo Krowozien (aussa Slawonien und s Gebiet um Agram neadli vo da Save) wiad geografisch da Balkanhoibinsl und domid Siidosteiropa zuagrechnd. In da Politik (u. A. EU) wiad Krowozien om Westbalkan zuagordnd. In kuidurölla Hisicht hod se Krowozien imma on da Grenz zwischm westeiropäischn bzw. orientalischn Eihfluss befundn. De kloanste Entfeanung zwischn Östareich und Krowozien is nua 20 km (duach a klan Laundstrafn vo Slowenien trennd), weahnd de sidlichste krowodische Hoibinsl Prevlaka 69 km vo Oibanien entfeand liegd.

Grenzn[VE | Weakln]

S krowodische Stootsgebiet umfossd uma 87.700 km², vo de wos 56.592 km² auf Laund- und 31.067 km² auf Sääterritorium entfoin. Afgrund vo da territorioin Log vo Bosnien und Herzegowina wiad Stootsgebiet vo Krowozien af a kontinentoin Noadtei und a laungan Gstodstrafn eihgengd, de wos nua im Noadwestn mideinaunda vabundn san. Da sidlichsde Tei van Gstodgebiet (de Region um Dubrovnik bis za da Grenz za Montenegro) wiad af ana Broadn vo etwoa 3 km duach de Gmoa Neum, de wos zu Bosnien und Herzegowina ghead van iwrign Krowozien otrennd.

De Gsaumtläng vo de Laundgrenzn vo Krowozien betrogd 2197 km. Dovo entfoin: af de Grenz za Slowenien 670 km, af de Grenz za Ungarn 329 km, af de Grenz za Bosnien und Herzegowina 932 km, af de Grenz za Serbien 241 km und af de Grenz za Montenegro 25 km. In da Noadadria beriahn se de krowodischn und italienischn Hoheitsgwassa, des wos zua Foign hod, doss Slowenien nua an seah kloan Zuagong za internationaln Gwassa hod. De Läng vo da adriatischn Gstodlinie bedrogd 1778 km (mid Insln 6176 km).

Insln[VE | Weakln]

Zu Krowozien ghean insgsaumt 1246 Insln, von dena 47 dauahoft bewohnd san.

Kornati-Inslarchipö im Nationalpark Kornatn
De gressdn Insln vo Krowozien
Nr. Insl Fläch [km²]
1. Cres 405,70
2. Krk 405,22
3. Brač 395,44
4. Hvar 299,66
5. Pag 284,56
6. Korčula 276,03
7. Dugi Otok 114,44
8. Mljet 100,41
9. Rab 90,84
10. Vis 90,26
11. Lošinj 74,68

Beag[VE | Weakln]

Da Risnjak buidd zgleich an Nationalpark
De hexdn Beag vo Krowozien
Nr. Beagspitzn Häh [m] Gebiag
1. Dinara (Sinjal) 1.831 im Dinara-Gebiag
2. Sveti Jure (St. Georg) 1.761 im Biokovo-Massiv
3. Vaganski vrh 1.751 im Velebit-Gebiag
4. Ozeblin 1.657 im Plješevica-Gebiag
5. Bjelolasica-Kula 1.533 im Velika-Kapela-Gebiag
6. Risnjak 1.528 im Risnjak-Gebiag
7. Svilaja 1.508 im Svilaja-Gebiag
8. Snježnik 1.506 im Snježnik-Gebiag

Insgsomt gibds in Krowozien 96 Gipfe, de wos obahoib vo 1500 m lieng.

Spoat[VE | Weakln]

Krowodisches Spui[VE | Weakln]

Picigin is a beliabds Straundboispui im seichtn Wossa wos fei supa is.

Kuitua[VE | Weakln]

UNESCO WodKuitua- und Natuaeabe vo da Menschheit[VE | Weakln]

De Oidstod vo Dubrovnik
De krowodischn Wödkuitua- oda Natuaeabestättn noch de Eihtrogungsjoa gordnd
1. 1979 Historischa Komplex vo da Stod Split mid'm Palast van Kaisa Diokletian Link
2. 1979, 1994 Oidstod vo Dubrovnik Link
3. 1979, 2000 Nationalpark Plitvica Sään Link
4. 1997 Bischeflicha Komplex vo da Euphrasius-Basilika im historischn Stodkean vo Poreč Link
5. 1997 Historische Stod Trogir Link
6. 2000 Kathedroi van Heiling Jakob (Katedrala svetog Jakova) in Šibenik Link
7. 2008 Ebene vo Stari Grad af da Insl Hvar Link

Museen[VE | Weakln]

Auswoi:

Museen
1. Čakovec Museum vo da Region Međimurje
2. Dubrovnik

Hoamatmuseum, Ethnografischs Museum, Schotzkamma vo da Kathedroi, Archeologischs Museum, Museum fa modeane Gschicht sowia s Gebuatshaus vo Marin Držić.
3. Gospić Museum Lika; im noheglengna Smiljan stähd s Gebuatshaus vo Nikola Tesla und dem sei biografische Saumlung
4. Hlebine Galerie naiva Kunst, Museumssommlung vo Ivan Generalić
5. Karlovac Stodmuseum Karlovac
6. Klanjec Galerie va Buidhaua Antun Augustinčić
7. Krapina Evoluzionsmuseum und Fundort van Uamensch Hušnjakovo, Museum Ljudevit Gaj
8. Kumrovec Ethno-Museum Staro Selo (Oids Doaf) mid oidn originoin Haisa; as Gebuatshaus vo Josip Broz Tito
9. Makarska Malakologischs Museum (Muschlsommlung), Stodmuseum Makarska
10. Osijek Museum vo Slawonien, Galerie vo de buidndn Kinste
11. Pazin Staodmuseum Pazin, Ethnografischs Museum vo Istrien
12. Pula Archeologischs Museum vo Istrien
13. Split Museum vo krowodische archeologische Denkmäla, Archeologischs Museum Split, Galerie van Buidhaua Ivan Meštrović
14. Trakošćan Schlossmuseum Trakošćan mid ana großn Saumlung vo oidn Woffn
15. Varaždin Stodmuseum Varaždin in da Oidn Buag - Historische Obteiung und Entomologische Obteiung (Insektnsommlung)
16. Zadar Archeologischs Museum Zadar, Voiksmuseum Zadar, Sääfoahtsmuseum, Stendige Ausstöllung vo sakroia Kunst
17. Zagreb Archeologischs Museum, Ethnografischs Museum, Kroatischs Museum fia naive Kunst, Modeane Galerie Zagreb, Museum vo da Stod Zagreb, Mimara-Museum mid Kunstweake aus oin Epochn, Museum fia Kunst und Handweak, Natuawissnschoftlichs Museum, Museum fia modeane Kunst, Strossmayer-Galerie vo oid Moasta, Technischs Museum

Literatua[VE | Weakln]

  • Dubravko Horvatić, „Kroatien“, Zagreb 1992
  • Norbert Mappes-Niediek: Kroatien - Das Land hinter der Adria-Kulisse, Ch. Links Valaog, Berlin 2009, ISBN 978-3-86153-509-6
  • Agičić et al. (2000): Povijest i zemljopis Hrvatske, priručnik za hrvatske manjinske škole, Biblioteka Geographica Croatica, 292 S., Zagreb, ISBN 953-6235-40-4 (Gschicht vo Krowozien, krowodisch)

Beleg[VE | Weakln]

  1. Europäische Union (Eurostat): Kroatien – Länderinfo, Stand 2014.
  2. Referenzfehler: Es ist ein ungültiger <ref>-Tag vorhanden: Für die Referenz namens CIA wurde kein Text angegeben.
  3. Eiropäische Union (Eurostat): Kroatien – Länderinfo, Stond 2015.
  4. http://www.wolframalpha.com/input/?i=Kroatien
  5. IMF: Nominals Bruttoinlansprodukt pro Eihwohna in Dollar

Im Netz[VE | Weakln]

 Commons: Krowozien – Sammlung vo Buidl, Videos und Audiodateien