Attacke zua Deanstblockade

Aus Wikipedia
DDoS Stochldroht Attackn-Diagramm.

A Attacke zua Deanstblockade, engl. denial-of-service attack (kuaz DoS), oft ois vateite Attacke zua Deanstblockade ausgfiat, engl. distributed denial-of-service attack (kuaz DDoS Attacke), is is a Vasuach an Rechna, a Webpräsenz oda a Netzweak lahm z leng und daduach fia de Nutza nimma oda nua eigschränkt vafigboa z mocha.

Vo ana "vateitn Attacke zua Deanstvaweigarung" (DDoS) redt ma donn, wenn da Ogriff vo an Hauffa Rechna aus vauasocht wead.

In Deitschland wead de Beteiligung an Attackn zua Deanstblockade (DoS-Attackn) mit bis zu drei Joan Hoft bestroft.[1][2]

Beispui[Werkeln | Am Gwëntext werkeln]

Beispui fia an feangsteiatn Ogriff duach Massnvasond vo Datnpaketn iba a Botnetz:

  • 18. Mai 2012: De Netzseitn vo da Stod Frankfurt is im Zug vom Blockupy-Protest duach Anonymous attackiat worn und wor zeitweis nimma eareichboa.[3]
  • 6. bis 8. Dezemba 2010: Ois Reaktion auf Sperrunga vo WikiLeaks-Kontn bei da PostFinance, MasterCard, Visa, PayPal und Amazon san de Netzseitn vo de Firman ogriffa und bis auf de Amazon-Seitn zeitweis lahm glegt woan.[4][5]

De Ogriff hom zwoa Sochan gmoasom ghobt: De Obsendaadressn vo de Ogreifa woan gfäjscht (IP-Spoofing) und iwa a Botnetz san mit Trojanan bzw. Hintatialn vasklavte Internetz-Rechna (Zombies) gnutzt woan, ohne dass de Besitza vo de Zombie-Rechna davo wos mitkriagt hädn.

Obwea[Werkeln | Am Gwëntext werkeln]

Meglichkeitn wia ma an Ogriff obwean ko:

  • Spealistn bzw. Schwoaze Listn vo IP-Adressen, de wo nacha vo da Firewall ('Brandmaua') obgweat wean.
  • Rate Limiting vo TCP-SYN und ICMP Paketen (damit wean automatisch Spealistn generiat).
  • SYN-Cookies mindan de Auswiakunga vo an SYN-Flooding Ogriff.
  • Fuita- und Analyseweakzeig aufm betroffanan Rechna, oba aa aufm Grenzrouter vom Netzdeanstleista (Provider).
  • Da Grenzrouter ko foische Obsenda mit RFC2267 fuitan, de wo vasuacha mit IP-Spoofing de Spealistn ausztrixn.
  • Wenn da Ogreifa nua de IP-Adress vom Zuirechna kennt, ko ma de IP ändan. Beim Hoamrechna reicht in da Regl a Neistart (vom Router). Bei effentlichn Zuirechnan nutzt des oba nua kuaze Zeit.
  • Duach Virtualisiarungstechnikn kena Serveribalostunga ebnfois vahindat wean. Sowos is oba recht teia.

Im Netz[Werkeln | Am Gwëntext werkeln]

Beleg[Werkeln | Am Gwëntext werkeln]

  1. Gröseling, Höfinger: Computersabotage und Vorfeldkriminalisierung - Auswirkungen des 41. StrÄndG zur Bekämpfung der Computerkriminalität, MMR 2007, 626, 628f.
  2. Ernst: Das neue Computerstrafrecht, NJW 2007, 2661, 2665.
  3. Anonymous attackiert Website der Stadt Frankfurt (Memento des Originals [1] vom 24. Juli 2012 im Internet Archive) i Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.@1@2Vorlage:Webachiv/IABot/frankfurter-blog.de – Artikel im Frankfurter-Blog vom 18.Mai 2012
  4. "Shame on you, Postfinance" [Update.] 7. Dezember 2010, archiviert vom Original [2] am 8. Dezemba 2010; abgerufen am 7. Dezember 2010.
  5. "Wikileaks-Gegner" von Hackern bombardiert [Update.] 9. Dezember 2010, archiviert vom Original [3] am 11. Dezemba 2010; abgerufen am 9. Dezember 2010.
→ Dea Artikl basiad auf ara frein Ibasetzung vom säim Artike in da Wikipedia af deitsch.