Augustin Prunner

Der Artikl is im Dialekt Zimbar-Gaprècht dar Siban Komàüne gschriem worn.

Augustin Prunner (in bélosch: Agostino dal Pozzo; gabürtet kan Ròtz 'in 23 von jénnar 1732, gastòrbet kan Bassàan 'in 28 von höbiot 1798) ist gabést an zimbar abot, gaschéghen-bizzar un schraibar vomme gaprècht von Siben Kamaün. Ar hat gaschraibet püuchar in bélisch un in saineme zimbraschen prèchten.

Galébach

Ar ist gabürtet 'in 23 von jénnar 1732 kan Ròtz in Siben Pèrghen zun vomme Pietro un von dar Maria Maddalena Dalla Costa, ba saint gabést arme paurn attar hòogen ébane.^[1]

In saindar jungekhòt ar ist gabakset au spàaranten, abar vorbais Gòtt saime barba ar mökh hööban au studjàarn vòar ar hat gahàt zbòanzkh jaardar. Amme èersten àn ar hat studjàart filosfìa kan Trien un dénne attar meditzinalen fakultà kan Pádobe, abar naghe saindar làurea hattar intschòadet zo dorkhèmman fàff.^[1]

Bail saineme galébach dar Augustin Prunner hattar gaschraibet viil püucher umme Siben Kamaün un iar prèchten un stöar, abar dar grössarste tòalara ist khènt gèt auz anlòan naach saineme tòade. Saina dorkhànteste arbot ist sain puuch Memorie Istoriche dei Sette Comuni Vicentini ba khöt au de stöar vodar hòachebene von Sléghe abar ar hat vor esèmpien gaschraibet an bòartpuuch un hat gèt auz an grammatica un poesie óoch.^[2]

Ar ist gastòrbet 'in 28 von höbiot 1798 kan Bassàan.

Arbòten

Memorie istoriche delle popolazioni alpine dette cimbriche e vocabolarj de’ loro dialetti, Vizenz 1820 Tóar zomme Zimbarlante
Poesie nella lingua tedesca de' Sette Comuni Vicentini, XVIII secolo Tóar zomme Zimbarlante
La grammatica della lingua tedesca dei Sette Comuni Vicentini Tóar zomme Zimbarlante

Usprünge

[:0-1] 1,0 ^1,1 https://www.treccani.it/enciclopedia/agostino-dal-pozzo_(Dizionario-Biografico)/

[2] ttps://ecomuseosettecomuni.it/project/labate-agostino-dal-pozzo-prunnar/

[1]

[2]