Zum Inhalt springen

Nutza:Luki/Tauschhaundl

Aus Wikipedia
Tauschhaundl 1555, Skandinavia (links) und Russn (rechts)
Tauschhaundel heid auf am lokalen Markt in Pátzcuaro, Michoacán, Mexiko
Tauschhandel 1948 in Deitschland (Tauschzentraln in da sowjetischen Besotzungszone): A Muada tauschd de z kloanan Schuach fia ian Buam gegn gressane

Da Tauschhaundl oda Tauschhandel is de ödaste Fuam vom Haundln. Da Weat fia de Tauschgüta woan do nia Fix. Ea hod se oiweu nua noch de zwoa Bteiligdn gricht. Da Weat hod se oiweu danoch gricht wia schtoak ma a Trumm braucht oda megn hod. Und ob ma aa wos aubiatn hod kena wos a da Aundre gean ghobt hed.

Waun is midn Tauschn agaunga

[Werkeln | Am Gwëntext werkeln]

In de kloan Hominidngruppn wead ma scho recht fria untaranaunda tauscht hom. Da owaöstareichische Donauraum gibts dazua intressante Fundsochan, wei des scho imma a bliabts Gbiat zan Duachziagn woa. Des Beaglizl [dt. Berglitzl] is a heid valaundete Granitdonauinsl bei da Stod Peag [dt Perg]. Logaschpuan lossn se af dea bis in de Riß-Wiam Woamzeit [Riß-Würm-Warmzeit] 130.000 bis 80.000 Joa vua Heid findn. Do hom in Eiropa owa nua [Neandertaler] glebt. Ausn Zeitraum vo vua 50.000 bis 15.000 Joa hod se des Festlaundeis wida a wengl zruckzogn hod ma aa eiszeitlige Logaschpuan gfundn.

In bade Logahorizont san Grätschoftn aus Donau-Huanschtoana [dt. Donauhornstein] und Kies gfundn wuan. Da jingare Donauhuanschtoa is mid oan Oita vo iwa 4o.ooo Joa eiguatnad wuan. Do hom nu koane Homo Sapiens in Eiropa glebt, oiso hods do a Neandatola lignlossn. Und des Intaressante is des, das dea Knoinhuanschtoa ned aus dera Gegnd schtammt sundan das ea aus de bayrischn Jurahuanstoalogaschtättn ausm Raum Abnsbeag [dt. Abensberg] im Laundgroas Kehlheim heakimt. Do trogt se do de Frog af , wia is des Materieu und a aundare do hikema? Aun den Fundoat, iwa hundate Km? Is duach de Waundarung vo oana Gruppn dohikema? Oda homs Vuabeiziaga midbrocht und san de Knoin daun tauscht wuan?

Wias dazua kema is

[Werkeln | Am Gwëntext werkeln]

De Jaga- und Saummlakuituan woan Söwavasuaga und hom vo dem glebt wos eana de Natua aubotn hod und se san dem Wüd nochizogn. Gelegentli weans a scho wos eitauscht hom. Owa so richti hod da Tauschhaundl mid da Seeshoftweadung augfaungt. Noch de jingan Eakenntniss san aus Westanatolien de easchtn Oideiropäa mid Viecha, Kind und Kegl scho fua umma 8000 Joa in den Balkanraum eigwaundat. Des woan de spadan Linienbaundkeramika und de haum se daun nuadwaets ausbroat. Umma 7500 Joa vua Heid sans a im estlign Middleiropa aukema und hom mid eanana Laundwiatschoft de Jaga- und Saummlakuituan vo de Vuaeiropäa aun de Rand vo Kontinenteueiropa odrengt.

Da Tauschhaundl

[Werkeln | Am Gwëntext werkeln]
  • Fund aus Buigarien
    Fund aus Buigarien
  • Zoachnung vo an Köitnfund
    Zoachnung vo an Köitnfund
  • Katangakreiz aus Kupfa, Kongo
    Katangakreiz aus Kupfa, Kongo

Aufängli is nua Guat gegn Guat tauscht wuan. Zan Beischpü: Fisch, Fleisch, Feiaschtoarohling, Schtoaweakzeig und aa des weatvoi Soiz. Owa mid da zuanemandn Laundwiatschoft hod ma deran Eaträg, wia Viecha odas Droad tauscht.

Spada hod a so aa Feanhaundl augfaungd. Bei dem hod ma se owa af a boa Woangruppn bschrenkt: Soiz, Föh und bliabt woa aa Weakzeig und Woffn, Schmuck und Hoibfabrikat. Des wead ois Nutzgäid bzoachnt.

Duach de Iwaproduktion vo da Laundwiatschoft woas a Oanzalne megli se zan Schpezialisian. Da Soiz- und da Metoibeagbau is daun megli wuan. Do owa zan Tauschhaundl ned oiwei des passende Tauschobjekt zua Haund woa hod ma Zwischntauschgüta braucht. Ma hod a Woa gegn de vaeinboate Meng vo oan Zwischntausguat eitauscht. Und des hod ma daun spade wida gegn a bliabigs aundas Guat oda Woa eitauschn kena. Des Zwischntauschguat hod natiali iwaroi gfrogt sei miassn. Es hod a mess- und teuboa , owa a weatbschtändi sei miassn. Aufängli woans wida Grät und Woffn. Spada Metoirohling und Barrn, Schmuck und Edlmetoi.

Und so is de Gäidwiatschoft eigfiat wuan.

Litaradua

[Werkeln | Am Gwëntext werkeln]
  • Alexander Binsteiner: Drehscheibe Linz - Steinzeithandel an der Donau. Linz 2006, ISBN 3-85484-436-0. (Linzer Arch. Forsch. Band 37)
  • Alexander Binsteiner / Erwin M. Ruprechtsberger: Mondsee-Kultur und Analyse der Silexartefakte von See am Mondsee. Linz 2006, ISBN 3-85484-583-9. (Linzer Arch. Forsch. Sonderheft 35)
  • Erwin M. Ruprechtsberger. Urgeschichte(n) aus Linz und dem linzer Raum.Linzer Archäologische Forschung Band 39. 2009 Nordico Stadtmuseum Linz ISBN 978-3-85484-438-7
  • Erwin Ruprechtsberger/ Otto H. Urban. Vom Keltenschatz zum frühen Linze. Nordico Stadtmuseum Linz 2013 ISBN 978-3-85484-442-6

Im Netz

[Werkeln | Am Gwëntext werkeln]

Interwiki Notiz

[Werkeln | Am Gwëntext werkeln]

de:Tauschhandel

Voh „https://bar.wikipedia.org/w/index.php?title=Nutza:Luki/Tauschhaundl&oldid=361714“