Beziak

Aus Wikipedia
(Weidagloadt vo Bezirk)
Zur Navigation springen Zur Suche springen

Da Begriff Beziak (kimmt van Middlhochdeitschn: zirc und aus'm Lateinischn: circulus) bezeichnd a obgrenzds Gebiet, an Landstrich, a Region.

Stodbeziak[VE | Weakln]

In Städt san Beziake Vawoitungseihheitn untahoib vo da Regiarung vo da Gsomtstod, de eatliche Oglengheitn regln, de Stodbeziake, z. B. de Berlina, Hambuaga, Weana, Parisa oda Londona Beziake. Soiche Stodbeziake hom a direkts gwejds Parlament und an eingna "Buagamoasta" (de Bezeichnunga und Kompetenzn san vo Stod za Stod untaschiedli).

De so gnenndn Stodbeziake kenna jedoch aa kloaraimige statistische Gebiete innahoib vo Städt sei, de nix mid da voagnenndn Sejbstvawoitungseihheit Stodbeziak z'toa hom, a Beispui dofia san de Stodbeziake vo Frankfuat am Moa. De innastädtischn Untateiunga mid (seah bscheidna) Sejbstvawoitung hoassn duat stott dessn Ortsbeziake.

Regionoie, stootliche Vawoitungseihheitn[VE | Weakln]

In da Schweiz is a Beziak a Gebietskeapaschoft ois Untagliedarung vo de Kantone, aa: Amtsbeziak oda Distrikt gnennd, schau aa: Beziake vo da Schweiz.

In Deitschland wead dea Begriff fia (in iahra raimlichn Ausdehnung jedoch vagleichboare) regionoie Vawoitungsebana vawendd.

In Östareich san de (politischn) Beziake Vawoitungseihheitn mid da jeweijing Beziakshaptstod zwischn Bundesland und Gmoa, ehnli de deitschn Landkroas, schau aa: Beziake vo Östareich. In Östareich gibd's aa no Grichtsbeziake, de wos an Bereich fia's Beziaksgricht gem.

Weitane Bedeitunga[VE | Weakln]

Vui Untanehmen, Partein, Gweakschoftn etc. nenna iahre regionoin Organisationseihheitn Beziake.

Schau aa[VE | Weakln]