Bezirksgemeinschåft
Nåch dr Pedaitung van Wórt isch a Pezirksgemeinschåft a Vrpunt va Pezirke. In dr Región Trentino-Sidtiról isch mit dén Pegriff a Vrpunt va Gemeintn gmoant. Fir die Gremien (Pezirksråt unt Pezirksauschuss) wern nét oagens politische Wåhln vrånståltet. Gruntlåg isch a Dekret van Stååtspräsidént ausn Jåhr 1955, fir Sidtiról weitrs a Låndesgsétz va 1991. Die P.gemeinschåftn håm Zuasténdigkeitn in Pereich van Sanitätswésn und Umweltschutz.
Die italienische Pezeichnung isch comprensorio, a Haupwórt zun Verb „comprendere“ (umfåssn); die ladinische Pezeichnung isch cumunità raion ódr comunitè comprensoriala.
Sidtiról isch in 7 Pezirksgemeischåftn auftoalt; Pózn måcht an Ausnåhm, weil’s nét mit åndre Gemeintn vrpuntn isch.
| Pezirksgemeinschåft | Gemeintn | Haupórt | Flächn | Lait |
|---|---|---|---|---|
| Pózn/Poazn | 1 | Pózn / Poazn | 52,34 km² | 99.229 |
| Eisåcktål | 13 | Prixn | 624 km² | 44.500 |
| Ibretsch-Untrlånt | 18 | Naimårkt | 424 km² | 63.000 |
| Purggråfnåmp | 26 | Meran | 1.101 km² | 88.300 |
| Puschtrtål / Puschtatoul | 26 | Bruneck | 2071km² | 73.000 |
| Sålten-Schlern | 13 | Pózn / Poazn | 1.037 km² | 44.400 |
| Vinschgau | 12 | Schlåndrs | 1.442km² | 34.307 |
| Wipptål | 6 | Stérzing | 650 km² | 18.220 |
Die benåchpårte Provinz Trentino isch in 11 Pezirksgemeinschåftn autoalt, dé man als Tålgemeinschåftn pezeichnt, wia’s friahr aa in Sidtiról dr Prauch gwésn isch.
In Sanitätspereich isch Sidtiról in viĕr Pezirke auftoalt.