Blood, Sweat & Tears

	David Clayton-Thomas bei an Gig im Gulfstream Park in Hallandale, Florida David Clayton-Thomas bei an Gig im Gulfstream Park in Hallandale, Florida
	Oigmoans
Richtung	Jazzrock
Grindung	1967
Auflesung	1981
Grindungsmitglieda
Gsangl, Keyboard	Al Kooper (bis 1968)
Gitaa	Steve Katz (bis 1973, ab 2008)
Gitaa, E-Boss	Jim Fielder (bis 1974)
Zeigl	Bobby Colomby (bis 1976)
Altsaxophon	Fred Lipsius (bis 1972)
Trumpetn	Randy Brecker (bis 1968)
Trumpetn, Fliglhoan	Jerry Weiss (bis 1968)
Posaune, Uargl	Dick Halligan (bis 1972)
Letzte Besetzung
Gsangl	David Clayton-Thomas (1968–1972, 1974–1981)
Keyboard	Lou Pomanti (1980–1981)
Gitaa	Peter Harris (1980–1981)
Boss	Wayne Pedziwiatr (1980–1981)
Trumpetn	Mic Gillette (1980–1981)
Saxophon, Flötn	Earl Seymour (1979–1981)
Saxophon, Flötn	Vernon Dorge (1979–1981)
Zeigl	Bobby Economou (1977–1978, 1979–1981)
Ehemolige Mitglieda
Gsangl	Jerry Fisher
Trumpetn	Lew Soloff (1968–1974)
Trumpetn	Chuck Winfield (1968–1973)
Posaune	Jerry Hyman (1968–1972)
Saxophon	Joe Henderson (1972)
Saxophon	Lou Marini (1972–1974)
Posaune, Tuba	Dave Bargeron (1970–1978)
Piano	Larry Willis (1970–1978)
Gitaa	George Wadenius (1972–1975)
Posaune	Tom Malone (1973–1974)
Altsaxophon, Flötn, Klarinettn	Bill Tilman (1974–1978)
Gitaa	Steve Khan (1975)
Gitaa	Mike Stern (1975–1976)
Boss	Ron McClure (1974–1975, 1976)
Boss	Jaco Pastorius (1975–1976)
Boss	Keith Jones (1976)
Boss	Danny Trifan (1976–1977)
Trumpetn	Forrest Buchtell (1975–1977)
Percussion	Don Alias (1975–1976)
Zeigl	Roy McCurdy (1975–1977)
Gitaa	Randy Bernsen (1977)
Gitaa	Barry Finnerty (1977–1978)
Boss	Neil Stubenhaus (1977–1978)
Saxophon	Gregory Herbert (1977–1978)
Trumpetn	Michael Lawrence (1977)
Trumpetn	Chris Albert (1977–1978)
Gitaa	Kenny Marco (1979)
Boss	David Piltch (1979–1980)
Keyboard	Joe Sealy (1979)
Trumpetn, Fliglhoarn	Bruce Cassidy (1979–1980)
Saxophon, Flötn	Steve Kennedy (1979)
Zeigl	Sally Chappis (1979)
Saxophon, Flötn	Harvey Kogan (1979)
Zeigl	Jack Scarangella (1979)
Gitaa	Robert Piltch (1979–1980)
Keyboard	Richard Martinez (1979–1980)

Blood, Sweat & Tears is a US-amerikanische Jazzrock-Band, de wos 1967 in New York grindt wuan is. Da Nauman geht auf a Zitat vom Winston Churchill zruck, wia dea 1940 ois Premierminista autredn is, hoda gsogt, ea kau nix vasprechn ois wia Bluat, Schweiß und Tränan (Do woa grod da zweite Wöödkriag, und de Britn san ziemlich in da Bredulle gwesn).^[2]

Gschichte

De Gruppe woa uaspringlich unta da Leitung von Al Kooper. 1967 haums eanan easchtn Gig ghobt in New York, im Cafe Au Go Go, do woans de Vuagruppm von Moby Grape. Des Publikum hod si umd Ead ghaut vua Freid iwa de neiche Vaschmözung von Jazz-, Blues- und Rockmusik. De Bsetzung woa do da Al Kooper (Keyboard, Gsangl), da Jim Fielder (Gitaa, Boss), da Steve Katz (Gitaa) und da Bobby Colomby (Zeigl). De Blosarei haum da Fred Lipsius, da Randy Brecker, da Jerry Weiss und da Dick Halligan gmocht.

Des easchte Oibum Child is Father to the Man (1968) is vo de Kritika im Himme ghom wuan, da Vakauf woa owa a zaache Gschicht. Persenlich Wickln hoz aa gem, wegn dem hom si da Kooper, da Brecker und da Weiss von da Kapöön trennt. Da Colomby und da Katz haums si auf des hinauf in Kanadier David Clayton-Thomas ois Sänga gschnappt.

Von da zweitn Laungspüüplottn Blood, Sweat & Tears (1969) haums 3,8 Mülionen Stickln vadraaht, do is oisa aa a Gööd einekumman, und 1970 haums dafia a an Grammy kriagt, ois Album des Jahres. Mid eanare Bläserarranschmaus und Beoaweitungan von klassischn Komponisten haums Moßstäb gsetzt fia aundare Gruppm, de wos auf de Oat gschpüüt haum. De Plottn is bis aufm Platz 1 in de Billboard 200 kumman^[3] De auskoppete Single Spinning Wheel hod in Platz 2 earreicht.^[4]

Mid aana Tour durch Osteiropa, de vom US-Außenministerium gfeadat wuan is, is de Kapöön beim domolign Hippie- und Rockpublikum a Wengl in a schiefs Liacht kumman. De Plottn, de wos 1970 noch dera Tour vaeffentlicht wuan is (Blood, Sweat & Tears 3) hat nimma de Eafoig von de Vuagänga ghobt, obwois in da USA auf Ploz 1 kumman is. A Gig im Caesars Palace in Las Vegas woa aa kaa Aussereissa fias Renommee von da Band. Des viate Oibum Blood, Sweat & Tears 4 (1971) hod nimma vüü Gööd eibrocht. Wegn dem hod si da Sänger David Clayton-Thomas trennt und is min Jerry Fisher easetzt wuan.

Danoch is de Kapöön eftas umbsetzt wua, do an rechta Eafoig hod si ned eigschtööt, obwoi des olles obrodane Musika woan. Noch a boa Plottn ´- Greatest Hits (1972), New Blood (1972), No Sweat (1973) und Mirror Image (1974) – is da David Clayton-Thomas wieda zruckkumman, wäula ois Solist a kaa Leibal grissn hod. Owa kommerziöö hod des aa ned laung wos gnutzt. Noch de Plottn New City (1975), In Concert (1976) und More than ever (1976) hod eana de Plottnbude in Vatrog kindigt. Von de letzt Oibn Brand New Day (1977) und Nuclear Blues (1980) hod ma scho iwahaupt nix mea gheat. Von de uaspringlichn Musika von da Partie woa do nua mea da David Clayton Thomas dabei. A boa Vasuch hoz in de spädan 80a und frian 90a Joag haum de Blood ausn Clayton-Thomas mit lauta junge Musika bstaundn, owa de oidn Eafoige san nimma zruckkumman.

Im Joah 2005 hod da Chuck Negron, de wos friha da Sänga von de Three Dog Night woa, de Rechte aunan Bandnamen „Blood, Sweat & Tears“ kriagt. Do wo kaa aanziga von de uaspringlichn Musika dabei. Gspüüt haums 2007 bei a boa Open-Air-Konzert in Eiropa.

Seit 2008 is owa wenigstns da Steve Katz wieda in da Band dabei.^[5]

„Die Beatles haben den Rock in die Musik gebracht. Blood, Sweat & Tears haben die Musik in den Rock gebracht. “

– Leonard Feather^[6]

Diskografie

Child is the Father to the Man (1968)
Blood, Sweat & Tears (1969)
Blood, Sweat & Tears 3 (1970)
Comedy Highlights & Music from the Soundtrack ›The Owl and the Pussycat‹ (1970, Musik zum gleichnamigen Film)
Blood, Sweat & Tears 4 (1971)
Greatest Hits (1972)
New Blood (1972)
No Sweat (1973)
Mirror Image (1974)
New City (1975)
In Concert (1975, 1991 unter dem Titel Live and Improvised)
More than Ever (1976)
Brand New Day (1977)
Nuclear Blues (1980)
Original Album Classics (Child is the Father to the Man, Blood Sweat & Tears, Blood Sweat & Tears 3, Blood Sweat & Tears 4, New Blood, CD 1 und 2 mit Bonus Tracks; 2009)
Rare, Rarer & Rarest (2013)
The Essential Blood, Sweat & Tears (2014)

Litaratua

Wolf Kampmann Reclams Jazzlexikon. Stuttgart 2003; ISBN 3-15-010528-5
Stambler, Irwin: The Encyclopedia of Pop, Rock and Soul. 3. überarbeitete Auflage, New York City, New York: St. Martin’s Press, 1989, S. 64-66 – ISBN 0-312-02573-4

Im Netz

Beleg

↑ Damit ma si no aussesiacht, stengan de Bsetzungan von de Neigrindungan da Band 1985 bzw. 2005 ned do
↑ Churchill hod, waun mas genau nimmt, eignlich gsogt „Blut, harte Arbeit, Schweiß und Tränen“.
↑ Billboard Albums Blood, Sweat & Tears. Abgerufen am 13. Dezemba 2010.
↑ [* Blood, Sweat & Tears ba Allmusic (englisch) Chartspositionen für Spinning Wheel]. Abgerufen am 13. Dezemba 2010. auf Allmusic
↑ Steve Katz, founding father of BS&T has rejoined the band after a 35 year leave of absence! Archiviert vom Original [1] am 10. August 2010; abgerufen am 28. Juli 2010.
↑ zit. nach posthof.at – Blood, Sweat & Tears World Tour

[1] Damit ma si no aussesiacht, stengan de Bsetzungan von de Neigrindungan da Band 1985 bzw. 2005 ned do

[2] Churchill hod, waun mas genau nimmt, eignlich gsogt „Blut, harte Arbeit, Schweiß und Tränen“.

[3] Billboard Albums Blood, Sweat & Tears. Abgerufen am 13. Dezemba 2010.

[4] [* Blood, Sweat & Tears ba Allmusic (englisch) Chartspositionen für Spinning Wheel]. Abgerufen am 13. Dezemba 2010. auf Allmusic

[5] Steve Katz, founding father of BS&T has rejoined the band after a 35 year leave of absence! Archiviert vom Original [1] am 10. August 2010; abgerufen am 28. Juli 2010.

[6] zit. nach posthof.at – Blood, Sweat & Tears World Tour

[1]

[2]

[3]

[4]

[5]

[6]