Boarische Grammatik (Verbn)
 |
Da Artikl do ghead za da Artiklsommlung iwa'd Grammatik vo da Boarischn Sproch. A Iwasicht iwa olle Artikl zan Thema findd ma in Boarische Grammatik. |
Thema vo dem Artikl san de Verbn und eana Konjugation.
Infinitiv
[Werkeln | Am Gwëntext werkeln]D Infinitiv-Endung is normoiaweis -n. De ko se owa vaendan, je noun Laut dea wou voa irer stejd. Wej des gnau is, des stejd in da druntan Tabej za de Gengwartsfoama mid drinnad.
Gengwart
[Werkeln | Am Gwëntext werkeln]Gem touts grammatisch de easchte, de zwoate und de dritte Peason Singular und Plural. Unta de Pronomen stenga de Normoiendunga, dej kinna se owa je nouch da boarisch-grammatischn Verbkategorie endan.
| Kategorie | Standarddeitsch Infinitiv |
Boarisch Infinitiv |
1. Peason Singular | 2. Peason Singular | 3. Peason Singular | 1. Peason Plural | 2. Peason Plural | 3. Peason Plural |
|---|---|---|---|---|---|---|---|---|
| i | du | eă/deă, si/de/NB:dej, s/es/dees | miă | ees/iă/ NB:enk(s)/(de)ets/diăts |
si/de/ NB:dej | |||
| -en | -n | ---- | -st | -t | -n, -ma | -ts | -n, -nd | |
| Normoifoam | wetten | wettn | wett | wettst | wett | wettn WMB aa: wettma | wetts | wettn WMB aa: wettnd |
| …ben | leben | leem | leb | lebst | lebt | leem WMB aa: leema | lebts | leem WMB aa: leemd |
| …gen | legen | leeng | leg | legst | legt | leeng WMB aa: leengma | legts | leeng WMB aa: leengd |
| …den | reden | ree(d)n | red | redst | redt | ree(d)n WMB aa: ree(d)ma | redts | ree(d)n WMB aa: ree(d)nd |
| …men, …ngen, …nen | rennen | renna | renn | rennst | rennt | renna(n) WMB aa: rennma | rennts | renna(n) WMB aa: rennand |
| …fen, …ken, …chen | hoffen, denken | WMB/Sid-NB: hoffa, denka Noad-NB/OMB/SB: hoffm, denkn | hoff, denk | hoffst, denkst | hofft, denkt | WMB/Süd-NB: hoffa(n), denka(n) Nord-NB/OMB/SB: hoffm, denkn WMB aa: hoff(b)ma, dengma | hoffts, denkts | WMB/Süd-NB: hoffa(n), denka(n) Noad-NB/OMB/SB: hoffm, denkn WMB aa: hoffand, dengand |
| …eln,. .ern, …nen, …men | ordnen | ordnan | ordnat | ordna(t)st | ordnat | ordnan | ordnats | ordnan WMB aa: ordnand |
| unreglmess | tun | doa/duan NB: dou | dua NB: dou | duasd NB: doust | duad NB: dout | dean/duan/dan WMB aa: deama/damma/doama NB: dejn | deads/dads/duads WMB aa: doads NB: dejts | dean/dan/duan WMB aa: doand NB: dejn |
| unreglmessi | sein | soai NB: soaoa | bi/bin | bisd SB: bisch(d) | is SB: isch | han/san WMB aa: hamma/samma SB: sein | hads/sads/seids | han/san WMB aa: hand/sand SB: sein |
| unreglmessi | haben | hoom/hoom NB: hoom | hob/ho/hob NB: ho/hob | host/host NB: host/houst | hot/hot NB: hot/hout | hom/hom WMB aa: hamma NB: hom | hobts/hobts NB: hots/houts | hom/hom WMB aa: hammand NB: hom |
| unreglmessi | sehen | seeng NB: seeng/seea | seg/sig/siag NB: siich/siia | segst/sigst/siagst NB: sigst/siiast | segt/sigt/siagt NB: sicht/siiat | seeng WMB aa: seengma NB: seeng/seea(n) | segts NB: sechts/seeats | seeng WMB aa: seengd NB: seeng/seea(n) |
| unreglmessi | gehen, stehen | geeh, steeh NB: geejh, steejh | gèh, stèh NB: gèjh, stèjh | gèhst, stèhst NB: gèjhst, stèjhst | gèht, stèht NB: gèjht, stèjht | genga(n), stenga(n) WMB aa: gemma, stemma | gèhts, stèhts NB: gèjhts, stèjhts | genga(n), stenga(n) WMB aa: gengand, stengand/stennand |
Easchte Vagongaheit
[Werkeln | Am Gwëntext werkeln]De easchte Vagongaheit wead in Bayern in so guad wia olle Fej mid da zwoatn umgonga:
| Standarddeitsch | So sogd ma s af Boarisch |
|---|---|
| ich sah | i hob gseng (oda aa: ho / han gseng) |
| ich ging | i bin ganga |
| sie floh | se is dovogloffa/davogrennd/obghaud (in Wean aa: sie is ahpascht) |
Owa es gibd a boa wenige Verbn, de wos a Imperfekt hoam:
| Standarddeitsch | So sogd ma s af Boarisch |
|---|---|
| ich wollte | i woidd |
| ich war | i wo/wo/woa |
Undam Strich is's owa aso, doss ma, wo s gehd, de zwoate Vagongheit nemma soit! Nua wonn's wiakli ned ondast gehd, ko ma af's Imperfekt zruckgreifn.
Zwoate Vagongaheit mid "hom" oda "sei"
[Werkeln | Am Gwëntext werkeln]| Standarddeitsch | So sogd ma s af Boarisch |
|---|---|
| gesessen, gelegen, gestanden haben | gsessn, gleng, gstandn sei' |
| ich habe gesessen, gelegen, gestanden | i bin gsessn, gleng, gstandn |
De Weata, de wos om gnennd worn san, wern oba aa im östareichischn Hochdeitsch mid "sein" buidd.
Dritte Vagongaheit
[Werkeln | Am Gwëntext werkeln]Aa s Plusquamperfekt gibd's im Boarischn, s wead owa ondas buidd wia im Deitschn, zwoa mid de sejm Huifsverbn hoam und sei, owa ondare Stejung. Es is eingtli recht oafoch, stott doss as Huifsverb in da easchtn Vagongaheit stähd, des jo im Boarischn quasi ned gibd, weads hoid in da zwoatn heagnumma. As Plusquamperfekt gibd's owa ned in olle Dialekte im boarischn Sprochraum.
| Standarddeitsch | So sogd ma s af Boarisch |
|---|---|
| ich hatte gesehen | i hob gseng ghod |
| ich war spazierengegangen | i woa spoziangonga gwen |
| ich hatte gelebt | i hob glebd ghod |
| ich hatte gehabt | i hob ghobd ghod |
Wia im Deitschn is as Verb "sei" im Plusquamperfekt zan buidn: ich war gewesn = i waa gwen
Da Konjunktiv
[Werkeln | Am Gwëntext werkeln]Da Konjunktiv Presens
[Werkeln | Am Gwëntext werkeln]Da grammatische Konjunktiv Presens kummd im Boarischn nua in a poar fesde Wendunga voa, wia hölfgod oda (va)göltsgod. Gnumma wead do da Indikativ: D Muata sogt, es gejt irer guat.
Da Konjunktiv Perfekt
[Werkeln | Am Gwëntext werkeln]Da grammatische Konjunktiv Perfekt kummd goaned voa. Gnumma wead aa do da Indikativ: Da Votter sogt, er hout garwat., oda aa da Konjunktiv Plusquamperfekt: Da Votter sogt, er hejt garwat.
Da Konjunktiv Plusquamperfekt
[Werkeln | Am Gwëntext werkeln]As grammatische Konjunktiv Plusquamperfekt gibd's ois Konjunktiv II fia de Vagongaheit: D Muater war ganga., Da Votter hejt se gwundert.
Da Konjunktiv Imperfekt
[Werkeln | Am Gwëntext werkeln]Da grammatische Konjunktiv Imperfekt is rundum lemda, da weat ois Konjunktiv II fia de Gengwart hergnumma fir des, wos niat wirkle passirt, wos niat gwis is (Irrealis), wos ner gwinscht (Optativ), megli (Potentialis), bdingd (Konditionalis) is, und aa nua fia ondare Feiheitn in deara Oart und Weis. Da Konjunktiv teid se in zwoa Foama af, oane de wo mid da Endung -ad buidd wead (Oawoat-Konjunktiv), und oane, de wo mid dad umschrim wead: D Muater essad., Da Votter gangad. und D Muater dad essn., Da Votter dad geh.
D Foam mid dad gehd nua weita in de nua grod denkde Richtung. Weidas brauchd ma's, wenn 'ma bsondas hefli sei moch: DanS a wengal zammrucka?, I hejt gern an Schwainsbroun., I dad song.. Hefli is aa da Oawoat-Konjunktiv: I grejchad an Schwainsbroun., I moanad.
Da Oawoat-Konjunktiv kummd in drei Foama voa, nemli: schwochs Verb + -ad, stoaks Verb + -ad und stoaks Verb ohne de Endung. De stoakn Foama wean in de heiding Dialekt owa imma wenga. Easetzd weans duach de schwochn Foama, de wo af -ad endn.
Im noadboarischn Sprochraum griang de stoakn Foama gean iwahapd wia de schwochn -ad oghengd. Weida wean de stoakn Forma durn zan ostfrenkischn Sprochraum hi glei goa duach de schwochn easetzd. Ausgnumma san freili de Weata, de wo koane schwochn Foama hom.
In da Tabej ejtz is a Auswoih vo Weata afgnumma, mid olle Foama, de wos in de boarische Dialekte gibd. Ned olle Foama wean owa iwaroi brauchd. So ko's sogoa, doss oanige Foama ois vakeahd empfundn wean, trotzdem's woondasd richti san.
| boarische Foamagruppm | Standarddeitsch | boarische stoake Foam | boarische schwoche Foam | boarische gmischde Foam |
|---|---|---|---|---|
| Onne a stoake Foam im Boarischn wia de ollameisdn Verbn. Ob a Verb im Standarddeitschn schwoch oda stoak is, hod mid'm Boarischn nix z toa. | ich redete / ich würde reden | ---- | i redad | ---- |
| ich büke / ich würde backen | ---- | i bochad | ---- | |
| Ohne a schwoche Foam, nua de vuin Weata. | ich hätte | i häd, NB: i häid | ---- | ---- |
| ich wäre | i war | ---- | i warad | |
| ich könnte | i kannt, i kunnt | ---- | i kanntad, i kunntad | |
| ich täte, ich würde (schau untn) | i dad | ---- | ---- | |
| Weata mid stoake, schwoche und gmischde Foama. Finna lejn se heidz'dog nua a poa Duznd Weata. | ich würde (schau untn) | i wur | i werad | i wurad |
| ich gäbe | i gab | i gewad | i gawad | |
| ich fände | i fand | i findad | i fandad | |
| ich ginge | i gang | i gäad, NB: gèjad | i gangad | |
| ich stünde | i stand | i stäad, NB: stèjad | i standad | |
| ich käme | i kam | i kemmad, NB: kummad | i kamad | |
| ich ließe | i liaß, NB: lejß | i lossad, NB: loußad | i ließad, NB: lejßad | |
| Ba deane Weata untascheidn se de Foama bedeitungsmessi a weng. | ich sollte | i soit, NB: i sollt | i sollad | i soitad, NB: i solltad |
| ich wollte | i woit, NB: i wollt | i wollad | i woitad, NB: i wolltad | |
| ich möchte | i mecht | i mechad, i michad | ---- |
Nun zan Woat "würde": Wonn nimmd ma i wua und wonn i daad? Des is gonz oafoch:
- On so oam scheena Dog ded I long spozian geh.
- On so om scheena Dog dad i long spozian geh. (Umschreiwung van Konjunktiv)
- Ba diesm Ehemo ded i sicha varuckd wean!
- Bei dem Ma do wua i gwies naarisch! (oafocha Konjunktiv vo wern)
Infinitivkonstrukziona
[Werkeln | Am Gwëntext werkeln]Im Standarddeitschn gibds de Meglikeit, on Nemsotz noch'm Musta "um etwas zu tun" zum vawendn. Im Boarischn wead des vamiedn und stottdessn mid om Nemsotz mid "weil", "dass" oda "damit" umgonga.
| Standarddeitsch | So sogd ma's af Boarisch | ||
|---|---|---|---|
| Beispuisotz | Da Hintagrund | Beispuisotz | Da Hintagrund |
| Ich gehe nach Hause, um meine Suppe zu essen. | "um zu" weisd af a Obsicht hi | I geh hoam, weil i mei Suppn essn wui./ I geh hoam, mei Suppn z'essn. | de Obsicht wead duach's Verb "woin" vadeitlichd, oda s'wead wia im deitschn a Infinitivkonstruktion heagnumma. |
| Ich wischte die Scheibe, um besser hindurchsehen zu können. | "um zu" weist auf des Ziel vo dera Handlung hi | I hob de Scheim gwischt, damid i mera sieg. | duach's Weatal "domid" wead vadeitlichd, doss de Handlung a Zui hod |
Obkiazunga
[Werkeln | Am Gwëntext werkeln]- MB = middlboarisch
- WMB = westmiddlboarisch
- OMB = ostmiddlboarisch
- SB = sidboarisch
- NB = noadboarisch