Braka
| Der Artikl is im Dialekt Hausrukfiatlarisch gschriem worn. |
A Braka is Weakzaig mid dem ma an Debich sauwa griagt in dem ma in Schdaub und de Müm aussa brakt. Auf Hochdeitsch sogt ma zu dem Drum a "Teppichklopfer", auf Holendisch "mattenklopper" und auf Englisch "carpet beater".
Funkzion
[Werkeln | Am Gwëntext werkeln]Waun a Depich oda a Foahaung z'gros und zschwa is, das man woschn kaun, da kau ma in Schdaub und in Dreg a mechanisch aussa griang, in dem ma mid am Braka gschaud drauf hoazt. Fia des hengt ma in Debicham auf a Schdaung und haud daun gscheit drauf - je fesda, desdo bessa. Des soitad ma am gscheitan draust im Goatn mocha und de besde Zeid fum Joa dafia is da Winta, wai im Winta, waun a frischa Schne ligt, daun wiad da Debich a ned dreki, waun man am Bon dahii schloaft. Wea de Schdaubmüm komplet ausn Matrial drausn hom wü, kaun in Debich im Winta nu dazua iwa d'Nocht draust lossn und wauns gscheit koid is und gfread, daun dafreads de Müm.
So a Braka is moasdns aus Widhöözl gmocht, oda aus an Ratan und de Zwaigal wean ois a frisch brokde gflecht und schbeda drikat. A so griagt ma an fesdn Braka, dea a elasdisch is und fost a so ausschaun soi wiar a Denis-Schlega.
Kuituagschichtlichs
[Werkeln | Am Gwëntext werkeln]Da Braka woa bis in de 70ga Joa de Schdandard-Ausrüstung fia des das ma an Depich oda an schwan Foahaung sauwa griagt. Bai de dipischn Beton-Wonblok-Aunlong fu deara Zeid woar oiwai a im Goatn a Schdaung zan Depich braka mid ai plant. Ois Altanativn zan Braka hods schau seidn schbodn 19tn Joahundat a so Depichrola gem, de si owa nia so gauns duachgsezt haum.
Eascht wia Schdaubsauge a biliga woan han und so ziaka ob de 1970ga Joa fost in jedn Haus oana do woa, hod si d'Fawendung fu de Braka mea oda wenga aufghead.
Oft han soichane Braka owa a fia an aundan Zwek misbraucht woan und es woa launge Zeid fabrait, das Kinda fu eanare Ötan mid'n Braka gschlong woan han, wauns schlim gwen han. A bai familiere Schdraidarain is goa ned so södn zan Braka grifn woan und desweng woa domois des Weakzaig foa oim in Holaund, Deitschlaund, Estareich und Italien so wos wia a Simbol fia ned-gewoitfraie Metodn fum Kinda aufziang.