Burlington (Iowa)

Aus Wikipedia
Burlington
Burlington mit der Great River Bridge
Burlington mit der Great River Bridge
Log in Iowa
Basisdaten
Grindung: 1833
Stoot: Vereinigte Staaten
Bundesstaat: Iowa
County: Des Moines County
Koordinaten: 40° 48′ N, 91° 8′ WKoordinaten: 40° 48′ N, 91° 8′ W
Zeidzone: Central (UTC−6/−5)
Einwohna: 25.663 (Stand: 2010)
Bevökarungsdichtn: 684,3 Einwohna pro km2
Flechn: 39,5 km2 (ca. 15 mi2)
davo 37,5 km2 (ca. 14 mi2) Land
Höhe: 185 m
Postleitzoin: 52601[1]
Vorwoi: +1 319
FIPS: 19-09550
GNIS-ID: 0454995
Netzseitn: www.burlingtoniowa.org
Buagamoasta: Shane A. McCampbell

Burlington isa Stod und da Vawoitungssitz voum Des Moines County[2] im US-Bundesstood Iowa, diaggad am Ufa voum Mississippi River.

Gschicht[Werkeln | Am Gwëntext werkeln]

Zeaschd amoi hand d Indiana fo de Sauk und Fox aaf däm Land gwen. Fiad Indiana hod des Shoquoquon koassn, wos heid Flint Hills is.[3]

Wia da Thomas Jefferson Bräsident gwen is, hoda 1803 zwe Expediziona in Wesdn gschiggd. Oane is mim Captain Meriwether Lewis und mim William Clark an Laaf fom Missouri River gfoigd, de andan hand mim Zebulon Pike zan owan Missisippi River. Wou heid Burlington ligd, hod da Zebulon Pike 1805 aafgschlong und hod duad easchdmois s Amerikanische Faandal aafgschdäid kod.

1829 hom Bäizhandla fo da American Fur Company duad an Handlsbosdn baud kod. Nom Black Hawk Purchase,[4] a Vodrog zwischa de Sauk und Fox Indiana und da USA, wou d Indiana mid 640.000 US-Dollar fia era Land bschissn woan hand, san de easchdn Sidla kemma gwen.

Da Gmischdwarnhandla und Landfomessa William R. Ross hod des naie Land fiad weidare Bsiedlung ausgmessn und da easchd Landkaifa, da John Gray, hod se an Nam fia de nai Oosidlung ausdenga deafa. Und wai eam nix eigfoin is, hodas no seina Hoamadstod Burlington z Vermont gnennd kod.[5]

1837 is Burlington kuaz d Haubdstod fom Wisconsin-Territorium gwen, dano 1838, Haubdstod fias naie Iowa-Territorium.

Ois Flusshofm is Burlington in da Zeid fo da Damfschiffarai a wichdiga Umschlogbloz gwen und aa da Eisnbohof fo da Chicago, Burlington and Quincy Railroad (CB&Q). D CB&Q, fo 1848 - 1970, dano Burlington Northern Railroad (BN), isäiz d BNSF Railway.

Drom afan Beagal do schdäd koa Kapäin, owa a Kathedroi. D St. John's Cathedral, schdäd iwa da Stod und wiad ofd fotografiad. S hexde Weagl is owa d Great River Bridge, wou da Middlbfeila fo da Brugg, 113 m iwan Missisippi schdäd.

Beleg[Werkeln | Am Gwëntext werkeln]

  1. US Postal Service – ZIP Codes
  2. Find a County
  3. The Hawk Eye (Memento vom 1. Óktówer 2011 im Internet Archive) oogrufa am 4.Meaz 2021
  4. THE MAKING OF IOWA. In: Iowa History Project. Abgerufen am 4. März 2021.
  5. "NAMED THIS CITY", Burlington Gazette, September 22, 1896 .

Im Netz[Werkeln | Am Gwëntext werkeln]

 Commons: Burlington, Iowa – Sammlung vo Buidl, Videos und Audiodateien