Mississippi River

Aus Wikipedia
Zur Navigation springen Zur Suche springen
Mississippi
Da Mississippi z New Orleans

Da Mississippi z New OrleansVorlage:Infobox Fluss/KARTE_fehlt

Datn
Gwassakennzoi US1629903
Log Vaeinigte Stoodn
Flusssystem Mississippi
Quäin Lake Itasca z Minnesota

47° 14′ 23″ N, 95° 12′ 27″ W47.239722222222-95.2075450

Quäinhächn 450 mVorlage:Infobox Fluss/NACHWEISE_fehlen
Mindung Goif vo Mexiko (Atlantischer Ozean)

29.153611111111-89.2508333333330Koordinaten: 29° 9′ 13″ N, 89° 15′ 3″ W
29° 9′ 13″ N, 89° 15′ 3″ W29.153611111111-89.2508333333330

Mindungshächn mVorlage:Infobox Fluss/NACHWEISE_fehlen
Hächnuntaschied 450 m
Läng 3.778 kmVorlage:Infobox Fluss/NACHWEISE_fehlen
Eizugsgegnd 2.981.076 km²Vorlage:Infobox Fluss/NACHWEISE_fehlen

Abfluss[1] MQ
18.400 m³/s
Grousstädt * Minneapolis, Minnesota* St. Paul, Minnesota* Davenport, Iowa* St. Louis, Missouri* Memphis, Tennessee* Baton Rouge, Louisiana* New Orleans, Louisiana
Schiffbor Bis zum Coon Rapids Dam in Coon Rapids (Minnesota)[2]

f

f Da Mississippi River, aa Mississippi[3] [ˌmɪsɪˈsɪpɪ] is a 3778 Kilometa langa Schdrom in de Vaeinigtn Stoodn. Ea kummt ausm Lake Itasca im nerdlichn Minnesota und mind umara 160 Kilometa siidle vo New Orleans in Goif vo Mexiko eine.

Da grässde Nemfluss is da Missouri, dea lenga ois da Missisippi is, bisa in eam nei mind. Da Missouri und da Untalaaf voum Mississippi buidn ois Mississippi-Missouri mid 6051 Kilometan Leng, s fiatlengsde Flusssüstäm da Erdn.

Da Mississippi fliassd fom Noadn in Siidn owe und kimmt duach acht Bundesstoodn: Minnesota, Illinois, Missouri, Kentucky, Arkansas, Tennessee, Mississippi, Louisiana und ea buid de Grenz vo Wisconsin und Iowa. Z St. Louis kummt a mim Missouri zam, nocha mim Meramec und ba Cairo, Illinois, mim Ohio.

Da Nama[Weakln | Am Quelltext weakln]

Da Nam fia Mississippi stamd wascheinsd vo da Sproch da Algonkin-Indiana o. Messe fia Grous und 'sepe fia Wossa, homs gsogt. Haife song d Leid a „Voda fo fr Fliss“, des is owa mea a poedische Iwasetzung.[4] Vo da Sproch da Anishinabe kummt Messipi fia „groussa Fluss“, ara Meglekeid. De moastn song zan Missisippi „Old Man River“, vaewigt im Liadl Ol’ Man River voum Musikl Show Boat ausm Joa 1927.

Geografie[Weakln | Am Quelltext weakln]

Eizuagsgebiad und Flußsüstäm[Weakln | Am Quelltext weakln]

Eizuagsgebiad voum Mississippi
Nemfliß voum Mississippi

Da Mississippi entwossad de grässdn Tei zwischa de Appalachen, estle und de Rocky Mountains im Westn, in Goif von Mexiko eine. Mid 3.220.000 Kwadradkilometa is des Eizuagsgebiad voum Mississippi s fiatgrässde fo da Wäid.

De wichdegstn Nemfliß voum Mississippi han:

Linke Nemfliss[Weakln | Am Quelltext weakln]

  • St. Croix River
  • Black River
  • Wisconsin River
  • Rock River
  • Illinois River
  • Kaskaskia River
  • Ohio
  • Hatchie River
  • Yazoo River
  • Big Black River

Rechde Nemfliss[Weakln | Am Quelltext weakln]

  • Minnesota River
  • Root River
  • Cannon River
  • Turkey River
  • Iowa River
  • Skunk River
  • Salt River
  • Missouri
  • Saint Francis River
  • White River
  • Arkansas
  • Red River

Flussobschnitt[Weakln | Am Quelltext weakln]

Kwäin voum Mississippi im Itasca Lake
Mississippi Lock and Dam Nr. 2 z Hastings, Minnesota

Da Owalaaf voum Mississippi[Weakln | Am Quelltext weakln]

D Kwäin voum Mississippi ligt nerdle im US-Bundesstood Minnesota im Itasca State Park. Da Itascasää sammed in 450m Hä merare Kwäibäch und losst an Mississippi ois finf Meta broadn Bo ausse.

Flussowäats fliassda duach zoireiche Sään, ois grässdn an Lake Winnibigoshish. Untahoi fom Coon Rapids Damm ba Minneapolis is da Mississippi schiffboa.[5]

Saint-Anthony-Fej

De Saint-Anthony-Fej z Minneapolis und a boo gloane Wossafäi ba Little Falls in Minnesota woan de oanzign nadialichn Wossafäi am Owalaaf fom Mississippi. Heid san im Flussoschniid zwischa Minneapolis und St. Louis 29 Damm- und Schleisnbauweak, de wos in de 1940 Joa dabaud hom, mid dene 123 Hänmeta iwawundn wean.[6] S Zui vo dem ganzn Wergl is gwen, das ma Massnwoan voum Noadn da USA leichda in Goif vo Mexico owe bringd.

Nerdle vo St. Louis vabind se da Mississippi mim Missouri za an broadn Schdrom. Da grässde Nemfluss, da Ohio, mind ba Cairo in Missisippi nei. De wichdegstn Zuafliss am Owalaaf san Minnesota River, Iowa River, Des Moines River, Illinois River, Missouri und Ohio.

Ogschniade Oidwossa voum Mississippis

Da Untalaaf[Weakln | Am Quelltext weakln]

Siidle vo da Eimindung voum Ohio lafft da Missisippi in a 80 km broade Inlandsbuchd nei. Wega da niadrign Reliefenagie und an gringa Hänundaschiad (96 m) vo Cairo bis za Mindung in Goif vo Mexico buid da Missisippi am Untalaaf weide Mäanda aus. Iwa de Joahundate hod se s Flussbett owei vaändat kod, drum san an de Flussufan vo odrennde Oidwossa, weidlaifige Aunlandschoftn enschdandn[7].

Mississippidäida ausm Wäidoi

Im Siidn vo Louisiana mind da Schdrom in an weidlaifign Däida (Delta) in Goif vo Mexico. Da lengsde Mindungsoam is da Atchafalaya River, dea umara 500 km vo da Haubdmindung ozwoagt und säim a Däida buid. Flussowäats vo New Orleans hod se mid da Zeid afgrund fom Sediment wos da Fluss mid bringd und dem gringa Gäzeitnhub voum Goif, a fingafeamigs Voglfuasdäida gfoamd, wos finf Haubdoam hod. Des is mid 28.600 km² oans da grässdn Mindungsdäidas wäidweit. 1 bis 1,5 Milliona Tonna Sediment bringd da Fluss am Dog dahea[8]. Reglmassige Iwaschwemmunga hom a flachs Schwemmland gschaffa, wos umbande fruchtboa is. De houe Oatnvuifoit in de Gwässa beginstigd d Fischarei. Se eabringd a Million Tonna Fiesch im Joa und is de bedeidansde in de USA. In da Landwiadschoft wean haubdsechle Reis, Bamwoi, Zuckaroa und Sojaboona obaud.

Wichdege Zuafliß voum Untalaaf san White River, Arkansas, Yazoo River und Red River.

Gschicht[Weakln | Am Quelltext weakln]

Brähisdorische Zeid[Weakln | Am Quelltext weakln]

Uaschpringle is da Mississippi am Volaaf voum heidign Hennepin Canal, vo Rock Island no Hennepin und nocha an heidign Flussbett fom Illinois River bis za seina Mindung ba Alton gfoigt[9]. De voalezde Eiszeid (300.000 bis 132.000 Joa voa heid) hod an Owalaaf fom Missisippi grundlegand voändad. A gschlossane Eisdeck bam heidign Rock Island hod eam an Weg zua gmochd und an Fluss no Westn volagad. Im Breich fom Missisippi-Däida hod da Fluss oi dausnd Joo sei Bett gwexld und mid seim midgfiadn Sediment de gsamde Kistnlinn vo Louisiana gfoamd. In de leztn 5000 Joa hod se de Kistn vo Louisiana no uma 25 bis 80 km in Goif vo Mexiko nei gschom. De Oidoam voum Fluss, de wenga Wossa gfiad hom ois da Haubdschdrom, hom Sümbf und Aunlandschofdn buid, de ma heid Bayous nennd.

Indianische Bsiedlung[Weakln | Am Quelltext weakln]

S Toi voum Mississippi hom zeaschd vaschine indianische Schdämm bsiedld kod. Dazua zäin de Cheyenne, Sioux, Ojibwe, Potawatomi, Ho-Chunk, Fox, Kickapoo, Tamaroa, Moingwena, Quapaw und Chickasaw. Vo 700 bis uma 1600 woa do de Mississippi-Houkuidia, de ois oanzige Gsäischofd im Amerika nerdle vo Mexiko fesde Städ dabaud hod. De grässde is Cahokia, in da Nat voum heidign St. Louis gwen, de wou mid za. 20.000 Eiwona bis zan Joa 1800 de grässde Stod z Nordamerika gwen is.[10].

Airopäische Bsiedlung[Weakln | Am Quelltext weakln]

Am 8. Mai 1541 hod da schbanische Endecka Hernando de Soto ois easchda Airopäa den Fluss gfundn kod. Rio de Espiritu Santo hodan gnennd. 1673 san da Louis Joliet und da Jacques Marquette za a groussn Exbedition afn Missisippi afbrocha. Ois easchda Airopäa is da René-Robert Cavelier, Sieur de La Salle 1682 an da Mindung voum Fluss okumma. Ea hod oisamd Ländareian de am Fluss gleng hand, fia Frankreich in Bsiedz gnumma und hods zu Ean voum franzesischn Kine Ludwig XIV Louisiana gnennd.1699 hod ma s Fort La Balize zua Kontroi da Flusseifoat grind.

Wai se in de Aunlandschoftn Bäizviecha wia da Biba afkoitn hom, hod se s Mississippi-Toi boid zan Zändrum fian noadamerikanischn Bäizhandl ausbuid[11].

Im 18. Joahundat hom de Ufa voum Fluss efda an Bsiza gwexld. Zeaschd woas ois Kolonie Louisiana voischdande in franzesischa Händ. No da Niadalog Frankreichs im simjarign Griag und dem Friadnsvodrog vo Paris 1763, is da Mississippi Grenz zwischn britischn und am 'schbanischn Kinereich woan. Sei rechz Ufa hom d Schbania griagd, s linke de Britn. Bis 1783 homs de Britn poitn. Nom Griag gega de Voeinigdn Stoodn hod England s Land estle voum Mississippi an de Amerikana odren miassn. Easchd 1803 isa s westliche Ufa za USA kumma. Saidem is da Mississippi a reina amerikanischa Fluss und stäid koa Grenz mea zwischa vaschina suwaräna Stoodn doa.

Ära da Dambfschifffoat[Weakln | Am Quelltext weakln]

1810 hod afn Mississippi de Dampfschifffoat ogfangd, 1812 is da easchde Schauferaaldambfa fom Robert Fulton im Linienvakea zwischa New Orleans und Natchez gfon gwen. 1850 hans 740 Dampfschiff gwen. De moastn san zwischa New Orleans und Louisville gfon. Voa oim Bamwoi hod ma no New Orleans transboadiat und vo do no Airopa.[12][13].

Da Mississippi hod se za wiadschofdlichn Lemsoda gmausad und fia vui Siedla is St. Louis a wichdega Knodnpunkt gwen, weis vo do iwan California Trail oda Oregon Trail, no Westn ganga is. Memphis und New Orleans woan ned grod bedeidande Schdandoate fiad Wiadschofd, sundan a Zendren voum amerikanischn Sklafnhandl.

Im amerikanischn Biagagriag woa d Kontroi voum Mississippi a wichdegs Zui vo beide Patein gwen.

Jingsde Gschicht[Weakln | Am Quelltext weakln]

1927 hod da Fluss de grässde Fluadkatasdrof vauasacht, ois am Untalaaf za. 70.000 km² Land bis za 9 Meta hou iwaschwemmd und 700.000 Leid ewakuiad wean hom miassn[14]. 1993 hods wida a Joahundathouwossa gem, wou za. 80.000 km² Land unta wossa woan. 2011 woan de grässdn Iwaschwemmunga seid 1927.

Im Netz[Weakln | Am Quelltext weakln]

 Commons: Mississippi River – Oibum mit Buidl, Videos und Audiodateien

Beleg[Weakln | Am Quelltext weakln]

  1. J.C. Kammerer: Largest Rivers in the United States, 1990. U.S. Geological Survey. (abgerufen am 2. September 2011)
  2. Jerry M. Hay: Mississippi River-Historic Sites & Interesting Places. S. 114, abgerufen am 21. November 2013.
  3. Duden, 25. Aufl., S.738
  4. F. L. Langstedt, Reisen nach Südamerika, Asien und Afrika, 1789
  5. Coon Rapids Dam, Coon Rapids, MN
  6. US Army Corps of Engineers. "Mississippi Locks and Dams". Archived from the original on 2010-05-27. https://web.archive.org/web/20100527233810/http://www.mvp.usace.army.mil/navigation/default.asp?pageid=145. Retrieved on 2010-04-10. 
  7. M. Niggemann (2002). "Der Mississippi und sein Delta" (PDF; 354 kB). http://www.ikzm-d.de/seminare/pdf/ulbrich_mississippidelta.pdf. Retrieved on 2010-04-10. 
  8. J. Ulbrich (2004). "Das Mississippi Delta" (PDF; 354 kB). http://www.ikzm-d.de/seminare/pdf/ulbrich_mississippidelta.pdf. Retrieved on 2010-04-10. 
  9. Scott, Q. (2008). "The Mississippi: A visual biography" (PDF; 376 kB). Archived from the original on 2013-12-28. https://web.archive.org/web/20131228220701/http://presscm.umsystem.edu/images/assets/File/Scott/assembling.the.mississippi.basin.pdf. Retrieved on 2013-02-04. 
  10. Franz, A. (2008). "Hügelstadt Cahokia - Amerikas mysteriöse Megacity". http://www.spiegel.de/wissenschaft/mensch/0,1518,551650,00.html. Retrieved on 2010-05-02. 
  11. The Powell County Museum and Arts Foundation. "The Fur Trade". Archived from the original on 2012-03-14. https://web.archive.org/web/20120314002704/http://pcmaf.org/fur_trade.htm. Retrieved on 2010-05-02. 
  12. snafu.de (1997). "Geschichte und Technik der Dampfschiffe, insbesondere Raddampfer". Archived from the original on 2008-06-14. https://web.archive.org/web/20080614083736/http://home.snafu.de/jk/radgt_2.htm. Retrieved on 2012-12-26. 
  13. Dziersk, M. (2009). "Mit einem Schaufelraddampfer auf dem Mississippi". http://www.welt.de/reise/article3301473/Mit-einem-Schaufelraddampfer-auf-dem-Mississippi.html. Retrieved on 2010-05-02. 
  14. S. Ambrose (2001). "Great Flood". http://news.nationalgeographic.com/news/2001/05/0501_river4.html. Retrieved on 2010-05-02.