Burzenland

Der Artikl is im Dialekt Nordboarisch gschriem worn.

Blick vum Schuler af an Deu vum Burzenland. Rechts ko ma Weidenbach seng und am Zeidener Berg Zeiden

As Burzenland (rümanisch: Ţara Bârsei, ungarisch: Barcaság) is a historischs Gebiet im Siidostn vu Simbüang (haind z'Rumänien), mit Kronstadt (Braşov) ois wichtigsta Stod. Nouch 'm Auszuch vu de Simbüaga Sachsn im 20. Joahundat hods sei kuiturelle Bedeitung zum Groußdeu valoan.

Geografisch gseng is as Burzenland a Binnensenke innahajb vum Karpatenboong und wead umara vu de Oat Marienburg (Feldiora) im Noadn, Rosenau (Râşnov) im Siidwestn und Tartlau (Prejmer) im Siidostn eigrenzt. Da Nama kummt vum Burzenbach (Bârsa), wo in 'n Alt mündt.

Im Joa 1211 houds da ungarische Könich Andreas II. im Deutschen Ritterorden ajs Siedlungsgebiet gehm und dea hod dou meija Buang baut. Blouß 14 Joa spejda is da Oadn owa schou wieda vetriem woan, weil-a in deam Gebiet an - vu Ungan unohängign - Ordensstaat affbaua woit.

Oat

Deitsch	Sächsisch	Rumänisch	Ungarisch
Bartholomae	?	Bartolomeu	?
Bienengärten	?	Stupini	?
Brenndorf	Bronjderf	Bod	Botfalu
Heldsdorf	Hälzdref	Hălchiu	Höltövény
Honigberg	Hoenschbrich	Hărman	Hermány
Kronstadt	Krünen	Braşov	Brassó
Marienburg	Marembrich	Feldioara	Földvár
Neustadt	Noscht	Cristian	Keresztenyfalu
Nußbach	Noßbich	Măieruş	Szászmagyarós
Petersberg	Petersparch	Sânpetru	Szent Peter
Rosenau	Rusena	Râşnov	Barcarozsnyó
Rothbach	Roiderbrich	Rotbav	Szászveresmart
Schirkanyen	Schirkonyen	Şercaia	Sárkány
Tartlau	Tuerteln	Prejmer	Prázsmár
Törzburg	?	Bran	Törcsvár
Weidenbach	Wedjebich	Ghimbav	Vidombák
Wolkendorf	Wölkenderf	Vulcan	Szászvolkány
Zeiden	Zoiden	Codlea	Feketehalom

Schau aa unta

 Commons: Burzenland – Oibum mit Buidl, Videos und Audiodateien

Literatua

• Martin Rill (Herausgeber): Das Burzenland. Städte, Dörfer, Kirchenburgen. Edition Wort und Welt, München 1999. ISBN 3-932413-03-2

Im Netz

• Bauern und Burgen im Burzenland
• Ehemaliges Wappen der Provinz Burzenland