Kategorie:Artikel auf Nordbairisch

Aus Wikipedia

Af dera Saitn findt ma olle Artikl, dej wou af Nordboarisch gschrim han. Des wird haintzatoch gredt in grejßtn Tol vo da Owerpfolz (in Sidostn wird Nordmittlboarisch gredt), in sidestlinga Eck vo Mittlfrånkn, in mittlestlinga Eck vo Owerfrånkn, in Owerbayern nerdlich vo da Doana und in Sidvogtlånd (Bundeslånd Såchsn). Gem touts aa nu es Echerlånd-Boarische, des ghejert aa zon Nordboarischn. In Volksmund hoißt es Nordboarische aa "Owerpfölzisch" oder "Owerpfölzarisch", ower des is niat korrekt.

In da sidestlinga Owerpfolz und in nerdlinga Niderbayern wird Nordmittlboarisch gredt. D Dialekte in nerdlinga Owerbayern bis zu da Doana wern zwor immer nu zon Nordboarischn grechat, ower durtn flejßt haintzatoch schou stirker es Westmittlboarische von Sidn her a, drum kinnas tolwais praktisch zu de nordmittlboarischn grechat wern.

D Dialekte in nirmbercher Raum wern haintzatoch nemmer zon Nordboarischn dazougrechat, sundern göltn ols ostfrenkische Dialekte oder nordboarisch-ostfrenkische Mischdialekte.