Campora San Giovanni

Aus Wikipedia
Wexln zua: Navigation, Suach
Der Artikl is im Dialekt Owaöstareichisch gschrim worn.
Campora San Giovanni

Campora San Giovanni (auszsprecha ois „Kampora San Dschowanni“) is a Oatsteu vu Amantea in da Provinz Cosenza (Kalabrien, Italien) und hod ungefäa 7340 Einwohna.

Gschicht[VE | Weakln]

Campora San Giovanni is a relativ junge Ãusiedlung: De eastn Einwohna haum si zwischn 1897 und 1899 niedaglossn. De meistn san aus Cleto kemma, owa aa aus Aiello Calabro, San Pietro in Amantea, San Mango d'Aquino, Belmonte Calabro, Lago, Longobardi und Serra d'Aiello san Leid duat hizong.

Weu noch und noch wieda Leid weggazong san und weu de zwoa Wöidkriage woan, is de Bevöikarungszoih kleana woan. Vüi san in aundare eiropäische Lända ausgwaundat, maunche owa aa in'd USA, noch Kanada, Australien und Neiseelaund.

Ob 1989 kemman Immigrantn aus Osteuropa, aus'm Maghreb, aus Senegal und aus da Tüakei noch Campora San Giovanni. Oawatn dan de großteus in da Laundwiatschoft (voa oim de Fraun) und im Baugeweabe.

Wiatschoft[VE | Weakln]

Wichtige Einnauhmequöin fia'd Wiatschoft vu Campora San Giovanni san d'Laundwiatschoft und da Tuarismus. Ob da Mittn vum 20. Joahundat wiad in da Region de rote Tropea-Zwüafi aubaud, de wos a wichtigs Expoatprodukt is. Im Ort gibts a Feriensiedlung. 2003 is a Hofn featigbaud woan, dea in Oat mid de Liparischn Inseln (zum Beispüi Stromboli) vabindt.

Vakeah[VE | Weakln]

Campora San Giovanni liegt aun da SS 18 und is aa mi'm Zug erreichboa. Üwa'd A3, de Salerno mid Reggio Calabria vabindt, kimmd ma zum 25 km weit weg liegadn Flughofn vu Lamezia Terme.

Oatsteile[VE | Weakln]

  • Augurato
  • Carratelli
  • Cologni
  • Cozza
  • Cuccuvaglia
  • Fravitte
  • Gallo
  • Imbelli
  • Marano
  • Marinella
  • Mirabelli
  • Oliva
  • Piana Cavallo
  • Piana Mauri
  • Principessa
  • Ribes
  • Rubano
  • Villanova

Kuituavaaunstoitungen[VE | Weakln]

Da Don Apollinaris Mashughuli beim Doaffestl am 3. Septemba 2007 zum 500. Joarestog vum Fraunz vu Paola seim Tod

Jeds Joa wiad vum 1. bis zum 3. Septemba s'Festl vum Patron, im Fraunz vu Paola, gfeiad.

Weblink[VE | Weakln]

→ Dea Artikl basiad auf ara frein Ibasetzung vom säim Artike in da Wikipedia af Deitsch.
 Commons: Campora San Giovanni – Oibum mit Buidl, Videos und Audiodateien