Chemie

Aus Wikipedia
Wexln zua: Navigation, Suach

De Chemie (sprich Kemii) is de Wissnschaft, de wo si mit den Stoffn und Stoffändarunga befosst. A Stoffändarung is, wann a so a Stoff midan andan Stoff reagiad, oiso ebba wenn da Sauastoff midn Wossastoff zum Wossa reagiad. De easchdn Chemika – im Sinn vo da Chemie ois exakte Naturwissenschaft – hods im 17. und 18. Johrhundad gem. Fria hods owa scho Alchemisdn gem, de wo voa oim vasuachd hom, dass' aus am Blei oda wos a Goid mocha kunntn.

A chemisches Element definiad si owa iba de Ozoi vo de Protonen im Kean von am Atom, vo dahea konn ma oa chemisches Element (wia ebba Blei) ned iba a chemische Reaktion in a ondas chemisches Element (wia ebba Goid) umwandln; hiafia brauchads a physikalische Reaktion. De chemischn Element san im „Periodnsystem vo de chemischn Element“ goadned.

Täubereiche vo da Chemie san de Oigmoane Chemie, Aunorganische Chemie, Organische Chemie, Biochemie, Physikalische Chemie, Technische Chemie und Theoretische Chemie.

Schau aa[VE | Weakln]