Cognomen

Es Cognomen (lateinisch fia „Beinama“, weatli: „bekannta Nama“; Plural Cognomina) wor im Remischn Reich oft da dritte Namasbstandtei.

Uaspringli wors nua a Beinama (Spitznama oda Spottnama), oba im Laff vo da Zeid san do draus reguleare Nama worn, de aa vaeabt worn san. Es hod oba nua da ejtasde Suhn es Cognomen vom Vodan ibanehma deafa.

Es remische Cognomen is da Voalaifa vom heitign Nochnama. Im Italienischn hoasst deswegn Nochnama aa "cognome".

Schau aa

• Cato (Cognomen)

Literatua

• Theo Mayer-Maly: Cognomen. In: Der Kleine Pauly (KlP). Band 1, Stuttgart 1964, Sp. 1242.