Der Bulle von Tölz: Tödliches Dreieck
| Der Artikl is im Dialekt Obaboarisch gschriem worn. |
| Foig der Serie Der Bulle von Tölz | |
|---|---|
| Originaltitl | Tödliches Dreieck |
| Produktionsland | Deitschland |
| Originalsproch | Deitsch/Boarisch |
| Läng | 92 Minutn |
| Oitasfreigob | FSK 12 |
| Einordnung | Staffel 6, Foig 2 30. Foig insgesamt |
| Easchdausstrohlung | 10. Oktoba 2001 auf Sat.1 |
| Stab | |
| Regie | Wigbert Wicker |
| Drahbuach | Franz Xaver Sengmüller |
| Produktion | Ernst von Theumer junior |
| Musi | Kristian Schultze |
| Kamera | Wolfgang Treu |
| Schnitt | Susanne Hartmann |
| Bsetzung | |
| |
Tödliches Dreieck is a deitscha Feansehfuim van Wigbert Wicker ausm Joar 2001 noch on Drahbuach van Franz Xaver Sengmüller. Es is de 30. Foig vo da Krimiserie Da Bulle vo Däiz midm Ottfried Fischer ois Hauptkommissar Benno Berghammer. Da Fuim is zun easchtn Moi am 10. Oktoba 2001 af Sat.1 ausgstroit worn.
Handlung
[Werkeln | Am Gwëntext werkeln]Forstorbata finden in ara Fichtnschonung in da Näh vo on Beagpfad afm Blomberg de Leich vo da Irmgard Paal aus Hanau. Se is mid ara Wäscheleine dadrosslt worn. In iam Hondtaschl is a Schusswoffn.
Im Gästzimma vo da Todn findt de Kommissarin Sabrina Lorenz a Skizzn vo da Umgebung van Tatort samt Beaghittn, de wo an Dr. Frank Gerstl gheat, an Chefoarzt vo da Heilbrunna Kurklinik, wo an Kommissar Benno Berghammer sei Muada Resi grod Eaholung suacht.
Da Ehemo van Opfa, da Christian Paal, dea wo ois Pianist in da Kurkapejn spuid, is da Haptvadächtige, wei de Kriminala außafindn, doss ea ned nua zua Tatzeit zmindest in da Näh van Tatort woar, sondan aa no a gschlampads Vahäitnis mid da Susanne Gerstl hod, da zwoatn Ehefrau van Dr. Frank Gerstl. Se wui da Polizei zvorkemma, drum beichts an Fejtritt iam Mo. Da Dr. Gerstl is fossungslos, losst ia donn oba an Seitnsprung duachgeh und wui de Goartnparty zun fimftn Hoozadsdog wia plant duachziang. Wei d’Resi Berghammer on deara Wiedavareinigung vo de zwoa ned gonz unbeteiligt woar, weads emfois eiglodn.
Da Berghammerin ia Zimmerkollegin Elfriede Kutschera is zwoar ned zu deara Party eiglodn worn, mechad oba gean seng, wia ra Chefoarzt aso lebt, und geht mid da Resi Berghammer mid. Dort siagts a Paarl, des wo ia in da letztn Zeit efta in on Geländewong afm Blomberg afgfoin is, und vazejhd ia Beobochtungan an Kommissar Berghammer. Es stejd si außa, doss de oane Peason da Tom Gerstl is, da Sohn van Chefoarzt, und de ondane is de Annemarie Holst, de Pflegarin vo an Tom seina Großmuada Wilhelmine Lobmeier. De oide Lobmeierin sogt, doss da Tom ia vor drei oda vier Wocha van Vahäitnis zwischad da Susanne und an Pianistn vazejhd hod. Do hods ian Schwiegasohn driba informiat, dmid ea s Owesn ned on sei Frau, sondan on an Tom ibaschreibt; es woar ia wichtig, doss da Bsitz in da Famij bleibt.
Wei jetzad kloar is, doss da Dokta long vorm Moard Bscheid gwisst hod, konfrontian de Kriminala eam mid de neien Eakenntnisse. Ea gibt zua, doss ea de Irmgard Paal informiat hod. Aft is de ogroast und hod de Susanne daschiaßn woin; se hod eam am Dog vorm Moard de Schusswoffn zoagd. Ea is midm Geländewong vo sein Buam afn Blomberg gfoarn und hod sei Frau vor deara narrischn Peason gschitzt.
Hintagrund
[Werkeln | Am Gwëntext werkeln]Gfuimt worn is z Däiz, z Heilbrunn und am Blomberg;[1] ois Schaublotz fia de „Pension Resi“ homs as Hollerhaus Irschnhausn heagnumma.
Im Netz
[Werkeln | Am Gwëntext werkeln]- Tödliches Dreieck in der Internet Movie Database (englisch)
- Tödliches Dreieck bei Fernsehserien.de
Beleg
[Werkeln | Am Gwëntext werkeln]- ↑ Tödliches Dreieck – derbullevontoelz.de (Memento vom 29. Aprü 2016 im Internet Archive)
| Vorherige Foig 4. Oktoba 2000: www.mord.de |
Episodnlistn | Nächste Foig 17. Oktoba 2001: Sioux City |