Die Simpsons

Aus Wikipedia
Seriendatn
Deitscha Titl: Die Simpsons
Originaltitel: The Simpsons

Produktionslaund: Vaoanigte Stootn
Sidkurea (Onimation)
Produktionsjoar(e): seit 1989, (1987)
Läng pro Foig: etwa 22 Minutn
Anzoi vo Foign: 666+ in 31 Staffeln
Originoisproch: Englisch (AE)
Muse: Alf Clausen, Richard Gibbs
Titlliad: Danny Elfman
Idee: Matt Groening
Genre: Comedy, Satire, Zeichentrick
Erschtausstroiung: 17. Dezemba 1989 (USA)
auf FOX
Erschtausstroiung (de): 13. Septemba 1991
auf ZDF
Bsetzung

(Sprecha im Originoi)

Synchronisation


Die Simpsons (originoi: The Simpsons) is a sear bekonnte omerikonische Fernsehserie. Or Morknzeichn fo dera Serie is dos de Figurn a gaibe Hautforb hom.

Hondlung[Werkeln | Am Gwëntext werkeln]

De Sendung draht si um de Famij Simpson aus da fiktivn amerikonischn Stod Springfield.

  • Homer (zwischn 36 und 42 Joahr) is da Voda, der owa ned recht gscheid is, obwoi er im Atomgrafddwerk ois Sichaheitsobainschpektor oarbat.
  • Marge is de Muada, de de gonze Zeit hinta ihra Famij hintaher putzn und aufpassn muaß doss da Homer koan Bleedsinn mocht.
  • Bart is des oiteste Kind (10 Joahr), des aa bloß Bleedsinn im Schedl hot. Dafia konn da Bart owa nix, wei er ADHZ hot.
  • Lisa (8 Joahr) is zwor no jung, owa gscheida ois wia de moasstn Awochsanan. Deshoib is sie aa de gscheidaste in da Sippn.
  • Maggie (1 Joahr) is des Baby, des no ned redn konn und dauand an Diezl im Mei hot.

Bei de Simpsons werd hauptsächlich des oitägliche Lem in Amerika dorgstellt und auf die Schnippn gnomma.

Ondare Leit de oiwei wiada moi auftaucha[Werkeln | Am Gwëntext werkeln]

  • Abraham Simpson „Abe“ oda oafoch Grampa (83 Joahr) is da Voda vom Homer und desweng aa da Opa vo de drei Kinda. Er is nimma da frischaste und wohnt im Oitasham. Am liabstn vazeid a Gschichtn vo friara oda ausm Kriag, owa meistns heat eam koana zua.
  • Patty und Selma san de zwoa Schwestan vo da Marge und kenan an Homer ned aussteh. Beide san stoake Raacher und wohnan gmans om in ana kloana Wohnung. De Selma woa unta onderm mim Sideshow Bob und an Troy McClure vaheirat.
  • Mr Burns is da Chef vom Atomkroftwerk in dem da Homer oarbat. Er is uroid und da reichste Mo in Springfield. Er denkt oiwei nua ans Goid und is da bäse Kapitalist.
  • Ned Flanders is da Nochbar vo de Simpsons. Er is sear christli und oiwei nett zu de Leit. Aa zum Homer is a oiwei nett obwoi eam er meist nur ausnutzt und sonst bläd auredt.
  • Krusty da Clown is a bekonnter Fernseehclown, de meist beloidgend und oangebildet is.

D' Stod[Werkeln | Am Gwëntext werkeln]

Da Matt hot an Nam "Springfield" deswegn gnumma wei des oana vo de heifigstn Oatsnam in de USA is. Außadem soi d'Stod a typisch amerikanische Gloastod zoagn. Hinweis zua an möglichn realen Standoat wean extra widasprüchlich gmocht, damid des übaoi in de USA sei ko.

Erfoig[Werkeln | Am Gwëntext werkeln]

Die Simpsons laffa scho seit 20 Joahr und a End is no ned in Sicht. Mittlawei hot de Sendung Kuitstatus in Amerika und in vui ondan Länder, aa Deitschlaund. In Amerika hot de Sendung aa an Eifluss auf de Kuitur gnomman. Homers berühmds "D'oh! (Neinn!)" is sogoa in Oxford English Dictionary aufgnumma wuan.

Die Simpsons hamd außadem no gwonna:

  • 26 × Annie Award (1992, 1993, 1994, 2 × 1995, 1996, 4 × 1997, 3 × 1998, 2 × 1999, 2 × 2000, 2001, 2003, 4 × 2004, 2007, 2 × 2008)
  • 26 × Emmy (1990, 1991, 6 × 1992, 1993, 1995, 2 × 1997, 3 × 1998, 2000, 2 × 2001, 2 × 2003, 2004, 2 × 2006, 2008, 2 × 2010 )
  • 6 × ASCAP Award (1995, 1996, 2001, 2002, 2003, 2004)
  • 4 × Genesis Award (1993, 1994, 1995, 1996)
  • 3 × EMA Award (1991, 1994, 2001)
  • 3 × WAC Winner (1997, 2 × 1998)
  • 3 × TP de Oro (2002, 2003, 2004)
  • 3 × BMI Film & TV Awards (1996, 1998, 2003)
  • 2 × TCA Award (1990, 2002)
  • 2 × British Comedy Award (2000, 2004)
  • 2 × WGA Award – TV (2004, 2010)
  • 1 × Saturn Award (1993)
  • 1 × E Pluribus Unum Award (1996)
  • 1 × Peabody Award (1997)
  • 1 × GLAAD Media Awards (1998)
  • 1 × Golden Reel Award (1998)
  • 1 × Golden Eagle Award (2000)
  • 1 × American Comedy Award (2001)
  • 1 × Internationaler Monitor Award (2002)
  • 1 × Blimp Award (2002)
  • 1 × Kids Choice Award (2002)
  • 1 × National Music Award (2002)

Synchronisation[Werkeln | Am Gwëntext werkeln]

Listn vo de Synchronsprechar:[1]

S = Staffe

Charakta Originalsprecha Synchronsprecha Zeitraum dt. Stimm
Famij Simpson
Homer Simpson Dan Castellaneta Norbert Gastell Fortlaffad
Marge Simpson Julie Kavner Elisabeth Volkmann
Anke Engelke
S01–Mittn S17
Mittn S17–Heit
Bart Simpson Nancy Cartwright Sandra Schwittau Fortlaffad
Lisa Simpson Yeardley Smith Sabine Bohlmann Fortlaffad
Maggie Simpson Nancy Cartwright Sabine Bohlmann Fortlaffad
Abraham „Grampa“ Simpson Dan Castellaneta Walter Reichelt
Ulrich Bernsdorff
Horst Raspe
Michael Rüth
S01–S08
S09
S10–S15
S16–Heit
Patty Bouvier Julie Kavner Gudrun Vaupel
Elisabeth Volkmann
Angelika Bender
S01
S02–Mitte S17
Mitte S17–Heute
Selma Bouvier Julie Kavner Ursula Mellin
Elisabeth Volkmann
Angelika Bender
S01
S02–Mittn S17
Mittn S17–Heit
Famij Flanders
Ned Flanders Harry Shearer Frank Röth
Ulrich Frank
S01
S02–Heute
Kernkroftweak Springfield
Mr. Burns Harry Shearer Reinhard Brock
Kai Taschner
S01-S24
S25-Heute

Ausstrohlung[Werkeln | Am Gwëntext werkeln]

In Amerika laffa die Simpsons wechentli om Sunndog-Obnd afm Senda FOX.

In Deitschlaund kema jedn Dog zwoa Foign, ob 18:10 af ProSieben.

In Östareich gibts am ORF oans jedn Wochadog zwoa Foign, um 17.55 und um 18.20.

In da Schweiz laffa de Simpsons ufm Kanal 3+

Außadem gibs an Fuim, dea wo im Juli 2007 in de Kinos kema is. Etzad issa af DVD und Blu-Ray aussakumma.

Die Simpsons uf Boarisch[Werkeln | Am Gwëntext werkeln]

2014 wuaden easchtmois mehrare Simpsons-Comics uf Boarisch iwasetzt und im Buach "Simpsons Mundart: Bd. 2: Die Simpsons auf Bayrisch" vaeffentlicht.

Beleg[Werkeln | Am Gwëntext werkeln]

  1. Liste der Originalsprecher und Synchronsprecher einzelner Folgen

Im Netz[Werkeln | Am Gwëntext werkeln]

 Commons: Die Simpsons – Sammlung vo Buidl, Videos und Audiodateien