Dischkrian:Mathias Kneißl

Aus Wikipedia
Zur Navigation springen Zur Suche springen

Dischkuas[Weakln]

Dass da Kneißl a Vabrecha und Totschläga woa, steht fest und des steht a kloar und deitlich im Text; dass ea wegn Moardes vaurteilt woan is aa. Und es hoaßt jo aa Raiba Kneißl und jeda woass, dass a Raiba a Vabrecha is...

Ob ea a Mearda woa, wiad sogoa vo Juristn, bis zum heitign Tog, in Froge gstäid (vgl. Queijn 1). Ea hods nia zuagebn, hoate Beweise gibts ned, des Urtei wegn Moardes is juristisch umstrittn. --Matthias Klostermayr 08:53, 11. Jun. 2008 (CEST)

Unvaschdändlich, dass noch 100 Joa no imma Leid gibt, de an Raiba Kneissl am liabstn no amoi vaurteiln woitn, de sogoa an Ringsgwandl oogriffn hom, wei a a wundascheene Balladn iban Kneissl gschriem hod.

Sippnhoft, Obrigkeits-Stalking, zum Krippe gschossn, im Rollstuih kepft... reicht enk des ned?

"Es war a Montag vor gor net so langer Zeit, de Vögl ham net g'sunga und de Glockn ham net g'leit. Do hams an Kneißl Hias zu Hinrichtung g'fahrn, - im Rollstuih - denn im sein Buckl do warn de Kugln von de boarischn Schandarm." (Zitat: Ringsgwandl, Album Staffabruck) --Bua 00:31, 26. Jul. 2008 (CEST)

S geht drum, daß do herin ned a Voikshäidnmyhos ausbaut wern soi, sondan daß neitral drüwa bericht wead. In andane Quäijn hot ma aa glesen, daß da Kneissl de Bauan recht ausgreiwad hod und se ned so arg begeistad warn von seina Reiwarei. (I wohn in Dachau, do head se manchs a weng andas oo) De Bewundarung gehd ja hauptsächle drauf zruck, daß se de feign Bayern olleweil scho eanane Häidn, de se daschiassn, daschlong oda aufhenga hom lassn, hochlem lassn. Wia gsogt, erscht nochm Doud. Da Mythos vom Kneissl ois boarischn Robin Hood konnst nämle vagessn. Dea hod an si säim denkt, sunst nix (und zrecht). Daß'sa dazua triem worn is, mog sei, domois warn andane Zeitn, andane Moralvoastellungan und lang ned olleweil ois so wia ma se de "guade oide Zeit" voastäid. Und a Vabrecha war da Kneissl, a Reiwa ollemoi, wann vielleicht aa koa Möada ned. Und? lasst du an Reiwa dei Wohnung ausramma, dein Beidl nemma, blos weila ebbs gega d'boarische Regierung hod, gega Bolezei? Koa Mensch hod ebbs gsogt, daß ma oan wega am Vabrechn aufhänga soi. I wehr me nua dagen, daß ma Vabrecha gleich wäicha Art glorifiziad und ois Üwamensch darstäid oda füa seine politischn Ansichtn mißbraucht. I bin zwar zu 99% am Ringsgwandl seina Ansicht, trotzdem nimme eam des übl, daßsa an Doudn Kneissl füa seine Ideen mißbrauchd und an Kneissl ois Beispui dafüa heahoitn lasst, wia des nausgeh kon, wann se a Staat gega Gegna wia ea (da Ringsgwandl) säim oana is, zua Wehr setzt. Oiso, bleim ma beim Gschichtlichn, beim neitraln und lass ma as polemisian am Ringsgwandl und Konsortn, awa bittsche aussahoib von am Wikipediaartikl. 84.151.106.133 01:11, 26. Jul. 2008 (CEST)
Dass da Kneissl koa Vabrecha woa, sogt neamd. Dass da Kneissl in Wiaklichkeit a Antihäid woa, woass aa jeda, dea lesn und denkn ko, oiso aa da Ringsgwandl und a da Autor vo dem Artikl. Owa liaba soichane, tragische Häidn, ois... Boarisch? Soichane Häidn gibts aa in andare Lända, vo Jesse James bis Billy the Kid. Dass ea an si säim denkt hod, guad, mochd jeda. Dass an Robin Hood ibahaupt nia gem hod, kloar, ko ma aa nochlesn. Dass da Kneissl eascht nochm Doud populäa woan wa, is foisch. Ohne Huif vo da Landbevökarung häd ea aa ned so lang duachhoidn kenna. Jo, und ea is ausm Voik aa poarmoi varrodn woan (wegn an Kopfgäid), oba kepft hod eam des Voik gwiss ned. Polemisian? Les da amoi de Osog vum Staatsanwoit im Prozess duach. Dann woasst wos polemisian is. Wann'st irgendwäiche interessantn Quäijn kennst, dann sog uns de. --Bua 02:16, 26. Jul. 2008 (CEST)
Richtig, do gähds um an neitraln Standpunkt. Oisdann relevante Queijn nennan, dann wiad gändat. Werd oba glei säim no amoi iban Text driba schaung. --Matthias Klostermayr 08:42, 26. Jul. 2008 (CEST)

Siegst, mid dem Gsatzl im Artikl schaugt des glei ganz andas aus. Ähnle hod se übrigns Marlene Reidl aa aus da Affärn zong. "...Denn nicht das Verbrechen als solches macht volkstümlich...." (Bei da Reidl is übrigns aa a Hinweis drauf, daß de Bauern anfangs ned so begeistad warn vo eam) Sicha siech i persenle an Kneissl ned ois grässte Gefahr oo, daß se a Jugndlicha vo heid den ois Voabuid nam, andraseits - hod se da Kneissl ned an Boarischn Hias säim ois Voabuid gnomma? Ausschliassn mecht es ned. Quäijn woits hom? Moi schaung ob e des wiedafind. 84.151.67.193 21:53, 26. Jul. 2008 (CEST)