Energie

Aus Wikipedia
Wexln zua: Navigation, Suach
A Dampfmaschiin wandld Weame in mechanische Energie um.
A Radldynamo wandld mechanische Energie in elektrische Energie um.
A Feia wandlt kemische Energie in Weame um.

Energie oda Enagie (oidgriachisch: energon = innas Wiakn) is a physikalische Gress. Energie brauchds ba jeda Vaendarung. Ba da Umwandlung vo Energie entstehd Leistung. Energie is demnoch gspeichade Vaendarung.

Energie gibd's in an Haffa Foama. De Grundeihheit vo da Energie is as Joule.

A wichtigs Grundprizip vo de Natuawissnschoftn is da Energiedahoidungssotz. Es sogt: Energie ko weda gschoffa no zastead wean. Energie ko nua umgwandld, transportiad und gspeichad wean. Beispuisweis ko Wind (kinetische Energie) duach a Windradl in elektrischn Strom umgwandld wean und dea wieda in Hitz (Weameenergie) ban Kocha usw. Zweng dem Energiesotz und zweng da Reibung is a Perpetuum mobile, a Maschiin de wo ewig ohne laffnde Enagiezuafuah rennd, ned megli.

Sichtweisn vo Energie[VE | Weakln]

Energie in da klassischn Mechanik[VE | Weakln]

In da klassischn Mechanik is Energie konsaviade Vaendarung, d. h. de Fehigkeit, Orbat z leisdn. In da Orbat wead Energie vo oana Foam in a ondare umgwandld.

De kinetische Energie is de Energie, de wo im Begewungszuastond vo an Keapa enthoidn is.

Potenzieje Energie oda Logeenergie griagd a Keapa duach a Log in an Kroftfejd, beispuisweis duach de Schwaakroft. Wann a Opfe vom Baam foid, nacha wead sei potenzieje Energie in kinetische Energie umgwandld.

Energie in da Themodynamik[VE | Weakln]

Weame is a Energiefoam. Thermische Energie is de Energie, de wo in da ungoadnedn Bewegung vo de Elementaraitzal (Atom, Molekui) gspeichad is.

Olle Energiefoama kenna in Weameenergie umgwandld wean (easchda Haptsotz vo da Thermodynamik).

Weameenergie ko owa nua zan Tei in ondare Energiefoama ibafiahd wean (zwoata Haptsotz vo da Thermodynamik), in Obhengigkeit vo Umgebungsfaktorn.

Literatua[VE | Weakln]

  • Jennifer Coopersmith: Energy – the subtle concept. Oxford University Press, 2010, ISBN 0-19-954650-9.
  • Max Jammer: Energy. In: Donald M. Borchert (Hrsg.): Encyclopedia of Philosophy. Band 3. Thomson Gale, 2005, S. 225–234
  • Marc Lange: Energy (Addendum). In: Donald M. Borchert (Hrsg.): Encyclopedia of Philosophy. Band 3. Thomson Gale, 2005, S. 234–237
  • Yehuda Elkana: Discovery of the conservation of Energy, Harvard University Press 1974 (Vorwort I. Bernard Cohen)
  • G. N. Alekseev: Energy and Entropy. Moscow: Mir Publishers 1986
  • Benjamin Crowell [2003]: Light and Matter. Fullerton, California: Light and Matter 2011
  • Ross, John S. (23 April 2002). "Work, Power, Kinetic Energy". . Michigan State University. http://www.physnet.org/modules/pdf_modules/m20.pdf. 
  • Smil, Vaclav: Energy in nature and society: general energetics of complex systems. Cambridge, USA: MIT Press 2008, ISBN 0-262-19565-8
  • Walding, Richard,  Rapkins, Greg,  Rossiter, Glenn: New Century Senior Physics. Melbourne, Australia: Oxford University Press 1. Novemba 1999, ISBN 0-19-551084-4

Im Netz[VE | Weakln]

 Commons: Energie – Sammlung vo Buidl, Videos und Audiodateien