Zum Inhalt springen

Es wiad scho glei dumpa, es wiad scho glei Nocht

Aus Wikipedia
Der Artikl is im Dialekt Owaöstareichisch gschriem worn.
A Foto vom Pfora Anton Reidinga
Datei:Notnbladl vom Krippnliad, es wiad scho glei Dumpa.., vom Pfora Anton Reidinger.jpg
As Notnbladdl zan Liad, umma 1884

Es wiad scho glei dumpa, es wiad scho glei Nocht [dt. Es wird schon gleich dunkel, es wird schon gleich Nacht] oda Es wird scho glei dumpa, is a bkaunts Weihnochtsliad. Da Text is in da owaöstareichischn Variantn vo da Boarischn Sproch vom katholischn Pfora Anton Reidinger (da dichtande Dechant) 1884 im Innviatl gschrim wuan, die Melodie hingegn basiert auf am steirischen Marienliad, is owa vom Anton Reidinga musikalisch wesentlich überorbeitet wordn

De Gschicht vom Liadl

[Werkeln | Am Gwëntext werkeln]

Anno 1913 is des Liadl vom Franz Friedrich Kohl und vom Josef Reiter in de Saummlung: Echte Tirola Liada afgnumma wuan, Bd. 1, Leipzig 1913, S. 24. Es is owa ka tirola Liad, sondan a steirisches. Da Viktor Zach hod daun des Liadl iwanumma und hods in da Saummlung: Oide Krippn und Hiatnliada vaeffentligt, Graz 1918, S. 16). Da Hr. Reidinger is am 29. April 1839 in Krenglbach, Owaröstareich, gbuan wuan und am 24. Dezemba 1912 in Obernberg am Inn gstuam.

Da origineu Liadltext

[Werkeln | Am Gwëntext werkeln]
Melodie


Es wird scho glei dumpa, es wird scho glei Nacht,
Drum kim i zu dir her, mei Heiland auf d'Wacht.
Will singen a Liadl, dem Liebling dem kloan,
Du magst ja net schlafn, i hör die nur woan.
Hei, hei, hei, hei!
Schlaf siaß, herzliabes Kind!

Vergiss hiaz, o Kinderl, dein Kummer, dei Load,
dass d'dada muaßt leidn im Stall auf da Hoad.
Es ziern ja die Engerl dei Liegerstatt aus.
Möcht schöna nit sein drin an König sei Haus.
Hei, hei, hei, hei!
Schlaf siaß, herzliabes Kind!

Ja Kinderl, du bist halt im Kripperl so schen,
mi ziemt, i kann nimmer da weg von dir gehen.
I wünsch dir von Herzen die süaßte Ruah,
die Engerl vom Himmel, die deckn di zua.
Hei, hei, hei, hei!
Schlaf siaß, herzliabes Kind!

Mach zua deine Äugal in Ruah und in Fried
und gib mir zum Abschied dein Segn no grad mit!
Aft werd ja mei Schlaferl a sorgenlos sein,
aft kann i mi ruahli aufs Niederlegn gfrein.
Hei, hei, hei, hei!
Schlaf siaß, herzliabes Kind!

Des Origineunotnbladl

[Werkeln | Am Gwëntext werkeln]

Des Origineunotnbladl is im Archiv vom Klosta Kremsmünster gfundn woan. Da dazuabaßade Zeidungsartikl vom 9.12.2016.[1]

Schau aa

[Werkeln | Am Gwëntext werkeln]

Einzlnochweis

[Werkeln | Am Gwëntext werkeln]
  1. ↑ [1] in der Zeitung Oberösterreichische Nachrichten vom 9.12.2016.

Im Netz

[Werkeln | Am Gwëntext werkeln]

Video

[Werkeln | Am Gwëntext werkeln]
Voh „https://bar.wikipedia.org/w/index.php?title=Es_wiad_scho_glei_dumpa,_es_wiad_scho_glei_Nocht&oldid=844089“