Fahnawei
Aa Fahnawei is a Fesd, wou da Pfora a Fahn an Seng gibt.
Gschicht
[Werkeln | Am Gwëntext werkeln]Scho im Oitadum hom de vaschina Stämm oi Fäidzeichn kennt kod. As remische Heer hod domois edlache foro drong kod. S deitsche Reichsheer hod fuam easchdn Wäidgriag fia jen Truppntei a eigane Fahn kod, aussa fiad Atillari. Am Ofang issaso gwen, das da Soidad im Gfächt gwisst hod, hoitaus do is mei Fahn, do muase hie. Ob zruck, oda fiare, owei da Fahn no. Dano is gwen, das de Fahn a Zeichn fia Eah und Drai, af de ma an Eid hod schwean miassn, woan is. No is de Fahn aa Heiligdum gwen, de Kiachle gweid und an bsundan Blodz kod hod. Wiaseno de Griagfiarung mid da Zeid vaändad kod hod, hom aa de Fahna era Bedeidung ois Fäidzeichn valuan kod.
Fahnawei
[Werkeln | Am Gwëntext werkeln]Owara de Voraine, wiad Schitzn, Schbort und Gsangsvorain hom eigane Fahna. Ara jädwäde Feiawea. Und aa de Fahna miassn gweid wean, neie und oide, omoi wida, weis ofd uaoid hand und mid da Zeid a bissl hie wean. No wiads wida grichd un nom richdn muass wida gweid wean.
Und wens no gweid wiad, no mochd des da Pfora ned hint im Bäsnkammal, sundan es wiad a rechda grouß Fesdl gmochd. Dazua wiad eiglon, Voraine fo da Umgebung, de säim ara Fahn hom. Und Musekapäina, de dano im Fesdzug midlaafa und afschbuin. An Zug foro reit no ofd a Heroid, oda a boo Schnoiza. Dano de vaschina Varaine, ogfiad fum Dafalbua, Musekapäina und Fana. No gäds za Fäidmess oda Kiach, woud Fahn fum Pfora gweid wiad. Dano wiad zan Fesdbloz maschiad, ofd isa Biazäid afgschdäid, wou gessn und foa oim fui drunga wiad.