Frankenmuth

Aus Wikipedia
Frankenmuth
Spitznam: Little Bavaria, Muth, The Muth
Downtown Frankenmuth
Downtown Frankenmuth
Log in Michigan
Frankenmuth (Michigan)
Frankenmuth (Michigan)
Frankenmuth (43° 19′ 56″ N, 83° 44′ 31″W)
Frankenmuth
Basisdaten
Grindung: 1845
Stoot: Vereinigte Staaten
Bundesstaat: Michigan
County: Saginaw County
Koordinaten: 43° 20′ N, 83° 45′ WKoordinaten: 43° 20′ N, 83° 45′ W
Zeidzone: Eastern (UTC−5/−4)
Einwohna: 4.944 (Stand: 2012)
Bevökarungsdichtn: 696,3 Einwohna pro km2
Flechn: 7,2 km2 (ca. 3 mi2)
davo 7,1 km2 (ca. 3 mi2) Land
Höhe: 193 m
Postleitzoi: 48734
Vorwoi: +1 +1 989
FIPS: 26-30200
GNIS-ID: 0626405
Netzseitn: www.frankenmuthcity.com
Buagamoasta: Gary C. Rupprecht

Frankenmuth is a bayrisch-fränkische Stod im Saginaw County im US-Bundesstaat Michigan.

Im Joa 2012 hod Frankenmuth 4944 Eihwohna ghobt. De Stod liegt im Frankenmuth Township, is oba politisch sejbstständig. S "Bronner's Christmas Wonderland", des vo si sejm behaptet s gresste Weihnachtsgschäft vo da Wejd z sei, liegt in Frankenmuth. Im Voiksmund hoasst de Stod "The Muth" oda "Little Bavaria" (Kloa-Bayern).

Gschicht[Werkeln | Am Gwëntext werkeln]

De Region is im Joa 1845 vo Immigrantn aus Frankn bsiedlt worn; de moastn san Roßtaler gwen. So is da Nam entstandn. A s "Muth" kimmt vom boarischn Muat. De Umgebung is emfois vo Frankn bsiedld worn, des ko ma no heit an de Ortsnama dakenna: Frankenlust, Frankentrost und Frankenhilf.

Vui Auswandandara worn koservative Lutheraner. Heit is de lutherische Gmoa Mitglied in da "Lutheran Church - Missouri Synod".

Eadkund[Werkeln | Am Gwëntext werkeln]

De Stod dastreckt si af oan Gebiet vo 7,2 km², wovo 7,1 km² Landflächn und 0,1 km² Wossa san. Durch de Stod rinnt da Cass River.

Bevejkarung[Werkeln | Am Gwëntext werkeln]

In Frankenmuth lem 4.944 Menschn in 2.123 Haushoitn. Es gibt 1.322 Familien. Die Bevejkarungsdichtn betrogt 684,2 Einwohna pro km².

Städtpartnaschoftn[Werkeln | Am Gwëntext werkeln]

  • Gunzenhausn (Bayern)
  • De Lutherische Gmoan Frankenmuth untahoit freindschoftliche Bande aa zua St. Nikolaigmoa Neuendettelsau.

Wirtschafd[Werkeln | Am Gwëntext werkeln]

De Stod lebt in easchta Linie vum Tourismus. Frankenmuth hod jeds Joa uma drei Milliona Bsuacha, de de boarischn Gschäft und Gostwirtschadn segn woin. Am bekanntestn is s Bronner's Christmas Wonderland und de Restaurants Zehnder's und Bavarian Inn. Außadem ziagt Frankenmuth Touristn durch seine Voiksfest o.

Architektua[Werkeln | Am Gwëntext werkeln]

De moastn Haisln san af fränkische Oat baut. De Straßn san wia in Bayern beschuidat. A bsundare Kuriosität is de "Stille-Nacht-Kapejn", de a orignaltreie Kopie von da gleichnamign Kapejn aus Oberndorf ba Soizburg hod.

Schau aa[Werkeln | Am Gwëntext werkeln]

Im Netz[Werkeln | Am Gwëntext werkeln]