Göibschnåblöista

Aus Wikipedia
Wexln zua: Navigation, Suach
Göibschnoblöista
Pica nuttalli Lake San Antonio.jpg

Göibschnoblöista (Pica nuttalli)

Systematik
Ordnung: Spaznfegl (Passeriformes)
Untaordnung: Singfegl (Passeri)
Famij: Romfegl (Corvidae)
Gattung: Echte Öistan (Pica)
Oart: Göibschnoblöista
Wissnschaftlicha Nama
Pica nuttalli
(Audubon, 1837)

De Göibschnoblöista (Pica nuttalli) is a noadamerikanische Fogloat aus da Romfegl-Famij (Corvidae). S'is da kloanste Vatreta vu de Echtn Öistan und hod a schwoaz-weißes Gfieda und an göibn Schnobl. De Oat is a Endemit vu Kalifornien, wos im Central Valley und de ogrenzendn Gebirgstäler vuakimmt. De Göibschnoblöista is a typische Oat vu da Eichnsavanne und lebt und briat am liabstn an Flussufan und in kloanen schattign Tälern wos a weng köida is ois wia in da Umgebung. Wie aa olle andern Echtn Öistan is d' Göibschnoblöista omnivor, des hoaßd se frisst Insektn, Aas, Droad und Fricht. De Oat briat vu Aprül bis Mai.

Eanan easchtn Bschrieb hod da John James Audubon 1837 vafoßt. As Atepitheton nuttalli ehrt an Thomas Nuttall. Am nächstn vawond is d' Göibschnoblöista mid da Hudsonöista (Pica hudsonia), de westli vu ea lebt und vu dea wo sa si trennt hod ois d' Eiszeitn gherrscht hom. De Population gilt ned ois gfährdet, oba as West-Nil-Virus und da Zruckgang vu da kalifornischn Eichnsavanne san a gwisse Bedrohung. Mehr ois d'Höiftn vom Bstand is seit 1999 an dem Virus gstorbn, drum mahna Ornithologen, doß ma die Population besser beobachtn sollt.

Beleg[VE | Weakln]