GV-Vabindung

Vagleich vo da Wiakungsweis vo ana SL-Vabindung (obm) mit ana GV-Vabindung (untn), des Greane san de Vuaspaunnungskräft'

De GV-Vabindung, des is kuaz fia gleitfest vuagspaunte Vabindung (dt. gleitfest vorgespannte Verbindung), is a Schraubvabindung im Stoibau, wo de Kräft' iwa de Reibung vo de Kontaktflächn iwatrogn wean, des hoaßt, de zua vabindandn Bautäu wean zaumpresst - im Gegnsotz zua SL-Vabindung, wo de Kräft' iwa'n Aunpressdruck (Lochleibungsdruck) iwatrogn wean. Es deafn nua hochfeste Schraufn eigsetzt wean und des Bohrloch deaf 2 mm (3 mm bei vamindata aunliaganda Kroft) gressa sei ois wia da Schraufnschoft sei, des is des Lochspüü. Außa waun ma a Passvabindung haum, des is daun a GVP-Vabindung.

De Schraufn wean mit Drehmaument vuagspaunt. De Kontaktflächn vo de Aunschlussbautäu miassn davua behaundlt wean, dassd aa gnua Reibung zaumkriagst z. B. duach Saundstroihn oda Flaummstroihn. Waunst Kräfte hosd, de senkrecht und parallöö zua Schraufnachsn ohtrogn wean miassn, nocha is a GV-Vabindung gscheida ois wiara SL-Vabindung.

Beaunspruchung vo gleitfest vuagspauntn Vabindungan quea zua Schraufnachsn

Da Bemessungsweat vom Gleitwidastaund vo vuagspauntn gleitfestn Schraufn mit da Festigkeitsklassn 8.8 oda 10.9 wiad wia fuigt eamittlt:

$F_{s,Rd}={\frac {k_{s}\cdot \mu \cdot F_{pc}\cdot n}{\gamma _{M3}}}$

• F_s,Rd ... Grenzgleitkroft (Gleitwidastaund) [kN]
• k_s ... Beiweat fia de Lochfuam bei vuagspauntn Schraufn. Des is bei an noamäun Lochspüü 1,0; sunstn vo 0,63 bis 0,85
• μ ... Reibbeiweat, hängt oh vo da Oat vo da Reibflächnbeoawadung.

μ = 0,5 waun de Owaflächn saund- oda kuglgstroid is

μ = 0,2 waun de Owaflächn unbehaundlt is

• F_pc ... Mindestvuaspaunkroft [kN], F_pc = 0,7 · f_ub · A_s
  • f_ub ... Zugfestigkeit vo da Schraufn [kN/cm²]
  • A_s ... Spaunnungsqueaschnitt vo da Schraufn [cm²]
• n ... Aunzoih vo de Gleitflächn
• γ_M3 ... Täusichaheitsbeiweat fia Schraufvabindungan auf Gleitn

γ_M3 = 1,10 beim Gebrauchstauglichkeitsnochweis

γ_M3 = 1,25 fian Trogsichaheitsnochweis

Mit dem Weat gehst in' Nochweis gemäßm semiprobabilistischn Täusichaheitskonzept eine.

$F_{Ed}\leq F_{s,Rd}$

• F_Ed ... vuahaundene Kroft gemäß Statik [kN]
• F_s,Rd ... Grenzgleitkroft [kN]

De vuahaundene Kroft muass natiali kloana gleich wia de Grenzgleitkroft sei, des is de Kroft wo de Schraufn auf Gleitn vasogt.

Im Netz

• Schraubverbindungen im Stahlbau (pdf)