Geheimnis um ...

Aus Wikipedia
Zur Navigation springen Zur Suche springen

Geheimnis um ... (Originäutitl: Mystery of bzw. Five Find-Outers) is a Kindabuachreih vo da englischn Audorin Enid Blyton.

Biacha[Weakln | Am Quelltext weakln]

Geheimnis um ...

  1. ... einen nächtlichen Brand
  2. ... eine siamesische Katze
  3. ... ein verborgenes Zimmer
  4. ... eine giftige Feder
  5. ... eine verschwundene Halskette
  6. ... ein Haus im Walde
  7. ... eine Tasse Tee
  8. ... einen unsichtbaren Dieb
  9. ... einen entführten Prinzen
  10. ... einen roten Schuh
  11. ... am Holunderweg
  12. ... ein gestohlenes Bild
  13. ... einen Wohnwagen
  14. ... eine Efeuvilla
  15. ... ein blaues Boot

Inhoid[Weakln | Am Quelltext weakln]

De 5 Spianosn Dicki, Rolf, Gina, Flip, Betti und da Hund Purzel klärn Vabrechn auf. Des sigd da Dorfpolizist vo Peterswalde Herr Grimm (den de Spianosn Wegda nenna wei ea des imma durch de Stroßn schreid) ned so gern und bschwerd se ofd bei de Oidan. Sei Chef olladings, da Inspektor Jenks (spada Chefinspektor, am Schluss Direktor) sigd des andas und is rechd dankbar, dass de Spianosn de Fälle aufklärn. Ea find oba, dass de fünfe se ned so ofd in Gfoar bringa soidn.

Persona[Weakln | Am Quelltext weakln]

  • Dicki hoaßd eigendlich Dietrich Ingbert Carl Kronstein is obm 3. Baund da Chef von da Truppn. Er gibd gern o, wos vo da andan Spianosn oba ned gern gseng werd (außa vo da Betti). Er is 13 Joa oid, dick, hod an Hund Purzel, seine Leit san woihobend und lossn eam vui Freiheidn. Am Aunfang hom eam de aundan Kinda ned gern meng.
  • Rolf (Rudolf Tagert) is 13 Joa oid, da ödare Bruada vo da Gina. Er war zuersd da Chef vo de Spianosn.
  • Gina (Regina Tagert) is 12 Joa oid, recht miadalich, wia de aundan manchmoi sogn und sie hod imma guade Idään wos ma spüün ko.
  • Flip (Philip Hillmann) is 11 Joa oid werd Flip gnannd wei ea rechd schmoipickt is. Ea hod rechd strenge Leit.
  • Betti (Elisabeth Hillmann) is 8 Joa oid und de jingste von da Truppn. Se varedd si leichd und ofd und himmed in Dicki au.
  • Purzel: Purzel is a kloana Scotchterrier, dea wos in Dicki gheat. Ea hod de söibe Gwohnheit wia olle kloan Hundal in Peterswalde, ea kiefed aun de Hosnhaxn vom Herrn Grimm umanaund. Wegn den mocht dea aa ollawäu an großn Bogn um eam.
  • Herr Grimm is da Doafpolizist, dea wos oft mit sein Radl durch Peterswalde bleedat. Ea ärgat si ollawäu iwa de Spianosn, wäu sa se, wiara sogt, „in Dinge einmischen, die sie nichts angehen.“ Wäul a ollawäu „Weg da!“ ruaft, waunna de Spianosn siacht, haums eam in Spitznauman „Wegda“ gem. Mau kaun si drauf valossn, doss a Hetz gibt, waunn a auf de Spianosn trifft. Ea woat scho seit ewig und drei Dog auf sei Beföadarung, de wos owa ned und ned dahea kimmt.
  • Ern Grimm (Ern is de Okiazung vo Ernst) is da Neff vom Herrn Grimm und muass maunche Ferien bei sein Onkl vabringan, obwoi eam dea schlecht behaundlt. Ea is a Wengl doikert, schreibt „Pösie“ (des soi Poesie hoaßn) und huift denan sechs Spianosn, waunna in seine Ferien in Peterswalde is.
  • Inspektor Jenks is da Chef vom Grimm und is a Freind von de Spianosn. Ea gfreit si scho, doss da Dicki amoi sei Mitoaweita bei da Polizei wead.

Biachln zum Huachn[Weakln | Am Quelltext weakln]

Seit 2002 san drei von de Biachln ois Biachln zum Huachn bei „Der Hörverlag“ aussekeman:

  • Geheimnis um einen unsichtbaren Dieb
  • Geheimnis um ein verborgenes Zimmer
  • Geheimnis um ein Haus im Wald

Heaspui[Weakln | Am Quelltext weakln]

Zwischn 1966 und 1982 san eife von de Biachln ois Heaspui auf Fontana Laungspuischeim und Karusell Musikasettn (des san olle zwoa Label von da PolyGram). De Sprecha haum von aana Foign zua Nextn gwexlt.[1]

Beleg[Weakln | Am Quelltext weakln]

  1. https://web.archive.org/web/20160222174857/http://www.hoerspielwelten.de/dia_mode.php?meineauswahl=Geheimnis-Serie%20%28Fontana%2FPhilips%29

Im Netz[Weakln | Am Quelltext weakln]