Geiss Haejm

Da Geiss Haejm, oda aa da Helmut Josef Geiss, 1951 z Zwiesl af d Welt kuma un afgwoxn, is a Liadamocha, a Autoa, a Mola un a Blogga.

Seit 1965 spuit ar an Bass an vaschidnane "Bands" oda Musegrupm, wia "The Admirals", "The Soundboys" u "Sound of Satisfaction", u hod no 1967 õghebt a deitscha u 1970 a boarischa Liada zen schreim. A hod a Asbuidung ois wia a Glosblosa gmacht u z Hanau u Berlin-Kreizbeag gorbad. 1970 is a af Westberlin aufezogn; 1972 hod a se durtn pedagogisch weita buidt un 1974 is a wida hoam, wora a pedagogischa Orbatn afgnumma hod. So hod a in Zwiesla Augustina-Juvenat af a Gymnasiastn afgschaugt, is 1977 a Internatsschef z Bod Wörishofa woan, wo a se bis 1992 um Kochschiala oda so kimmat hod; u hod vo 1992 bis 2001 ois wia a "Wohnstettnschef" ba da Lemshuif Reng gorbat. Ar hod umma 650 Liada gschrim; vo de wo umma zwoa Drittl af Nidaboarisch san. Seit 1978 is ar im ganzn siddeitschn Raum aftretn; i de 80ga hod ar aft aa ban Neambeaga Bardntreffn u vill i da Friins- un Ekologibewegung gspuit.

Vaeffntlichunga

• 1978: LP "Reise ins Schlaraffenland",
• 1979: MC "Verzwickte Mundartsongs"
• 1981: LP "Hirnbatzl"
• 1983: Kalendergeschichten
• 1984: MC "Summa wiads"
• 1986: Liederbuch des Geiss Haejm
• 1987: Neue Kalendergeschichten
• 1987: Vom Leben der Echraner
• 1988: MC "Rockhausmuse"
• 2000: CD Ausgewählte Hirnbatzl
• 2003: Gedankenbuch des Geiss Haejm
• 2004: Multimediales Liederbuch
• 2006: Sentenzen

Corona-Pandemi 2020/21

Seit 2020 vaeffntlicht ar midunta zer Corona-Pandemi Text u Video, i de wo ar vo Apartheid, Kohlendioxid-Rückatmung, Menschnvasuach, Pandemiinszenirung, da Gfohr vom Impfn, den Lug vo de Corona-Toudn u da Nein Weltordnung redt. Nema de ganzn Vaschwerungsidena u da Gscheidhafalwissnschaft findt se aa a Kritik, wia z. B. de vom Gscheft, wo d Politika mid de Maskn machn.

Im Netz

• Homepage oda alteanativa Link af d Homepage
• Textt af echra.de
• Aktuells as Posching u vo da Doana