Greta Garbo

Aus Wikipedia
Greta Garbo, de Geddliche, de 'schwedische Sphinx, de Traumprinzessin fiad Ewigkeit (1925)

De Greta Garbo (* 18. Septemba 1905 z Stockholm ois Greta Lovisa Gustafsson; † 15. Aprui 1990 z New York) wor a schwedische Fuimschauspuiarin, a internationala Fuimstar in de 1920a und 30a Joar und ane vo de gresstn Hollywood-Legendn, de wo s je gebm hod. Se is de Geddliche, de schwedische Sphinx und de Traumprinzessin fiad Ewigkeit gnennd worn.

Fost olle vo iare 28 Fuime worn sensationelle Eafoige. Ian letztn Fuim hod se 1941 gspuit. Mit nua 36 Joar hod sa si zruckzogn und hod de Effentlichkeit gscheit.

De Garbo liegt im berihmtn Stockholma Woidfriedhof Skogskyrkogården begrobm.

Mythos[Werkeln | Am Gwëntext werkeln]

De Garbo is fost iba Nocht scho mit ian easchtn Fuima zan Star und spada zua Kuitfigua worn.[1][2][3] Dafia gibts an Haffa Grind.

Grundvoraussetzung fia a Schauspuiarin worn in dea Zeit natiale Aussegn, Talent und Charisma - davo hod de Garbo reichli ghobt. Dazua kimmt oba a ganz oagne Spuitechnik, mit dea wo se iara Zeit weit voraus wor. Se hod ned vuadagrindig und (amerikanisch) plakativ gspuit, wia olle andan Schauspuia und Schauspuiarinna za dea Zeit, sundan is mit de Roin vaschmoizn und hod komplexe Gmiatszuastend (eiropejisch) dezent und authentisch mit subtiln Blickn und Gestn zan Ausdruck brocht. Heit sogd ma dazua "from the inside-out" spuin.[3] Manche Kritika sogn, dass an Hauffa vo iare Fuim a Schmoarrn worn, dass ia exzellente, magnetische Spuiweis de Schwächn vo de Fuim oba komplett ibadeckt hod und aloa daduach de Fuim zan Kassnschloga worn san.[4][2] Deshoib wor de Garbo aa z Recht de bestbezoitaste Schauspuiarin vo iara Zeit.[5][6]

Vui Berihmtheidn vo Fuim und Kuitua hom se iba de Schauspuifehigkeitn vo da Garbo begeistat ausdrickt, beispuisweis Bette Davis:[7] "Her instinct, her mastery over the machine, was pure witchcraft. I cannot analyze this womans acting. I only know that no one else so effectively worked in front of a camera." Oda Ephraim Katz (The Film Encyclopedia: The Complete Guide to Film and the Film Industry):[8] "Of all the stars who have ever fired the imaginations of audiences, none has quite projected a magnetism and a mystique equal to Garbos. "The Divine", the "dream princess of eternity", the "Sarah Bernhardt of films", are only a few of the superlatives writers used in describing her over the years.... She played heroines that were at once sensual and pure, superficial and profound, suffering and hopeful, world-weary and life-inspiring."

De Garbo hod aa markante und fia Fuimstars ungwehnliche Charaktazig ghobt. Mode in jeda Foam wor ia zwida. Trotzdem is se zua Modeikone worn, weis gwusst hod, dass des fiad Fuimarei auschloggebend is. Deshoib hod de Garbo extrem intensiv mit ian Designer zammgorbat (vgl. Lady Gaga). Gwanda und Frisuan vo de Garbo-Fuim san Mode-Vuabuida worn.

De Garbo wor extrem Effentlichkeitsschei und hod a diafs Misstraun gegn de Medien ghobt, damit hod se olle PR-Regln vo Hollywood brocha. Se hod mit Ausnohm vo iara Ofangszeit nia Interviews gebm[9], hod nia ned Autogrammstundn gmocht und is nua sejtn in da Effentlichkeit aftredn; und wen, nacha hinta ana Sunnabruin und an riesign Huad tarnt. Deswegn hod se aa in Spitznama "Schwedische Sphinx" griagt. Trotz dea Schei vua da Effentlichkeit is de Garbo paradoxaweis oane vo de Fraun worn, iba de wo im 20. Joarhundat af da Wejd am moastn vaeffentlicht worn san.[10][2]

Galerie[Werkeln | Am Gwëntext werkeln]

Fuimografie[Werkeln | Am Gwëntext werkeln]

  • 1921: Herr och Fru Stockholm (Schweden) - Reklamefuim fias Stockholma Kaufhaus PUB (uma 5 Minutn)
  • 1922: Konsumtionsföreningen Stockholm med Omned (Schweden) - Reklamefuim fiad Konsumentenvaeinigung vo Stockholm und Umgebung (uma 8 Minutn)
  • 1922: Luffar-Petter (Schweden) - Regie: Erik A. Petschler
  • 1924: Gösta Berling (Gösta Berlings Saga) (Schweden)
  • 1925: Die freudlose Gasse (Deitschland)
  • 1926: Fluten der Leidenschaft (Torrent)
  • 1926: Dämon Weib (aa Totentanz der Liebe) (The Temptress)
  • 1927: Es war (Flesh and the Devil)
  • 1927: Anna Karenina (Love)
  • 1928: Das göttliche Weib (The Divine Woman)
  • 1928: Der Krieg im Dunkel (aa Die Dame von Loge 13) (The Mysterious Lady)
  • 1928: Eine schamlose Frau (aa Herrin der Liebe) (A Woman of Affairs)
  • 1929: Wilde Orchideen (Wild Orchids)
  • 1929: Unsichtbare Fesseln (The Single Standard)
  • 1929: Der Kuß (The Kiss)
  • 1930: Anna Christie
  • 1930: Romanze (Romance)
  • 1930: Anna Christie - deitsche Version
  • 1931: Yvonne (Inspiration)
  • 1931: Helgas Fall und Aufstieg (Susan Lenox - Her Fall and Rise)
  • 1931: Mata Hari
  • 1932: Menschen im Hotel (Grand Hotel)
  • 1932: Wie Du mich wünschst (As You Desire Me)
  • 1933: Königin Christine (Queen Christina)
  • 1934: Der bunte Schleier (The Painted Veil)
  • 1935: Anna Karenina
  • 1936: Die Kameliendame (Camille)
  • 1937: Maria Walewska (Conquest)
  • 1939: Ninotschka (Ninotchka)
  • 1941: Die Frau mit den zwei Gesichtern (Two-Faced Woman)

Beleg[Werkeln | Am Gwëntext werkeln]

  1. Vieira 2005, p. 6.
  2. 2,0 2,1 2,2 Barnes 1990.
  3. 3,0 3,1 Vance, Jeffrey (2005). The Mysterious Lady, The Garbo Silents Collection: Audio commentary, DVD; Disk 1/3. (TCM Archives).
  4. Vieira 2005, pp. 6-8.
  5. Vieira 2005, p. 7.
  6. Swenson 1997, p. 406.
  7. Bette Davis [1962]: The Lonely Life. New York: Berkley Books 1990, ISBN 978-0-425-12350-8
  8. Ephraim Katz: The Film Encyclopedia: The Complete Guide to Film and the Film Industry, 1st, New York: Thomas Y. Crowell Co. 1979, ISBN 978-0-690-01204-0
  9. Paris 1994, p. 178.
  10. NYTimes 1990.

Literatua[Werkeln | Am Gwëntext werkeln]

Im Netz[Werkeln | Am Gwëntext werkeln]

 Commons: Greta Garbo – Sammlung vo Buidl, Videos und Audiodateien