Haydar-Aliyev-Stiftung

Aus Wikipedia
Zur Navigation springen Zur Suche springen
Haydar-Aliyev-Stiftung (Heydər Əliyev Fondu)
Logo of Heydar Aliyev Foundation.jpg
GründerMihriban Aliyeva, Ilham Aliyev
TypGmoanitzige Stiftung
Gründt10. Mai 2004
SitzBaku, Aserbaidschan
PersonenPresidentin Mihriban Aliyeva
Vizepresidentin Leyla Aliyeva
AktionsraamAserbaidschan und wejdweid
FokusKuitua, Kunst, Buidung und Wissnschoft
Hoamseitnwww.heydar-aliyev-foundation.org
Hauptsitz vo da Haydar-Aliyev-Stiftung auf ana aserbaidschanischn Briafmarkn vom Joar 2012.

De Haydar-Aliyev-Stiftung (aserbaidschanisch: Heydər Əliyev Fondu) is a Kuitua-, Kunst-, Buidungs- und philanthropische Stiftung in Baku, Aserbaidschan, und de greßte vom Land, de wo z Ehrn vom aserbaidschanischn Stootsmo Haydar Aliyev (1923-2003) gewidmet is.[1]

De Hauptaufgob vo da Stiftung is, des Lebn, de politische Tätigkeit und de Ideen vom Haydar Aliyev z studian und z feadan; de soziale, wirtschoftliche, wissenschoftliche, kuituarelle und de humanitäre Entwicklung in Aserbaidschan z unterstitzn. Da Stiftungszweck is de Feadarung vo Wissenschoft und Foaschung, Buidung und Erziahung, Kunst und Kuitua, vom Umwejd-, Landschofts- und Denkmoischutz, sowia vom effentlichn Gsundheitswesen vo Aserbaidschan.[1]

Zuasätzli hod de Stiftung den Zweck, Aserbaidschan in den kulturejn, ökologischn, soziain und humanitärn Bereichn im Ausland z feadan. Außadem untastitzt de Stiftung zoireiche Entwicklungshuife-Projekdt in Entwicklungsländan.[1]

De Stiftung is am 10. Mai 2004 in Baku grindt worn.[2] Da Voastand bsteht aus am Presidentn, am Vizepresidentn, am Exekutivdirektoa und am Gremium vo Sachverständign. De Schwiegadochta vom Haydar Aliyev und First Lady vo Aserbaidschan Mihriban Aliyeva is Presidentin und ia Dochta Leyla Aliyeva Vizepresidentin vo da Stiftung seit iara Grindung.[3]

Beleg[VE | Weakln]

  1. 1,0 1,1 1,2 Goals of Foundation. Archiviert vom Original am 10. Septemba 2015, obgruafa am 30. Juli 2015.
  2. About Foundation. Archiviert vom Original am 31. August 2015, obgruafa am 30. Juli 2015.
  3. Structure of Foundation. Archiviert vom Original am 10. Septemba 2015, obgruafa am 30. Juli 2015.

Im Netz[VE | Weakln]

 Commons: Haydar-Aliyev-Stiftung – Sammlung vo Buidl, Videos und Audiodateien