Hermann vo Niedaoida

Hermann vo Niedaoida, aa Hermannus Altahensis(geborn zwischn und 1202; gstorbn 31. Juli 1275 im Kloasta Niedaoida), war a Benediktiner, Obt vo Niedaoida und Chronist.

Lebn

Hermanns Gebuatsort und sei frühes Aafwachsn san ned ibaliefat. Sei Bildung hat er an da Kloastaschui vo Niedaoida erhoitn. Er is in de Gmoaschaft vom Kloasta eintretn und is Kustos vo da Kloastakirch worn. Des hot eahm a umfangreichs Urkundnstudium ermöglicht und den Weg zu seina Chronistntätigkeit gebnet. Er is vom Obt vom Kloasta ois Gsandta noch Verona zum Kaisa sowia zwomoi noch Rom beauftrogt worn. Hermann is 1242 zum Obt vom Kloasta gwejt worn. Aafgrund günstiga Umständ und gschickta Fiahrung hot er de wirtschaftlichn, baulichn und innakleastalichn Vahältnisse na beachtlichn Vabessarung zufuahrn kenna. Doriba naus hot er aa positiv auf benachbarte Kleasta eigwirkt. Unta andarm soi er beginstigend in am guatn Vahältnis zu de Herzeag vo Baiern und Kini Ottokar II. vo Beahmen gstandn und iba de Vabindung de rechtliche Position vom Kloasta gstärkt habn. Umfangreichs Zeignis iba de Entwicklunga vo da Zeit gebn seine Schriftn, insbsondare seine Annales Althaensis gejtn ois wertvolle zeitgnössische Quejn. Er soi außadem mit dem päpstlichn Gsandtn Albert Behaim im perseanlicha Kontakt gstandn hobn. Hermann hot 1273 aus gsundheitliche Grind sei stellung ois Obt aafgebn miassn. Noch seim Tod 1275 hot sei Sekrtär, da spätare Obt vo Mettn Henricus Stero a Elog aaf eahm vafasst.