Hobangoas

Aus Wikipedia
Zur Navigation springen Zur Suche springen
De Hobangoas ois Schiachperchtn-Maskn
A Hobangoas ban Faschingsumzug.

De Hobangoas oda Howangoas, aa Habergoaß, is a chtonisches Viach, Vegetationsdämon oda Elementargeist in da Gstoit vo oana Goas, de wo imma auf irgendaa Oart vaunstoidt is (Mischwesn vo Goas und Vogl). Es is a recht vuischichtige Figur mit untaschiedlicha Bedeitung und Doarstejung. De Hobangoas hod friaa a wichtige Roin im Voiksglaam eignumma. Im Brauchtum, beispuisweis in Begleitung vo de Schiachperchtn und ban Maibaambrauch hodse de Tradion bis in de heitige Zeit eine dahoidn.

Wortheakumft[VE | Weakln]

Des Woat "Hoban" bedeit in am Zammahang "Bock" (oidnordisch hafr, Bock); damit is oisdann ned Hoban ois Droad gmoant. De Hobangoas is deshoib uaspringle a Zwittawesn aus Bock und Goas. Se hod vamuatli friaa a Bedeitung ois Fruchboarkeitswesn ghobt, wos si oba im Laff vu da Zeit vaendat hod.

Eascheinung in Sogn und Brauchtum[VE | Weakln]

Voikssogn[VE | Weakln]

In da Voikssogn wead de Hobangoas moast ois dreiboaniga Goasbock mit gliahandn Augn und longam Boart bschriem. Mangmoi wead de Hobangoas ois Mischwesn aus Goas und Vogl doargstejt, ohne Fej und mit am Gfieda. Ia greislichs Meggan vabroat Ongst und Schreckn. Mangmoi wead de Hobangoas sogor ois Bluadsauga bschriebm, wo Bauan und Viecha ofoit.

Hobangoas und Niglo[VE | Weakln]

De Hobangoas is oft am 5./6. Dezemba in Begleitung vum Niglo untawegs. Dann trogt se a "Zistl" aufm Ruckn, a Tragl wias friaa de Bauan gnutzt hom. Dena Kinda is nacha vazejd worn, dass de Hobangoas damit de beesn Kinda wegga zaat.

Hobangoas und Perchtn[VE | Weakln]

De Hobangoas is aa a traditionelle Begleitung vu de Schiachperchtn. De Gstoit is nacha oft gressa ois zwoa Meta. Mit am beweglichn Mai zwickt de Hobangoas efta de Zuaschaua oda reisst eana in Huad und de Haubm vom Schedl obe.

De vaschiedanen Roin oda Hobangoas[VE | Weakln]

De Hobangoas is a aissast zwiespoitige und vuischichtige Figur zwischn Vegetationsdämon, Elementargeist, Spukgstoit und Sognfigua.[1]

  • Gstoit vo da Niglogruppm
  • A beesoartigs Viech vo da Wuidn Jogd
  • A Gspenst vo da Rauhnocht
  • A Hex, a Schreckgespenst
  • A unhoamlichs Viech, wo Unglick bringt
  • A Schlechtweddavogl, a Vogl wo meggat und Muich gibt
  • A Figua im Foschingsumzug
  • A Ghuif vom Deife
  • A Kindaschreck
  • A Figua vum Maibaam-Brauchtum

Iwatrogane Bedeitung[VE | Weakln]

De Bezeichnung Hobangoas is friaa aa fia spindldirre, schiache Weiwaleit, fia Schlampn, fia an langa Lulatsch, und fia a z mogare Kuah oda a z mogas Ross vawendd worn.

In Siidtirol wead da Stoakauz (Athene noctua) Hobangoas gnennt. Megli dass da Voglgschroa mit Geistan in Zammahang brocht worn is.

Beleg[VE | Weakln]

  1. Nama vo da Hobangoas

Im Netz[VE | Weakln]