Hofkirchn (Innschbrugg)
| Der Artikl is im Dialekt Tirolarisch gschriem worn. |
Die Hofkirchn isch a Kirchn in Innschbrugg, glei bei da Altstod. Man kann aa Schwarzmanderkirchn oder Franziskanerkirchn dazua sagn.
Des bsondrige an der Kirchn isch, dass innen drein an Haufn Bronzefigurn aufgstellt sein. Es sein aber nit lei Mander wia da Name sagt, sondern a Weiba.
Gschicht
[Werkeln | Am Gwëntext werkeln]Die Kirchn isch augstellt worn, weil si da Kaiser Maximilian I., der si viel in Tirol aufghaltn hat, a eigenes Grabmal gwunschn hat. Er isch aber dann in Wiana Neistadt begrabm worn, und sei Enkele, da Ferdinand I. hat nacha die Kirchn mit am laarn Grabmal as Marmor baun lassn. Rundumadum um des Grabmal sein 28 Bronzefigurn augschtellt worn. Dej Figurn solln seine Familienleit zoagn, sowia s Christntum und seim Anspruch auf de andern Firstnhaiser. An da Kirchn und am Franziskanerkloster, des glei nebnbei liegt, ham se vo 1553 bis 1563 lang baut. Fertig worn isch des Grabmal eascht 1584 untam Erzherzog Ferdinand II. Der hat si aa a Kapelln fia sich und sei Weibaz, die Philippine Welser, baun lassn.
Am 3. November 1655 isch die friagere Keanigin vo Schwedn, die Christina, in der Kirchn katholisch worn.
Wos gibts zum segn
[Werkeln | Am Gwëntext werkeln]Es sein amol die 28 Figurn, de ma si anschaugn kann:
- Johanna die Wahnsinnige, Schwiegertochter Maximilians
- König Ferdinand der Katholische von Spanien
- Herzog Philipp der Gute von Burgund
- Herzog Karl der Kühne von Burgund, Schwiegervater Maximilians
- Herzogin Zimburgis von Masovien, Großmutter Maximilians
- Erzherzogin Margarete von Österreich, Tochter Maximilians
- Kaiserin Maria Bianca Sforza, Maximilians zweite Ehefrau
- Erzherzog Sigmund der Münzreiche von Österreich
- König Artus von Peter Vischer dem Älteren
- König Ferdinand von Portugal
- Herzog Ernst der Eiserne von Österreich
- Theoderich der Große, König der Ostgoten, von Peter Vischer dem Älteren
- Herzog Albrecht II. der Weise von Österreich
- Rudolf von Habsburg
- König Philipp I. (der Schöne) von Kastilien, Sohn Maximilians
- König Chlodwig I.
- König Albrecht II.
- Kaiser Friedrich III., Vater Maximilians
- Markgraf Leopold III. der Heilige
- Graf Albrecht IV. von Habsburg
- Herzog Leopold III. von Österreich
- Herzog Friedrich mit der leeren Tasche von Österreich
- König Albrecht I.
- Gottfried von Bouillon, Kreuzfahrer, König von Jerusalem
- Königin Elisabeth von Ungarn
- Maria von Burgund, Maximilians easchte Ehefrau
- Elisabeth von Görz-Tirol
- Herzogin Kunigunde von Bayern, Schwester Maximilians
Außerdem isch da des Grab vom Freiheitskämpfer Anderl Hofer zu segn, und vo seine Kumpanen Joachim Haspinger und Kajetan Sweth.