Howlin’ Wolf (* 10. Juni 1910 z White Station, noh vo West Point, Mississippi ois Chester Arthur Burnett; † 10. Jenna 1976 z Chicago, Illinois) wor ein amerikanischaBlues-Musika.
A poar vo seine Liada san in de Gschicht vom Blues einganga und Blues-Rock-Standard worn: "Smokestack Lightnin'", "Back Door Man", "Killing Floor" und "Spoonful".
Anno 2004 is a vom Rolling Stone Magazin ois Numma 51 af da Listn vo de "100 Greatest Artists of All Time" gfiat worn.[1]
Za sein Spitznama "Heilanda Woif" is a kema, wei a vasuacht hod, in Jodl-Stui vom Jimmy Rodgers, an weissn Country-Jodla nochzmocha. Dees is eam zwoa ned glunga, oba dafia is a oagna, unvawexlbora Stui aussakema.
Mit ana Gress vo 1,98 Meta und 136 Kilo wor da Howlin' Wolf a imposante Eascheinung, sei Stimm wor genau so gwoitig.
Anno 1980 is da Howlin’ Wolf in de Blues Hall of Fame und 1991 in de Rock and Roll Hall of Fame afgnumma worn. 2010 is dees Liad "Spoonful" in de Blues Hall of Fame afgnumma worn. „This is Howlin' Wolfs New Album And He Doesn't Like It“ is in de Wireliste The Wire's "100 Records That Set The World On Fire (While No One Was Listening)" afnumma worn.
