Hurz

Aus Wikipedia
Wexln zua: Navigation, Suach
Hurrrrz

Hurz! is a Liad vom Komika Hape Kerkeling.

Ois poinischa Opansänga maskiad hod da Hape voa an uneihgweichdn Publikum a modeans „expressives Stickl“ aus da klassischn Musi voadrogn. Begleidt worn is a am Klavia vom bekanntn Komponistn und Musika Achim Hagemann. Optisch hod si da Kerkeling wia ra orthodoxa Jud heagricht, mid ana Locknperuckn und an schwoarzn Voiboart.

In dem Liadl schreit a imma wieda laut „Hurz!“ dazwischn. Dea Liadtext is aussadem voistendi banal:

“Der Wolf, das Lamm auf der grünen Wiese HURZ! Und das Lamm schrie HURZ! Der Wolf, das Lamm, ein Lurch lugt hervor...”

Hape Kerkeling: Hurz!

As Publikum hod de absurde Parodie auf Neie Musi voi Eanst gnumma. Noch em Voadrog hod da Hape an intellektuejn Dischkuas iba en Inhoid vo dem Stickl oogregt. A oanzige Frau ausn Publikum hod si draud z sogn, dass midn Stickl nix oofanga kunnt. Da Hape hod draf ganz hochnosig gsogt, dass ia woi „der intellektuelle Zugang“ failn dad.

Hurz is fia de TV-Comedyserie vom Hape Kerkeling Total Normal fias Easchte vo 1989 bis 1991 produziad worn. De Serie hod an Haufa Preise gwunna, unta andam: de Goidane Kamera, en Grimme-Preis, de Bronzane Rosn vo Montreux, en Goidanan Gong und en Bayerischn Fernsehpreis.

Hurz! is anno 1992 ois Single aussakema und hods bis afn 4. Plotz vo de deitschn Charts brocht. 1993 is a dafia vo Radio-Schleswig-Holstein midn RSH-Goid Preis fia de "Comedy des Jahres" auszoachnet worn.[1]

Im Netz[VE | Weakln]

Beleg[VE | Weakln]

  1. RSH-Gold Verleihung 1993