In persona Christi
in persona Christi is a Fochbegriff aus da obndländischn Sakramentntheologie und hoaßt so vui wia: on da Stej Christi.
Ea tritt in da remisch-katholischn Theologie (Kiachnrecht, Dogmatik) und in de Bekenntnisschriftn vo da evangelisch-lutherischn Kiach af. Domid is gmoant, doss da eingtliche Voiziaga vo ana gottesdienstlichn Hondlung ned dea is, den ma siagt und heat, sondan Kristus. Zum Beispui: Imma wenn jemond tafft, tafft in Woahheit Kristus sejbst.
Foigerunga
[Werkeln | Am Gwëntext werkeln]Aus diesm Grundsotz wean vaschiedne Foigerunga zong, de teis unbestrittn san, teis – aa im katholischn Raum – da Diskussion untalieng. So unta ondam:
- Wea fia Kristus hondlt, sojt' lem wia Kristus: ois guada Mensch und Krist; bereit, fia Christi Evangelium z leidn, notfois z steabn (Martyrium); meglichst ehelos usw.
- Wea im Keangschehn vo am Sakrament fia Kristus hondlt, trete weahnd da gonzn Feia in seina „Roj“ af, sei duachgehnd Kristi „Doasteja“.
- Wea (ois Priesta) Kristus „doastejt“, miassad iahm aa im Gschlecht gleichn, oiso Mo sei. Domid wäa's kristlich's Wie vom omtlichn Priestatum ausgschlossn. De Entscheidung hod Popst Johannes Paul II. 1994 in sei'm Schreim „Ordinatio sacerdotalis“ fia vabindli eakleat[1] – schau aa Fraunordination (Kristndum).
- Wei Kristus da Oane is (Monogenes), stej eahm im Gottesdienst am bestn nua oa Omtsträga doa. Deshoib sei Konzelebration unstotthoft oda z'mindest unvoateihoft. Dogeng hom scho Thomas vo Aquin und Popst Pius XII. eihgwendt: Olle Priesta vo da Kiach san oans im Houchnpriesta Kristus, ois dessn ministri (Diena) se stets und nua hondln.
Diese Iwalegunga wean voa'm Hintagrund vo da Iwazeigung ogstejt, doss Kristus imma in seina gonzn Kiach und bsondas in iahrn gottesdienstlichn Vasommlunga gengweatig is, und weita, doss jeda Krist in seina Tauf „Kristus ozong hod“ ([[Vorlog:Gal (Bibel)|Gal]] 3,27 EU), foigli aa de Foaml vom Cyprian guit: Christianus oida Kristus („da Krist is a ondana Kristus“).
Beletg
[Werkeln | Am Gwëntext werkeln]Literatua
[Werkeln | Am Gwëntext werkeln]- B.-D. Marliangeas: Clés pour une théologie du ministère. In persona Christi - In persona Ecclesiae. Paris: Beauchesne 1978 (grundlengd).